وش تـقولون فيـه..!!

[صدر الشمالي]

السلام عليكم ورحمة الله وبركاته

أتـرك لـكم الصـور وأبي رآيكم بـصراحـه...

http://file7.9q9q.net/img/56333159/3.jpg (http://file7.9q9q.net/preview/56333159/3.jpg.html)



http://file7.9q9q.net/img/74435978/2.jpg (http://file7.9q9q.net/preview/74435978/2.jpg.html)



http://file7.9q9q.net/img/18447529/1.jpg (http://file7.9q9q.net/preview/18447529/1.jpg.html)



http://file7.9q9q.net/img/57723833/6.jpg (http://file7.9q9q.net/preview/57723833/6.jpg.html)



http://file7.9q9q.net/img/56484484/4.jpg (http://file7.9q9q.net/preview/56484484/4.jpg.html)



http://file7.9q9q.net/img/56484484/4.jpg (http://file7.9q9q.net/preview/56484484/4.jpg.html)


اتمنـى تـكون الصـور واضـحه

تقـبلو تـحياتـي..

[سلطان العوني]

اخوي صدر الشمالي


الذيخ عادي جدآ
اول شي سمين
والرقبه لك عليها

والله يعطيك العافيه
ولا تزعل

[صدر الشمالي]

ياهلا اخوي سلطان

شـدعوهـ ابزعل وانا منزل الصور عشان اخذ رايكم رايك قريب من راي تبي الصراحه

السلوقي هذا ماهو لي لواحد من الشباب جابه لي وقال انه مشتريه بـ400 ريال وانه ماخذه من رجال يحلف يمين طرد الظبي ويصيد الارنب ماعجبني تبي الصراحه وسمين حيل فعلاً وراعيه الاول ماخذهـ بـ500 ريال على كلامه طبعاً حبيت اني انزل له صور اخذ راي الاعضاء فيه وهو يستاهل هالقيمه ولا عشان الرجال دافع عربون 200ريال والليله اخر موعد عشان يحدد ياخذه ولا يردهـ

شاكر مرورك اخوي سلطان وتعليقك

[همس الرعد]

يا اخوي وش هالسلق اللي 400 و500 حنا نبي سلق لو بالف ريال

[ابو تمام]

السلوقي سمين بالحيل والصور غير واضحه ؟

[صدر الشمالي]

ياهلا اخوي ابو عزام ماعطيتني تعليقك ونظرتك بالسلوقي لاهنت

ومناحية المبالغ الواحد يدفع على شي يطربه ويونسه ويفعل ونا اخوك

شاكر مرورك لاهنت

[صدر الشمالي]

هلا اخوي ابو تمام معك حق سمين (دبـه) بعد ههه

اذا بغيت تشوف الصور بشكل اوضح اضغط على نفس الصوره وتطلع لك بصفحة التحميل اكبر واوضح انشاء الله

شاكر مرورك وتعليقك لاهنت

[وكري2007]

حيالله أخونا صدر الشمال عساك طيب،،،

بالنسبه للذيخ من ناحية السمن لك عليه وأعتقد أن السلق ومن نظرتي له أنه ماجرى مسافات طويله

تدري ليش لأن جسمه مو متناسق ولو السلق ذا يجري كل يوم أو من وقت ليا وقت قصير بتشوف جسمه

متغير أكيد وماراح يظهر السمن هذه فيه أتمنى لك التوفيق ولصاحبك ,,,,,,,هذا رأيي بكل صراحه وأنت ماتجيب

غير الطيب وانت أطيب ياصدر ’’’’’’’’’’’’’’’’’تقبل تحياتـــــــــــــــــــي لك .....

[صدر الشمالي]

ياهلا اخوي الوكري طيب يالطيب عسا ايامك تمام

كلامك صحيح معك حق انا امس ركضت وخليته يركض معي ابشوف عنه تصدق انه يلهث عيونه نطن السمنه حيل متعبته راعيه الاول ماهو راعي سلق شكله توهق فيه لكن الرجال ماهو مقصر عنه بالعلف مكرمه حيل حيل

شاكر مرورك وتعليقك ياهلا ومرحبا

[جبل ثهلان]

السلوقي سمين مره

[صدر الشمالي]

ياهلا اخوي جبل معك حق

شاكر مرورك ياهلا



بغيت ملاحظاتكم غير السمنه؟؟

[القحطاني505]

الذيخ عادي جدا والله يرزقك باللي اطيب منه ولاهنت يالغلاااا

[خشف.]

