هل تخاف من الظلام بالبر

[المموه]

يختلف الناس في في طريقة حياتهم وقوة قلوبهم . منهم من لا يرتاح وخاصه بالبر الا اذا كان فوق راسه عقد لمبات وتحصله قبل السريه يقوم يضبط فراشه بركن من اركان الخيمه بعيد عن الباب واذا نام لازم الضوايه جنبه واللمبه ما تطفى مادري يعتقد بيدخل عليه قطيع اسود وتحصله اذا راح عن الخيمه لقضاء حاجه ما يبعد حده ضحاح النور . ولا يمكن تمتع معه بالقمراء يرفض تطفي اللمبه .ولا ينام على الارض . وفيه اللي ما ينام والنور والع ويعمج بالليل بالبر يبعد بعيد يتمشى رجليه ما يهمه شي واذا جاء النوم ابعد عن الشله ودائما يطالب عند جلسة النار تطفية اللمبات .
سوالي من اي النوعين انت مع ذكر الاسباب .

[escape_man]

الخوف غريزة بشرية .. تختلف من شخص لشخص

ومع التعود يمكن للانسان تجاوزها

كلنا نخاف بالو مكاشيتنا ولكن الان .. بالعكس ادور الظلمة ولا استانس الا بالاماكن الموحشة الي تثير حماستك

وتحديك مع نفسك والخوف

[المموه]

الخوف غريزة بشرية .. تختلف من شخص لشخص

ومع التعود يمكن للانسان تجاوزها

كلنا نخاف بالو مكاشيتنا ولكن الان .. بالعكس ادور الظلمة ولا استانس الا بالاماكن الموحشة الي تثير حماستك

وتحديك مع نفسك والخوف


كلام حلو . خاصه الجمله الاخيره . شكرا لك

[ابوفيصل200]

اعتقد انه كلما قلًت روحاتك للبر كلما زاد عندك الخوف من النوم فيه.

[عقاب البر]

اعتقد انه كلما قلًت روحاتك للبر كلما زاد عندك الخوف من النوم فيه

[اول 111]

الحمد الله ما اخاف من الظلام الظلام شي ثاني
لكني علي المزاج
تحياتي ..........

[alkongrs]

انا اخاف منهو الي قالك ازين شي بالبر اذاكان مافيه نور :)

[المموه]

انا اخاف منهو الي قالك ازين شي بالبر اذاكان مافيه نور :)





تعجبني الصراحه.

[Ry905]

إذا كان المكان آمن فأفضل شي النوم في الظلام ..

[صنيتان]

بدون نور نهائيا
النور للطبخ
هذا رأيي ولا ماصار للرحله طعم

[أبـو فـايـز]

حلاة البر الظلام والتامل بالنجوم , واتفق مع اللي قال الانارة للطبخ فقط

[خط الساحل]

اللي يقول انه يخاف من الظلمة ، ليش يروح لها برجوله ، اللي يخاف منها

يجرب يوم يتمدد على ظهره في الخلا بدون نور ، ويتأمل المنظر اللي بيشوفه (النجوم) ، شي يوقف شعر

راسك ومنظر لن تنساه ابدا من ذاكرتك ،،،،،،،،،،،

[بن نويشر]

أعرف واحد تقول سكني !! ما يروح إلا لحالة وإذا قلنا خذ أحد معك قال: مره ، أبد ما أبي ولا واحد . ما غير يهجهج لحالة وينام لحالة وحياته كلها في البر . يا سبحان الله وبس .

عموماً الونسه مطلوبة ومن خاف سلم والمسافر شيطان والمسافران شيطانان والثلاثة ركب ، وعسى الله ينور علينا في قبورنا ووالدينا أجمعين فقولوا آآآآمين .

[نبع الدموع]

انا سلمك الله نور الجوال يقعدني من نومي ولا ابات في الخيمة او العزبة الا اذا
كانت قمرة لاني ما ارتاح في النوم في النور

[بارود برنو]

موضوع جميل ....


