شراء nuvi 760 عن طريق النت

[koko77777]

السلام عليكم ورحمة الله وبركاته ... مساء الخير للجميع

اعضاء منتدانا الرائع قررت ان اشتري نوفي 760 من النت ولكن ليس لدي اي طريقه . فكرت اني احصل على بطاقة كاش يو لدفع عن طريق النت .. ولا اعلم هل هي الطريقه الامن ؟ ولدي فيزا بحد ائتمان عالي وماحب استخدمها بالنت خوفا من القرصنه .. كثيرون حذروني.
ياليت من لديه خبره وقد شراء من النت اتمنى يزودني بالمعلومات والنصائح التي ممكن اتبعها وانا سوف اقوم في هالموضوع بالكتابه اول باول حتى يصل الجهاز بس بدون مساعداتكم ونصايحكم لن استطيع ان ابدأ .. انا بإنتظاركم ... شكرا لكل من مر وقراء موضوع هذا

[بيرتا]

هذي طريقه مجربه

هذا موقع اشتر مضمون ان شاء الله
تسجل فيه وتحط رابط السلعه المراد شراءه ويعلمونك السعر والعموله

http://www.eshtr.com/

دمت بود

[koko77777]

بيرتا .. شكرا حبيبي على الرد .. والموقع جميل لكن خدماته غاليه جدا مقارنه بطريقه قالها لى زميل عن طريق ارامكس .. امن وموثوقه.. انتظر تعليقات باقي الاخوان وانا قريب من البدأ في اعداد اشتراك في ارامكس .. لكن هل تنصحون به ياخوان؟

[المقهوي]

ياخوي والله إن همي وهمك واحد ... أنا كثير من الشغلات تعجبني في مواقع التسوق الإلكتروني ... ولكني أخاف من إستخدام الفيزا ... البنك الفاشل اللي أتعامل معاه حط لي حد إئتمان نكبه ... ورب الكعبه .. إحترت وين أحطها فيه ... يا أخي صارت أغلى من سيارتي ... ولا ودي أنزل حدها النكباني ... لذا وليرحم والديك بطاقة الكاش اللي تقول عليها وين أحصلها فيه ... وتمشي مع مواقع التسوق ...

[koko77777]

المقهوي (مانا شايفين قهوه) .. لقيت لك بطاقه احلا من كاش يو بس عاشان اتأكد من الموضوع يبي لي وقت .. ويمكن احد الشباب يأكد لنا هالموضوع .. وهي بطاقه لدى البنك الاهلي بدون رصيد تتعامل مع كل المواقع وهي عبار عن بطاقه ائتمانيه ولكن بدون رصيد لما تحدد الشيئ اللي تبي تشتريه تعرف المبلغ المحدد تروح للبنك وتشحنها بطريقه عاديه من الصرافين بنفس المبلغ اللي تحتاجه واذا كان عندك حساب بالبنك الاهلي تقدر تشحنا بالصراف او الانرنت او الهاتف .. ثم تسخدمها في الدفع في النت .. كل هالمعلومات اخذت من احد الزملاء اليوم باقي علي اتأكد وانفذ واكيد لك بعد كذا واذا فيه احد الاخوه مجرب هالطريقه لا يبخل علينا جزاه الله خير ..
....
بالنسبه للبداه ابشركم اليوم اول خطوه نفذناها وبما اني لست بمنطقه يتوفر فيها فرع لارامكس اتصل باقرب مكتب لنا وكان في القصيم وتم تحديد موعد بكرا ان شاءالله نقابل مندوبهم غدا ونعبي معاه النوذج لطلب الاشتراك والذي به سيتم الدفع لهم مبلغ محدد (سأبلغكم به بعد تمام الصفقه) والحصول على عنوان بريدي في الولايات المتحده حتى يتسنى لنا استخدام الخدمه الجديده عندهم وهي تسوق واستلم ..ز وهي بإختصار الاشتراك عندهم بمبلغ مقابل الحصول على عنوان في الولايات المتحده الامريكيه حتى يتم ارسال الطلبات اليه ثم تقوم ارامكس بجلبه من الولايات المتحده الامريكيه بكلفه اراها انها معقوله جدا جدا ...

