سؤال يا اهل الخبره

[ذراع الذيب]

السلام عليكم ورحمه الله وبركاته
ومساكم الله بالخير يا اعضاء مكشات هذي اول مشاركه لي وانا اجيكم زاير من كم سنه والمعذره على القصور ودي اشاركم من زمان لكن للظروف احكامها ودي اعرف فروخ الشواهين والوكاره متي تطير من اعشاشها ودي اقنصها هذي السنه مع العلم في ناس قالو اواخر شهر سبعه والمعذره على الاطاله...:cool:

[جارح العين]

العلم عند الله
انشاء الله يفيدونك الاخوان
والله يرزقك انشاء الله...

[المزروعي]

الشواهين و الحرار تقريبا تتطير في نفس الفتره و تبدأ في أول شهر تسعه . أما الوكاره تطير بدري قبل الشواهين و الحرار في أول سبعه . أنا وصلتني وكاره شواهين من أيران من سنتين في اخر شهر سته . يعني حط في بالك ممكن الطيور تبكر أسبوعين أو تأخر أسبوعين . أنا أتكلم من واقع تجربه خاصه مع الطيور الإيرانيه لكن متى توصلك في السعوديه الله أعلم . في الإمارات و خاصه رأس الخيمه تنصاد الوكاره في شهر سبعه و حتى شهر سته .

أخوك المزروعي

[قلب ذيب]

معظم الطيور بل أكثرها تغادر اعشاشها منتصف شهر ( سبتمبر 9) اجليزي من كل عام اي في قصل الصفري ! بعد ظهور نجم سهيل ب30 ليله , واحسن واجود الشواهين يهد اي يغادر العش في 60 سهيل .
اي ان الطيور الوحوش تبدأ مغادرة العش بعد فصل الصيف ودخول فصل الخريف ( الصفري ) وهناك بعض الطيور المتأخره كما ذكر الاخ / المزروعي . او متقدمه ومعظمها يعود الى قرانيس الهوى , او طيور البلاد البارده مثل طيور شرق تركيا التي يتم ( اخذها من العشوش في منتصف فصل الصيف !!
ولابد ان تكون ملم بطرق طرح الطير العديده , والا سوف يذهب جهدك هباء , فطرح الطير والمحافظه عليه بعد طرحه امر غاية في الصعوبه عليك الاستعداد له بعنايه وخبره وصبر .

[خشف.]

ان شاء الله يفيدونك اعضاء الخيمه اكثر

[مدرب الطير]

ما قصرواخوانا كفو ووفوا

[راعي البرقا]

ماشاء الله كفوا ووفوا وإذا حضر الماء بطل التيمم.

[ذراع الذيب]

انشد انكم ماقصرتو وجزاكم الله الف خير..