مسابقه غريبه

[راعي الناوي]

السلام عليكم ورحمة الله وبركاته ، اخواني نزلت موضوع مسابقه من فتره وهي هدد زواجل والمسموح لها نوعين من الطيور ( فروخ شواهين ـ جيره تبوع ) المعذره من أهل المنتدى لأن المسابقه غامضه جدا ولاتعرف شلون ، قبل قالو اللي يصيد أو يزبن له ثلاثين ألف ريال ، لكن للأمانه اول يوم ماحظرت وثاني يوم حظرت على الوصف في منطقة سيلين ، ولقيت السيارات متجمعه وفي سياره على بعد 50 متر عنهم فيها الحمام (زاجل) واللي عليه الدور يتقدم ويهد طبعا يكون نازل من السياره ، الغريب ياجماعة الخير الكل زهد طيره من هالهدد (81 فرخ شاهين) ولا واحد منهم راغ الحمامه وواحد من الطيور آنا اعرفه صايد 35 حبارى السنه في العراق ولا وحده راحت عليه ونفس الطريقه للجيره التبوع ولا واحد وصل لها ، والتمس العذر من اخواني اهل المنتدى لأن المسابقه ماكانت لها اسس ولا واحد فاز لم تذكر في الجرايد فلذلك ماقدر اعنّي اخواني اللي في السعوديه او الامارات او او او اللي في الخليج على شي مش رسمي فلذلك انا آسف جدا جدا جدا

[قعقاع التميمي]

وعليكم السلام أخوي ولى روغه حبيت أستفر منك ألي شاركوا هل طيورهم صايده هذا النوع من الحمام قبل

[راعي الناوي]

اخوي قعقاع التميمي والله ولاروغه انا اول مره اشوف هالحمام زاجل دبل تيربو وكل طير شارك طيب عند اهله ماعرف الناس كلهم لكن اعرف بعض الطيور وهي صفوة الصفوه وبالنسبه لفرخ الشاهين اللي ذكرته انا بنفسي هديتله زواجل ثنتين قبل المسابقه ولا يطول معاهم ، وفي ناس اعترضو قالو نبي نشارك بتبوع وحوش قالو جيبو اللي عنكم الصراحه ( حمام ماله حل ) لاويقولون لك هد على ظهرها

[المزروعي]

راعي الناوي . بيض الله وجهك على النصيحه !
المفروض أن المسابقه تكون عون و دعم معنوي و مادي في نفس الوقت لهذه الرياضه . لكن بهذه الطريقه المسابقه تعجيز و حتى الواحد المفروض ما يهد طيره بهذه الطريقه لأنه بيفشل الطير !!! حتى لو طيره سبوق .

[شبراق]

الزاجل السلم الي من يومهو فرخ طلق
مايصيده طير
(الزاجل انوع هذا مايصيده طير لو يركب عشرين الف جناح بطيره) هذا تعجيز

[العمراني]

وش هل الغز بس ابي اعرف هي وين بل الظبط بل السعوديه مدري فرخ جبليه طراد يوفي ولالا

[جارح العين]

اظاهر مسننين مكينه الحمامه عشان كذا ماجابته.....

[جفارا]

السلام عليكم

بالنسبه يا إخوان للمسابقه أن الشيخ جاسم بن حمد آل ثاني جايب حمام زاجل قوي جداً ما يستطيع أي طير يصطاده وحتى اللجنه قبل الهدد يخبرونك أن الطير ماراح يصيد لكن هم يشوفون من الطير الذي يصمل ورا الحمامه فتره وشوفون طيار الطير إذا عجبهم راح يشتريه الشيخ بمبلغ كبير

[المنصوري-قطر]

الله لايهينك ياراعي الناوي

انا كنت حاضر من اول يوم لين اخر يوم

الطير الي راغ طير واحد من الهولي نعيمي هو الي راغ الحمامه من الطيور وعطوه ثلاثين الف وشرو الطير من عندي

وفيه طيور قويه بس الزاجل اقوا والقوي الله سبحانه


يعطيكم الف عافيه

[الفارسي18]

وعليكم السلام ورحمه الله وبركاته
ماشاء الله هاذا الحمام الطيب
و الحمام الي يهدون عليه ربعنا ابوطقه ماطلع الزاجل الاصلي
بعد الهدد الحمام وين يروح ؟ هل يرجع الي المكانه الي معودينه عليه وال يضيع بالبر

[راعي الناوي]

المزروعي : كلامك سليم 100% وشاكرلك مرورك الكريم
شبراق : مافي امل يصيده طير شاكرلك تواصلك
جارح العين: صحيح حمام ملغم
جفارا : شاكرلك على التوضيح الله لايحرمنا منك
المنصوري-قطر : يامرحبا بخالي العزيز نورت الموضوع بمرورك الكريم
الفارسي18 : الحمام ينهد الســـ 3 ــــاعه عصرا وقبل لايقول الله اكبر لصلاة المغرب الحمام يتعشى في مكانه