لا انسى ان اشكرك اخي الكريم المقهوي .. على مرورك وتفاعلك

[Moe]

انا باستخدم ارامكس منذ حوالي ثلاث سنوات او اكثر وممكن افيدك.
لكن انا عندي جهاز نوفي 770 و 760 جديد استخدام حوالي 6 مرات تاريخ الشراء اول فبراير, سبب البيع انه مايرسم تراك.
انا في جدة
وجوالي 0503627225

[koko77777]

اخي moe شكرا لتفاعلك في الموضوع .. بالنسبة لارامكس حضر المندوب لمنطقتنا اليوم وتفاجأت انه يعطيني الابلكيشن علشان اعبي جزء المعلومات عن المشترك فقط وقال عطني 132 ريال واخذ معي الطلب اكمله في القصيم واجيب لك بكرا الايصال بالمبلغ .. رفضت طبعا (معذور لاول مره اتعامل معاهم) وعطيته فقط صورة بطاقة الاحوال مع الابلكيشن .. وعلى موعد غدا .. يجيب الايصال معه واسلمه المبلغ .

بالنسبة للجهاز متأكد انه مايرسم الاثر ؟ .. كم قيمته؟

[koko77777]

اخي الكريم moe .. وجدت مشاركة لعضو معانا في هذا المنتدى يتكلم عن جهاز nuvi 760 ويأكد ان الجهاز يرسم الاثر.. على هذا


http://www.mekshat.com/vb/showthread.php?t=122273




وش رايك؟

[Moe]

انظر الي شرحي الموجود في اخر الموضوع وهذا الرابط
http://www.mekshat.com/vb/showthread.php?t=122273&page=6

[koko77777]

اخي moe كتبت رسالة لدعم في شركة قارمن حول موضوع نقل التركات واكدو لي امكنية ذلك باستخدام لماب سورس .. وهذا نص رسالتهم :
Dear **************,

Thank you for contacting Garmin(Europe)Ltd.


Yes, you can create routes and tracks on the computer in MapSource and then transfer them to the nuvi 7xx, 8xx, or 5000 series. Conversely, you can create a route or track on the nuvi 7xx, 8xx, or 5000 and then transfer it to the computer to modify and review.
The nuvi 2xx, 3xx, and 6xx series do not support this routing feature.
You will need a copy of a Mapsource product to be able to review your routes on the PC as your unit only has pre-loaded mapping. I would suggest the following. Please click the link. http://www.gpsw.co.uk/details/prod3291.html (http://www.gpsw.co.uk/details/prod3291.html)

I hope this helps.


Kind regards

Philip Wildman Garmin (Europe) Ltd

New Garmin accessory web shop now open -click here (https://buy.garmin.com/shop)to get the most from your Garmin, or go to https://buy.garmin.com/shop


__________________________________________________ ____________

[Moe]

سوف اجرب مره اخري و ابلغك
وشكرا

[koko77777]

وانا بانتظار النتيجه .. ياعلك سالم

[مكشات 2007]

السلام عليكم
فيه على ما اعتقد لدى البنك العربي بطاقة اسمها بطاقة انترنت برصيد يحدده العميل وهي امنه تقريبا لانك تحدد مثلا الف ريال الفين وتشتري ما تحتاج وذا اردت اضفت لرصيدها عن طريق البنك 0

[a.الخثلان]

أغلب البنوك ومنها الراجحي تطلع لك بطاقة فيزا انترنت لها سعر معين

أغلب بطاقات شراء من الإنترنت ( ون كارد - كاش يو ) وغيرها تباع في مجمعات أجهزة الكمبيوتر ومحلات ميد والمكتبات الكبيرة كجرير والعبيكاتن ولها مواقع بالانترنت تستطيع من خلالها معرفة خدمات تلك البطاقات وفيما أعلم أنها تتعامل مع مواقع تجارية معينة تتفق معها


