مكشاتي بالسجن بسبب سكتون .. بهالشنب مايقدرلها بديناميت

[حفرلوجيا]

صدقوني أمس طحت بورطة .. وقعدت بتوقيف الشرطه .. ولولا الأجواد كان تطور الأمر إلى السجن الكبير ..
الحاصل .. عندنا بالبيت جذع ( بعز سن المراهقة ) متحدي ولد الجيران قايل له : ترى تلفزوينكم .. اللي تحطونه بحديقة بيتكم ( الملاصقة لبيتنا ) يزعجنا .. سكروه أو اقصروه قبل لاأكسره لكم .. ( أهب يالفتوة ) ..
وحسب مافهمت فيما بعد ان ولد الجيران قايل له : معصي واللي ماتطوله بايديك سوه برجليك ( شوفوا هالمراهقين اذا حضرهم ابليس ) ..
وفعلا ملاحظ من يومين تلفزيونهم زاد صوته ( طبعا البركة بتهديد مراهقنا وعناد مراهقهم ) .. عاد سكتنا ولا بغينا نزعج جارنا بالشكوى من صوت التلفزيون.. لكن ( جذعنا ) ماسكت .. وش سوى ؟؟ المشهد اللي صار كالتالي :
اللوح لاقط السكتون( أشوى ماكانت الشوزن ) وطالع السطح وقاعد يتويقع ( وطع ..طع ..طع ) على ( راس دش استقبال البث التلفزيوني ) حق الجيران .. وولد الجيران يتحرش به .. يرفع صوت التلفزيون على القناة الأولى الأرضية .. ( بعد مانجح مغفلنا باسكات مدفعية الجيران .. أقصد بعد ماخرب دشهم ) .. ويرفعون القناة الأولى ويكوكونه عيال الجيران يقولون له : يحول مايقدر .. مايقدر .. وهو هات ياصتم ..
وبنفس الوقت بنيات جارنا يتصلن على ( 999 ) يبلغن عن إطلاق نيران ( تصوروا ) من الجيران ( اللي هو انحن ) :mad: .. جت الشرطة بـ( سكات ) يبون ينهون المشكلة .. وتم إلقاء القبض على ( ولدنا ) المغفل متلبس بالجريمة ومعه أداتها ..:(
طبعا بعد ماجيت يامحاكيكم من الإستراحة ( ماندري إلى وين موديتنا هالإستراحات اللي مخليتنا غافلين عن هالمراهقين ):confused: .. وإلى البيت مناحة .. وعندنا أيضا أم الجيران ( الأجودية ) المتضررين متفشلة تعذر من اللي مسوينه عياله .. ( وذي الحسنة الوحيدة لهالورطة أكدت لنا من جديد إن الجيران أجواد ) ..
عاد اتصلت على جارنا ( وأيضا سهران بإستراحة ) :mad: .. عاد انا من الميانة انطلقت ألجلج : اللحين غربلك الله حنا قريب الفجر وهالسمرمد جايبين العيد وأنت سهران ولا على بالك ( قالك يعني أنا اللي على بالي) .. يابو فلان الحقني عند الشرطة السالفة كيت وكيت ..
طبعا وصلت الشرطة قبله .. وماصدقوا .. ألقو القبض علي .. ليش ؟! :confused: :(
الولد الخبل قايل لهم عند ماحققوا معه اني أنا اللي موصية يرمي على الدش ( أظن الهيس بزعمه يوهمهم ويفتك من الورطة ) ..
طبعا جاء جاري الأجودي متأخر .. وفهم الضابط المناوب على الموضوع .. وتنازل وترجى الضابط ينهي القضية حتى لاتتطور المسألة عند هالمراهقين بما لايحمد عقباه :( ..( جاني جاثوم وأنا صاحي.. تذكرت وقتها السدحان وهم يبي يقصونه بحلقة طاش وتصورت اني أو الولد محله .. بس السدحان لقى اللي يسامحه وحنا الخوف مانلقى .. أعوذ بالله من الشيطان ..
وفعلا طلع الضابط أجودي ( انا ملاحظ كلن أجودي بهالقضية إلا هالولد السمرمدي اللي يتقنص بيت الجيران ) .. قال الضابط نطلق سراحكم .. لكن فيه حق عام نبي نطلبك ( ياأنا ) عليه فيما بعد ..
عاد وأنا راجع بالسيارة معي هالسمرمدي .. يقول ان ولد الجيران قايل له : يارخمة اذا فيك خير تعرض دشنا .. ويبرر : وهذا اللي خلاه يسحب السكتون والصتم من المستودع ويرمي .. ( السلاح بدولاب رغم إنه مقفول لكن بسهولة يمكن لمثل هالجنط يفتحه :)..
لكن تدرون أشوى إنه ماأخذ الشوزن وإلا الكلاش كان تلقوني اللحين أسولف على زملاء السجن بدل زملاء مكشات ..( أوالولد صاير عليه مثل مصيرالسدحان ) ..
طبعا أخوكم اليوم شاري للسلاح دولاب حديد لو يفجر بديناميت ماإنفتح تلافيا لمشاكل هالسمرمدي ..:good: :good:

