وشلون نستقبل إشارة الجوال بالبر إذا كانت ضعيفة

[شاهد عيان]

أحبتي الأعضاء
السلام عليكم ورحمة الله وبركاته

الكل يحتاج إلى الجوال وأصبح من الضرورات المهمة ، لكن إذا طلعت للبر في منطقة لا يوجد فيها خدمة تبحث عن عدة حلول لإستقبال هذه الإشارة ..

هل عندكم طرق مجرّبه لإستقبال الإشارات ؟
يعني مثل الأجهزة ، الأرايل ...

( طبعاً غير المكان المرتفع من الأرض )

[((( الحر)))]

تحياتي اخوي شاهد عيان ومشكور على الموضوع...!!!

طبعاً الكل يعرف ان طريقة جلب الارسال الى الجهاز انك تضغط نجمه بعدين زر الاتصال وانتظر لين تجي الخدمه...!!!

من افضل الطرق اذا كان الارسال ضعيف انك تشبك السماعات وترفع الجهاز فوق وهذي طريقه مجربه ونتايجها ممتازه و كل ماعليك الا انك تاخذ السماعات معك...!!!

طبعاً الارسال بعد وضع الجهاز على الاذن يضعف مره فالمكبر او السبيكر الي في بعض الاجهزه يفيد في هالحاله...!!!

تحياتي 000
اخوكم ((( الحر)))
11/9/1424

[desprado]

يوجد جهاز تقوية (جي اس ام ربيتر) من شركة نوكيا مجرب وممتاز

[بوسعود 180]

ياشباب انا عندي جهاز نوكيا العجيب وعندنا مخيم فالبرنازل شوي يعني الارسال يكون زفت فكرت قلت وش الحل رحت لمحلات الجوالات يوجد عندهم اريل طوله تقريبا متر وله وصله تركب على العجيب والرهيب والاريل له قاعده مغناطيس يعني ركبه على الشنطه او اذا كنت في مكان غير السياره حطه على قطعة حديد ورفعه وماعليك الا انك تستقبل الاشاره حلوه وهذي طريقه انا مجربها بنفسي وانشالله بصوره وبجيبه لكم اذا قدرت واللي مايبي هالشغله ياخذ له جهاز الكتل ويريح عمره ترا ارساله عجيب مره

[العميد]

إخواني الأعزاء بالمنتدى الطيب ............ نحيه طيبه وبعد :
رداً على سؤال أخونا عن إستقبال الجوال في الأماكن البعيده . أفيدك عزيزي أنه يوجد في الأسواق أنواع عديده من الأرايل منها الرخيص أبو 60 و 90 ريال ومنها أبو 260 و290 ريال الأنجليزي وهذا النوع مجرب من قبلنا ولا يحتاج كلام. والماريه أن الشباب اللي معي يستخدمون جهازي للمكالمات . ( جهازي سامسونج ) ولكن العبره تكمن بالأريل طبعاً . مع أن جميع الأخوان أجهزتهم ( نوكيا ) . هذا ما أردت إيضاحه للسائل الكريم ولكم جزيل الشكر ........

[أبو داحم]

أشكر جميع الأخوان معلومات مهمه