سوال للاخوه الكشاته

[شلشكو]

ودي اكشت نهايه الاسبوع بشعيب الشوكي ومعي رفقه طيبه بس اذا مافيه ربيع مايطيقون الجلسه ولو على النفوذوش أخبار الشوكي ربيع وخير والا...؟؟؟؟؟

[ناصر التميمي]

كنت اتمنى تكون من اهل الرياض عشان اجاوبك!!!!!!!!!!!!!!!!!!!!!!!!11

[مسافر1]

حسب علمي
لايوجد
والحمد لله على كل حال ..

[عجاج السناف]

(ربيع ايه الي انتا جاي تئول عليه)
الله يجيب الخير يــــــاشلشكو

[دغيم1]

السلام عليكم ورحمة الله وبركاته
حياك الله أخوي
بالنسبة لشعيب الشوكي لايوجد به ربيع لهذا العام
والأفضل وسط النفود وخاصة أوساط الدهنا
أو أوساط الصمان المنطقة الواقعة بين محيط روضتي دغيم وروضة حسناء السبق ، بالرغم من قلة الربيع فيها لكنها الأفضل هذا العام
والله يجيب الخير ويرحم المسلمين
تقبل تحياتي

[escape_man]

اتوقع لا الرياض ولا النفود تنفع هاليومين مع تقلبات الجو

مايزبنك الا شعبان جنوب وغرب الرياض الــــــــــــــــــــى الحريق

هذا بالنسبة لاهل الرياض

[وكعة]

سلا1111111111م
أشتر الراحة لنفسك الشوكي مافيه ربيع
أما بالنسبة للربيع هالسنة على حد علمي ورؤيتي أفضل ما شفت من بعد مناخ في الصمان بـ25 كيلو
جنوب على محيط 15 كيلو فقط هذا أفضل شي من واقع رحلتي بتاريخ 13-14 /2 /1429


ودمتم سالمين