الأخ
koko77777 (http://www.mekshat.com/vb/member.php?u=26890) http://www.mekshat.com/vb/images/statusicon/user_offline.gif
مكشاتي متواصل



أتمنى إنك تفيدنا أكثر عن أرامكس ومواقع الشركة

[koko77777]

بالنسبة للبطاقات .. افضل بطاقه اعتقد وقد قدمت طلب عليها وبتوصل الاسبوع القادم للبريد وهي من البنك الاهلي رسومها 100 ريال ولو تبي رصيدها صفر تقدر تخليه صفر بدون شحن ومتى ماحددت الشيئ اللي تبي تشتريه وعرفت قيمته تروح تشحنها من البنك . طبعا بتسؤلوني هل لابد من حساب في البنك الاهلي يعني لازم اكون عميل للبنك الاهلي لا .. مجرد تعبي النموذج المخصص وتروح لصرافين وتعطيهم النموذج والميه ريال واذا تبي شحن تعطيه اللي تبي وتجيك البطاقه بالشحن .. موقف طريف عند البنك ( قلت لصراف ابي اشحنها بمية ريال بيصير عندي 375 دولار صحيح قال لحظه احسبها لك والرجال سحب الاله الحاسبه وقد يطقطق وقالي ايه هات ميه ريال يصير في حسابك 375 دولار .. قلت في خاطر لاوالله الاشتريت لمبرجيني 2010 من امريكا ) ( محتاس الله لا يلومه من الزحمه )
بالنسبة لارامكس ابشركم سجلنا ودفعنا واعطونا العناوين البريديه في امريكا وبعد بريطانيا بس ب 132 ريال فقط .. من النصائح انك تأسس حساب لك على موقع ارامكس طبعا بيكون اسم المستخدم هو ايميلك على اي موقع ايميل مثل الياهو او الهوت ميل ... لان لما تقدم اشتراك في خدمه تسوق واستلم shop & ship في حقل لادخال الايميل مجرد تصل للموظف ويبدأ في ادخال الايميل ويدخل عناوين البريد تتسجل لك في حسابك على ارامكس .. يعني انا قالي المكتب انه راح يرسلها لرياض والرياض هم اللي يدخلونها هناك وبعد اسبوعين بسبب الزحمه نجيب لك الورق اللي يسجل عليها عناوين بريدك في مريكا او الممكلة المتحده ..
وهذي صوره لحسابي في ارامكس ..:






http://www.viafy.com/uploads/932bc3e96c.jpg (http://www.viafy.com)

[koko77777]

سوف اجرب مره اخري و ابلغك
وشكرا
.................................................. .........................

[abonuur]

اعتقد ان احسن بطاقة هي امريكان اكسبرس بالدولار ومضمونة من قبل الشركة ضد التلاعب

[a.الخثلان]

الحقيقة دخلت موقع اشتر

المشكلة في تكاليف الشحن والموقع يقترح علي أشتري سلعتين

طيب لو كانت السلعة نفسها غالية

[mrayman]

الافضل من وجهة نظري
1 عمل حساب في الاهلي ..
2 اصدار بطاقة انترنت مسبقة الدفع ...
3 عمل بريد لدى ارامكس ...
(انا قلت حساب في الاهلي + مسبقة الدفع ) عشان لا جيت تحول من حسابك في الاهلي إلى مسبقة الدفع تقدر تحولة عن طريق الاهلي اون لاين من الانترنت يعني لا تروح ولا تجي كل شيء سهالة يا عمي .
وان شاء الله ما راح يعوقك شيء الي تشوفة وبعجبك تخدمك فلوسك وسلامتك وان شاء الله الشباب ما يقصرون .