شكله زين وتاكل من صيده ان شاء الله

[صدر الشمالي]

ياهلا اخوي القحطاني شاكر مرورك يالغالي يعطيك العافيه

[صدر الشمالي]

ياهلا اخوي خشف يعطيك العافيه هلابك

[عروق الدهنا]

اخوي صدر الشمالي
اشكرك على تقبل الردود بصدر رحب
شف من ناحية الفعل راعيه ابخص بفعله
ومن ناحية القطعه مثل ماقال اخوي ابوعايش قطعه اقل من العادي
وبصراحه بيني وبينك لو فيه خير ماعافه الطير

وانا اقول اذا هو لك سرحه ويعوضك الله باللي احسن منه

ارجو ان تتقبل ردي بكل صدر رحب

تقبل مروري وتحياتي

[صدر الشمالي]

ياهلا اخوي عروق حياك والسلوقي لخوين لي شاكر مرورك وتعليقك

(ردك مثل الضيف بمجلسي)

[سمير سعدي]

السلوقي ليس عربيا اصيلا

لكن الميدان يقول كلمته

[سمير سعدي]

السلوقي سمين
لكن الميدان له كلمته

السلام عليكم و رحمة الله و بركاته

[صدر الشمالي]

وعليكم السلام ورحمة الله وبركاته

هلا اخوي سمير شاكر مرورك وتعليقك يامرحبا

[رياح السعيره]

مشكور أخوي

على الصور

والله يطرح فيه البركه

[صدر الشمالي]

ياهلا اخوي رياح العفو الله يبارك فيك يامرحبا

[ماجلان الخليج]

مرحبا وشحالك ياطويل العمر ترى الضيخ مايعيبه شي وانا مستغربن من ردود البعض اللي كاتب سمين وشدخل سمين بعيوبه يالغالي تراه جيد والاشياء الزينه به كثيره ومنها قصر الظهر وتقويسه وجسمه جبر وهاذي النوعيه بها ساس املط وشوف ارجوله طيبه ووقفته طيبه واياديه طيبه واللي يناضر الصور يعرف بانه سبوق والسمن اللي به من وقفته فتره طويله وسعره ممتاز وبعد فتره من الهروله واللياقه شوف مستواه واللي قالو انه ماهوب طيب قله تعال وجيب ماعندك وقل ماجلان قال

[مدمن قنص]

مشكووووور ويعطيك العافيه

http://mekshat.com/vb/images/misc/progress.gif

[صدر الشمالي]

ياهلا اخوي ماجلان بخير يمال الخير عساك طيب
يعطيك العافيه اخوي على مرورك وتعليقك وفيه ناس قالو لي السلوقي يبيله اهتمام ويغير نظرتك فيه وصاحبه بادي معاهـ بالهروله والتدريب وانشاء الله يكون عند حسن ظنه

مشكور ولاقصرة يالغالي

[صدر الشمالي]

العفو اخوي مدمن ياهلا

[راعي الهدبا99]

مرحبا اخوي الشمالي الذيخ جدا عاااااااادي

اول شي سمين مره

ثاني شي الرقبه قصيره وعريضه

ثالث شي ان الذيخ لا صدر زين ولا نحر زين

يعني ما فيه وصوف مميزه وزينه

وشكرااااااااا

[صدر الشمالي]

ياهلا اخوي راعي الهدبا شاكر مرورك وتعليقك يامرحبا

[ماجلان الخليج]

انا ودي اسال راعي الهدباء ذلحين انت تقول سمين وشدخل السمن بلعيوب لو جاته هروله راح يروح السمن وتقول ارقبته عريضه طيب السلق السمينه شي اكيد ارقبتها راح اتكون عريضه وتقول عنه عادي طيب من الاحسن هوه ولا اللي منزلهم بتوقيعك ؟؟؟؟؟؟

[راعي صيحه099]

السلوقي عادي جدا بس من ناحية السمن الاولين يسمون السلوقي ابو ليله عشانه
يعني يسمن في ليله ويضعف في ليله

[صدر الشمالي]

اخوي ماجلان يعطيك العافيه واخوي راعي الهدبا ابدا رايه مثل بقية الاخوان مافيه شي يستاهل الجدال ونا اخوك مشكور يالغالي

[صدر الشمالي]

ياهلا اخوي راعي صيحه شاكر مرورك وتعليقك حياك