[حفرلوجيا]

إضاءة
اظن اننا بحاجة للتذكير بقواعد حفظ الأسلحة والذخائر وأصول السلامة حولها..
وفي أرشيف مكشات مايغتي في ذلك الجانب والبركة بأعمدة خيمة أسلحة وأدوات الصيد.... إبحث.. وتلقى

[المري]

الحمد لله انها جات على كذا


وعسى الله يستر من الجايات.................



اخوك / المري

[خشم الحصان]

الاخ العزيز والحبيب
حفر لوجيا
السلام عليكم
اخوي الله يحفظك تري ادمنت علي كتابتك والله اني اموت من الضحك وبعض الوقت تدمع عيوني
حتي الي معي في الدوانيه(الاستراحه) يقول الحمد الله يعني كني مهبول والسبه انت وكتابتك اخوي
العزيز ابنشدك هي تحصل لك ولا نقلن عن ولا من بنات افكارك عموم اسلوبك في السرد والكتابه
تخلي الواحد يروح للبيت وهو مستانس وصدره فاضي من الهموم المهم لو سمحت انك تستمر
باسلوبك الي يذكرني بعامود للكاتب السماري الي يكتب منول في جريده الجزيره واسم العمود
مستعجل بس انت تختلف في عملية التوجيه و الارشاد عموم الله يجزاك خير .
اخوك في الله
خشم الحصان
ملاحضه
ترا ان جاني زايده السبه انت لئن بطني يعورني من الضحك اذا قريت ماتكتب

[ابورشيد]

اخوي حفرلوجيا والله اني اقول انك فعلا مصرقع
يا اخي من وين تجيب هالاسلوب وتصيغ الكلام بهالفكاهه
وياليت الاخوان يعطونا معلومات عن افضل الطرق لحفظ الاسلحة عن الصغار
وبعد عن السرقة
لاني وانا اخوك انسرق بيتي السنه اللي فاتت وانسرق منه كل الاسلحه اللي عندي
وكان من ضمنها كلاشنكوف مرخص وشوزن ام حبه وثنتين نصف شوزن وام صتمه ثمانين وام صتمه خمسوعشرين وام صتمه سبعه وعشرين
وكلما تذكرتهن والله اني افر من الحره

[صقر]

حقيقة اخوي حفرولوجيا

اذا كان خشم يعاني من كتاباتك من وجع بطنه انا عيوني راحت وطي من القراءة لأني اقرأ كتاباتك بتمعن وأقرا الكلمات مرتين.

كتاباتك فريدة من نوعها تصل الى القارئ دون عناء مما يكسبها قوة في التلقي والقبول وهذه موهبه وهبك الله إياها.

أخي أرجو في المرات القادمة تكبير الخط ... ترا عيوني غمصت من قراءة مقالاتك.


وشكرا بارك الله فيك

[ابو راشد]

احمد ربك يوم ماسال الدم

[Najd^Prince]

بسم الله الرحمن الرحيم


((^ حفرلوجيا ^))
الحمد لله على السلامه ,, وكويس اللي جت الطعه بالدش وماجت في راس ولد الجيران :D
وفعلاً المراهقين يفعلون أشياء مدري كيف يفكرون فيها :confused: .

لابد من الرقابه الجيده عليهم على شان نتفادى مثل هالأشياء .