[koko77777]

mrayman .. حبيبي هذا بالفعل مافعلته وانا وصلت لاخر مرحله بإنتظار البطاقه توصل لبريدي . شكرا لتفاعلك

[mrayman]

koko77777 اي خدمات حبيبي وفيه منتدى متخصص في هذي الامور
على الرابط http://adslgate.com/dsl/forumdisplay.php?f=83

[بيرتا]

اخوي الزينون لا ما يطلب منك شراء سلعتين

وانا طلبت منهم دربيل وجابوه لي واخذو علي عموله حوالي 80 ريال

انا الحقيقه اشوفه قليله مقابل خدمه مضمونه النتائج ولو تبيي تفتح صندوق بريد بامريكا راح يكلفك مبلغ

وغير كذا لما تطلب سلعه الشركه راح تاخذ منك رسوم مقابل توصيله من امريكا يعني

كنك يابو زيد ما غزيت

وانت وش راح تطلب كله ان خربته اربع توصيلات بالسنه ما تسوى فتح حساب وشغله ود البيز وهات البيز واثر البيز قطعه خرقه :)

دمتم بود

[ماجد الفهد]

السلام عليكم جميعا

أنا متابع جدا للموضوع ...
وحبيت أنقل لكم خبرتي في هذا المجال ...



فتحت لي حساب عن طريق اراميكس بنفس طريقة اخونا كوكو ..
وفعلت بطاقة الإئتمان عند Ebay
وكذلك عند موقع Paypal
وصار كل عملي أني أدور السلعة اللي أحتاج ...
وأدفع ...

وتأتيني بعد 7 إلى عشرة أيام ...
وفي كثير من الحالات
هي أرخص .. ويأتي معها هدايا آو باكيج ...


قمت بشراء ما يقارب 5 مشتريات ...
وتمت جميع العمليات بسهولة ...

وأخيرا ..
يمكنك متابعة مسار رحلة الشيء اللي إشتريته
عن طريقف موقع أراميكس ...



وعلى فكرة ... :)
توني شاري جهاز Nuvi370 عن طريقهم
وفيه خرائط اوروبا وأمريكا
بسعر جنان مع ضمان 3 سنوات
واكيد طبعا أقل من موجة :) ب 500 على الأقل ...




في حفظ الكريم

[koko77777]

سوف اجرب مره اخري و ابلغك
وشكرا


وين نتائج التجربه ... افا نسيتنا!!!!!!

[koko77777]

قريبا ساشرح ماتوصلت اليه بشكل مرتب ان شاء الله ... علما انني الان في انتظار اول شحنه تصل الي وهي لتجربة صحة العنوان وتجربه الخدمه بشكل كامل وسوف ابدأ معكم المرة القادمه خطوه بخطوه .. لكن لدي خبر ماهو بزين شوي ولكن مازال الموضوع يستاهل ان نجرب .. ارامكس وخدمة تسوق واستلم shop and ship غلوها شوي .. كان النصف كيلو جرام ب15 دولار ولم يتغير والذي تغير هو مابعد النص كيلو .. سابقا كان كل كيلو واحد بعد النص يحسب ب 5 دولار تقريبا الان صار النص كيلو بعد النص كيلو الاول ب 7.5 دولار .. ومع هذا ارى ان الموضوع مازال يستاهل ويوفر بعض المال وبعطي مجاال واسع للاخنيار ..

[اجياد]

كوكو

يعطيك العافية


ننتظر تجربك يا الغالي

[koko77777]

تم العملية واليوم استلمنا ماشريناه من ولاية كاليفورنيا بامريكا وقد كان الشراء بتاريخ 21/5/2008م واستلمتها اليوم 5/6/2008م يعني تقريبا اسبوعين .. ان شاء في موضوع منفرد سأبدا معاكم مراحل الشراء للمره الثانيه وسأشرح بقدر المستطاع كل الخطوات.. انتظروني الايام القليله القادمه