ماذا افعل

[tas_tas]

بسم الله الرحمن الرحيم \ انا عضو في هذا المنتدي الرائع ولكن كما تعرفون يا اخوتي اعضاء هذا المنتدي انا مولع بالصيد ولكن تركت هذة الهواية غصبا عني ولا اخبي عنكم شيئا كانت امي الله يرحمها عندما اذهب الي الصيد تكون قلقة علي كانت تخاف علي من هذة الهواية لما يترتب عليها من اخطار ساعدوني هل عندما اعود الي هذة الهواية اكون اغضبت امي في قبرها اولا ساعدوني يساعدكم الله وشكرا لكم اخوكم tas_tas \from libya

[k.aldossari]

أخي العزيز
دام أمك الله يرحمها ويبيح منها قالت لك لا تقنص وكانت تكره هذي الهوايه الي انت تمارسها وطلبت منك تركها من قبل وتركتها والحمدالله , فأنصحك أنك لا ترجع في كلامك ورضى الوالدين مهم سواء كانو أحياء او متوفين , وأمك ما منعتك الا لمصلحتك وخوفها عليك وحبها لك النابع من صميم القلب فأرجو منك الرجوع ولو قليلاً وتتذكر كلام أمك رحمة الله عليها , حين قالت لك لا تذهب ونهتك من الخروج لصيد

أرجو منك التفكير مراراً قبل أن تقرر

[نبع الدموع]

الله يرحم الوالدة و يسكنها فسيح جناتة يارب و احي فيك برك لوالدتك اخوي
اخوي سلمك الله من جيهتي انا اول ما بديت اقنص بعمر 13 سنة وكنت اسمع
هالكلام كثير وقتها كنت مراهق ولا كنت اسمع للوالدة الله يطول بعمرها لين
كلمت نسايبي و جماعتي الي خلوني اتشبل فالقنص و طلبتهم انهم ما ياخذوني
معهم :(
و من العند فيني كنت اربط علف مشبكة لا جيت طالع للمدرسة في منطقة سبخة
حول البيت و اروح للمدرسة اوقات القى الزريق ميت و اوقات القى شبابيط و
اوقات القى الشبكة مسروقة و اوقات القى الزريق و الطير المعلق ميتين الخ
لين ذاك اليوم طرحت طير كبير لاكن اني متاكد انة لاهو عقاب ولا حقبي و اخذتة
لنسيبي لا برقع ولا مهاد زمنها كل البراقع عندي براقع شبابيط ولا نسيبي
يقوم و يخم الطير و يبرقعة و بعد يومين يجي و يعطي للوالدة ثمانية الاف
ريال و قالها هاذي قيمة الطير الي طرحة محمد :) في نفس الوقت انا ما كنت
حاب الطير لانة كان اسود و كبير (بالنسبة لي ذاك الوقت) لاكن الي كان قاهرني
انة اخذ طيري و طلع للمقناص ولا علمني وش هالطير الي طرحتة و لما عود
بالدراهم قالي ان الطير الي طرحتة فرخ شياهين :)
بعد ذيك الفترة و يوم ما شافت فايدة من اني القنص و شافت بعض الصفات الي
تغيرت فيني بسبب المقناص صارت هي تشجعني و الحين هي خبيرة صناعة
الشبك لي و لنسايبي :)
و للمعلومية من نظري ان القنص بالصقور خصوصا ائمن انواع القنص ولا
فيه خطورة غير الانقطاع في البر و هالمشكلة ما اعتقد انها موجودة الحين
لان الاتصالات وصلت وين ما تروح.

[جارح العين]

الله يرحمها ويسكنها الجنه
والله اذا امك ماوصتك ماعتقد فيها شي لاكن اقوولك دق على شيخ من المشايخه هم الي يفهمون بالسوالف

[سنجااار]

ليتك تدق على احد المشايخه افضل لتسمع جواب يشفيك ولا يهونو الاخوان

[خشف.]

ان شاء الله يفيدونك اعضاء الخيمه اكثر

[قلب شاهين]

هلا بك يالغالي tas_tas ،،

الله يرحم أمك ويسكنها فسيح جناتة ،،

بالنسبة للكلام الي قالته لك أمك ( الله يرحمها ) انت ماقلت يوم كنت صغير ولا كبير ؟ ؟

اذا كنت صغير فكانت خايفه عليك ماتبيك تخرب دراستك ومستقبلك ،،

واما اذا كنت كبير والله ما ادري مافي شي يمانع ممارسة الهواية هذي لأنها تعلمك الرجولة على أصولها والتحمل ،،

وأنصحك أنك تسأل شيخ ويعلمك ،،

وياهلا بك ومرحبا ،،

تحياتي / قلب شاهين ،،

[الاشعل 316]

عليك بأنك تكم شيخ وان شاء الله

يبي يفيدك