Najd ^ Prince

[عبدالعزيز الدباسي]

وش ذا النار المولعة ، ياكافي

اشوى ان هالولد ما اشتغل مع الهيئة ، والا كان علوم ،،،،

الحين كل هذا ازالة للمنكر ،،، والا شايف انه فتوة وعنتر ،،، لا يكون هذا بندر;):cool: ;)

بس الحقيقة الولد اعجبن ، وما كسر كلمته ، واكيد انه ادب ولد الجيران ،،، لا ادب الجيران كلهم ، وابن ابوه اللي يمد ايده .

وحسبي الله على المصاروه ما غلطوا يوم قالوا ( ابن الوز عوام ) واشوف ان هالولد يبي يطلع راعي قنص ومكاشيت .

[سيف السيف1]

أقول طالع على أبوه راعي مشاكل من شابه أباه فماظلم , احمد ربك إنك طحتلك باجواد ولاكان أعلوم إضبط قشك يا حفر قش لاتروح فيها:D
الحمدلله على السلامة:p

[الاجودي]

اول شىء الحمد لله على سلامتك وسلامة اخوك

واشوى انها جت على كذا

وفي الحقيقه اسلوبك رائع

بس لا عاد تطري اسمي واجد بمواضيعك هالمرة سامحتك

لك تحياتي

[مراكي الذيب]

الله يعطيك العافيه اخوي حفرتكنولوجيا مكشات.


فعلا اسلوب مميز ما شاء الله عليك


والله انا مهملين شوي الله يستر

[حفرلوجيا]

أخوي المري :
شكرا .. يارب .. الله يستر
أخوي خشم الحصان:
الله يكفيك شر الإدمان بالإستراحة .. والله يونسك بالعافية .. بس ( لاتدقق ) ..
ويوم جبت طاري ( الاستاذ الكبير ) عبد الرحمن السماري .. تذكرت كاتب عمود من زمان ( يبتز ) الآخرين .. إذا بغى تلفون ( أكاللحين ) شرشح فرع الهاتف اللي حول بيته ( بمقال ) حتى يوصلون له الحرارة .. وإذا له معاملة بالبلدية استلم فروعها ( قصب ) حتى تمشي المعاملة ... بس ربك الهادي يغير ولا يتغير .. لكن الأخوان بـ( مكشات ) يكتبون يتذاكرون ويسلون بعض بالفايدة .. ولا ...... ( يبتزون )..
أخوي أبو رشيد :
شكرا .. وجعلك ( تصرقع ) من ( النشاط ) والعافية ..
أما عن المعلومات عن طرق حفظ الاسلحة وقواعد السلامة .. راجع

اخي الصياد لسلامتك آمل الإطلاع لشقردي (http://www.mekshat.com/vb/showthread.php?threadid=2122&pagenumber=1)

القواعد الهامة للسلامة من مخاطر الأسلحة لنجمة سهيل (http://www.mekshat.com/vb/showthread.php?threadid=9203).

ومواضيع أخرى في خيمة اسلحة وأدوات الصيد
ومعوض خير باللي فقدت
أخوي صقر ..
شكرا .. ياخال هذا الحجم للخط كلن يكتب به ويقراه .. بس الظاهر عيونك رايحة في خرايطها من الماء .. من كثر ( التروش ) .. خفف ياخال وتماكن على ظهرك ;) ..أما الغمص ( مشه ) وتمشي الأمور ..
وأقدر وصفك لكتابتي المتواضعة يا( ملح ) مكشات ..
أخوي أبو راشد :
شكرا .. نعم .. الحمد لله على كل حال
أخوي Najd^Prince
شكرا .. صدقت لابد من الرقابة المستمرة من ( بعيد )..
أخوي شقردي :
شكرا .. الله يغربل عدوك .. اذا ربطت بين غمزتك في قولك ( بندر ) ومعناها بالأوردو (http://www.mekshat.com/vb/showthread.php?threadid=12635)..ولمزتك في قولك ( ابن الوز عوام ) .. قفلت وأقول ( بأثمي ماء ):mad: .... مشرف ( المشكى لله ):mad: :( ..
أخوي أبو فارس :
شكرا .. ( يازين ) وراك ( اطبيتن ) بكل رد مطلع لي اسم جديد .. آخرها ( حفر قش ) .. الظاهر ان بيت خلف اللي حاطه بتوقيعك بدل .. حوايج العطار اللي بأطراف لينه .. يمكن بعض الناس يبي له ( سعوط ) من حوايج العطار اللي بأطراف الديرة.. لعل يكون بها ( العلاج ) ويجوز ( الزين ) مني ياخال ..
لكن ياحبي لأهل بريدة اللي انت منهم ..
أخوي الأجودي :
شكرا .. الله يسلمك وأنت اللي أروع و أجود .. وسم ياخال تامر وحنا نطامر
أخوي مراكي الذيب :
شكرا .. وإذا عرفنا اننا مهملين على قولتك فهذا نصف الحل والنصف الآخر نلقاه بالرابطين اللي فوق عند أبو رشيد..
وسلامة الجميع.

[المربد]

شفت شلون المراهقين وانت ما انت راضي عنهم ؟ طاقات جبارة بس يبي لها توجيه !!
تذكر شقلت عن ( هيثم ) ولد اختك؟
عسى هذا هو؟

[قناص القرائن]

<FONT FACE="Times New Roman Baltic"><FONT SIZE="30"><FONT COLOR="#000000"> </FONT><FONT COLOR="#020000">ا</FONT><FONT COLOR="#040000">ل</FONT><FONT COLOR="#060000">ل</FONT><FONT COLOR="#080000">ه</FONT><FONT COLOR="#0A0000"> </FONT><FONT COLOR="#0C0000">ي</FONT><FONT COLOR="#0E0000">ق</FONT><FONT COLOR="#100000">ل</FONT><FONT COLOR="#120000">ع</FONT><FONT COLOR="#140000"> </FONT><FONT COLOR="#160000">ا</FONT><FONT COLOR="#180000">ل</FONT><FONT COLOR="#1A0000">ش</FONT><FONT COLOR="#1C0000">ي</FONT><FONT COLOR="#1E0000">ط</FONT><FONT COLOR="#200000">ا</FONT><FONT COLOR="#220000">ن</FONT><FONT COLOR="#240000"> </FONT><FONT COLOR="#260000">ا</FONT><FONT COLOR="#280000">ل</FONT><FONT COLOR="#2A0000">و</FONT><FONT COLOR="#2C0000">ل</FONT><FONT COLOR="#2E0000">د</FONT><FONT COLOR="#300000"> </FONT><FONT COLOR="#320000">م</FONT><FONT COLOR="#340000">ه</FONT><FONT COLOR="#360000">و</FONT><FONT COLOR="#380000">ب</FONT><FONT COLOR="#3A0000"> </FONT><FONT COLOR="#3C0000">ي</FONT><FONT COLOR="#3E0000">ل</FONT><FONT COLOR="#400000">ع</FONT><FONT COLOR="#420000">ب</FONT><FONT COLOR="#440000"> </FONT><FONT COLOR="#460000"> </FONT><FONT COLOR="#480000">ف</FONT><FONT COLOR="#4A0000">ك</FONT><FONT COLOR="#4C0000">ك</FONT><FONT COLOR="#4E0000">م</FONT><FONT COLOR="#500000"> </FONT><FONT COLOR="#520000">ا</FONT><FONT COLOR="#540000">ل</FONT><FONT COLOR="#560000">ل</FONT><FONT COLOR="#580000">ه</FONT><FONT COLOR="#5A0000"> </FONT><FONT COLOR="#5C0000"> </FONT><FONT COLOR="#5E0000">و</FONT><FONT COLOR="#600000">ل</FONT><FONT COLOR="#620000">ا</FONT><FONT COLOR="#640000">ك</FONT><FONT COLOR="#660000">ا</FONT><FONT COLOR="#680000">ن</FONT><FONT COLOR="#6A0000"> </FONT><FONT COLOR="#6C0000">س</FONT><FONT COLOR="#6E0000">ب</FONT><FONT COLOR="#700000">ق</FONT><FONT COLOR="#720000">ت</FONT><FONT COLOR="#740000"> </FONT><FONT COLOR="#760000">ل</FONT><FONT COLOR="#780000">ل</FONT><FONT COLOR="#7A0000">ع</FONT><FONT COLOR="#7C0000">ي</FONT><FONT COLOR="#7E0000">د</FONT><FONT COLOR="#800000"> </FONT><FONT COLOR="#820000"> </FONT><FONT COLOR="#840000">ي</FONT><FONT COLOR="#860000">ا</FONT><FONT COLOR="#880000">ل</FONT><FONT COLOR="#8A0000">غ</FONT><FONT COLOR="#8C0000">ا</FONT><FONT COLOR="#8E0000">ل</FONT><FONT COLOR="#900000">ي</FONT><FONT COLOR="#920000"> </FONT><FONT COLOR="#940000">و</FONT><FONT COLOR="#960000">ش</FONT><FONT COLOR="#980000">و</FONT><FONT COLOR="#9A0000">ت</FONT><FONT COLOR="#9C0000"> </FONT><FONT COLOR="#9E0000">ا</FONT><FONT COLOR="#A00000">ل</FONT><FONT COLOR="#A20000">م</FONT><FONT COLOR="#A40000">ر</FONT><FONT COLOR="#A60000">ا</FONT><FONT COLOR="#A80000">ه</FONT><FONT COLOR="#AA0000">ق</FONT><FONT COLOR="#AC0000"> </FONT><FONT COLOR="#AE0000"> </FONT><FONT COLOR="#B00000">ل</FONT><FONT COLOR="#B20000">ا</FONT><FONT COLOR="#B40000">ك</FONT><FONT COLOR="#B60000">ن</FONT><FONT COLOR="#B80000"> </FONT><FONT COLOR="#BA0000"> </FONT><FONT COLOR="#BC0000">ا</FONT><FONT COLOR="#BE0000">ز</FONT><FONT COLOR="#C00000">ي</FONT><FONT COLOR="#C20000">ن</FONT><FONT COLOR="#C40000"> </FONT><FONT COLOR="#C60000">م</FONT><FONT COLOR="#C80000">ا</FONT><FONT COLOR="#CA0000">ف</FONT><FONT COLOR="#CC0000">ي</FONT><FONT COLOR="#CE0000">ه</FONT><FONT COLOR="#D00000"> </FONT><FONT COLOR="#D20000">ا</FONT><FONT COLOR="#D40000">ن</FONT><FONT COLOR="#D60000">ه</FONT><FONT COLOR="#D80000"> </FONT><FONT COLOR="#DA0000">ق</FONT><FONT COLOR="#DC0000">د</FONT><FONT COLOR="#DE0000"> </FONT><FONT COLOR="#E00000">ك</FONT><FONT COLOR="#E20000">ل</FONT><FONT COLOR="#E40000">م</FONT><FONT COLOR="#E60000">ت</FONT><FONT COLOR="#E80000">ه</FONT></FONT></FONT>

[حفرلوجيا]

أخوي المربد:
شكرا .. أي والله طاقات ...
لا.. ذا ( حرش ) لو سلم على هيثم ( تدمت ) أيده .. حرش بزيادة .. وأظن لو يعجن هالحرش مع ( هيثم ) يطلع هو المقدار ( تفصال ) على ماتشتهي .:good:
أخوي قناص القراين :
شكرا .. بس بعض الكلام يودي بداهية .. وبعدين تعال من جانا الحبيب العضو ( الجوني ) صرتوا مثله الرد تكتبونه تقل لوحة دكان ..;) :p

[قناص القرائن]

الله يجزاك كل خير علمني الجوني وشلون اخلي اللون متدرج وانا طافر به ومزعجكم

[الجوني]

الرسالة الأصلية كتبت بواسطة حفرلوجيا
أخوي قناص القراين :
شكرا .. بس بعض الكلام يودي بداهية .. وبعدين تعال من جانا الحبيب العضو ( الجوني ) صرتوا مثله الرد تكتبونه تقل لوحة دكان ..;) :p
ههههههههههه الله يضحك سنك زي ما اضحكتني بس قصة على مراهق مطرطع زين اللي ماحطوا اخوك ارهابي وصورك انت وبيتك وطلعوك من ظمن القاعدة لا تخيلو حفرولوجيا بالبدلة البرتقاليه((استغفر الله لا تتفائل على اخوك ياولد)) ههههههه الله يكفيك الشر هذا يوم انا صغير على شطانتي ونجاستي ماوصل الحد بي كذا اعلى ماول بي اني كسرة رجلين البساسة لأنهن يسرقن فراخ الدجاج وسلامتكم