النومه في الوادي راحه .............. الخوف يمكن يكون اذا نمت فالظلع وتخبر انه فيه نمر وما معك غير واحد من ربعك وسلاحكم ناريه ما تسوي شي

[صقر عليه]

حلاة البر الظلام والتامل بالنجوم , واتفق مع اللي قال الانارة للطبخ فقط


؟؟؟؟؟؟؟؟؟؟؟؟؟؟

[برمدناوي]

لا ضرر و لا ضرار لا مانع من تحقيق بعض رغبات اخوياك في حدود المعقول وعن نفسي لا احب اطفاء اللمبات الا عند النوم او الاستمتاع بضؤ القمر اذا كان ساطعا

[جوافه]

ماسبق رحت للبر وجربت نومته

[راعي البرقا]

انا سلمك الله نور الجوال يقعدني من نومي ولا ابات في الخيمة او العزبة الا اذا
كانت قمرة لاني ما ارتاح في النوم في النور
أنا مع أخوي ولا أزيد على كلامه شي ومشكور على الموضوع

[mrayman]

اعتقد انه كلما قلًت روحاتك للبر كلما زاد عندك الخوف من النوم فيه.


كلام صحيح يبو فيصل وانا ايده

[رامي القميري]

يعني كل اللي ردو مكشاتيه
فيكم الجديد وفيكم المتواصل وفيكم الذهبي


واحد يخاف من النوم في البر والثاني مستغرب من اللي ينامون بدون لمبه
تعجبني الصراحه
بس كيف مكشاتيــــه


وكل واحد يقول أنا جبـــان


ومن توكـــــل على الــلــــــه كفـــــــــــاه





تقبلو مروري

[ابو عمر النوح]

أخوي المموه السلام عليكم
بالنسبة لي أنا أفضل الظلام في البر لعدة أسباب منها
1 . المحافظة على الأذكار تحمي المسلم من كل أذى .
2 . أنا لا يمكن أنام و فيه نور .
3 . الإنارة في البر تجلب الحشرات سواءً الطائرة أو الزاحفة .

أما بالنسبة للجلسة و السواليف فالأفضل النور و لكن النور الهادي .

[وبل نجد]

وفيه اللي ما ينام والنور والع ويعمج بالليل بالبر يبعد بعيد يتمشى رجليه ما يهمه شي واذا جاء النوم ابعد عن الشله ودائما يطالب عند جلسة النار تطفية اللمبات .



وبصراحه ويعلم الله أني من النوع هذا ولله الحمد والمنه

هذا اللي علمني الوالد عليه من الصغر

[الفتكي]

السلام عليكم
بالنسبة لي بصراحة جد على حسب الشلة اذا هم يريدون النور شغلته واذا ما يريدون النور سكرته لاكن لا غناء عن الكشاف اما عند النوم بدون نور حتى في البيت لا استطيع النوم الا في الظلام.

[صقر ولد صقار]

افضل الظلام

[مداحش]

والله اذا الليلة قمرا فما ظنتي أحد يفرط بهالفرصة لان شوفة القمر فالبر ترد الروح صراحة , أما اذا كانت ظلمة لا والله مالنا غنى عن الضو رغم انه يجذب بعض الحشرات لكنه مهم

[القطاوي 2008]

والله الموضوع محرج لبعض الأشخاص اللي جربت وطلعت معهم
ولو اقولكم بعض السولاف تنجنون
الواحد منهم ما يقدر يجيب أفراشة من السيارة اذا أظلم الليل علشان ينام ( دفع البلاء )
يارجال خلونا ساكتين

[مطلع]

صدزز ... ؟!

بالله اذا طفيت اللمبة , يمكن يطلع علي وحش أو غوريلا ... *_)

اذا انت خايف من العقارب , لو حاط فوق راسك كشاف مانفعك اذا الله قاسم لك قرصة ... خخخ

انا ما ابعدت عن الغرف والدور الا ودي اشوف النجوم والسماااااء والقمرى ... واعيش صفاء وهدوء وسلام

لمبه ؟!!

[صقر البحيرات]

والله الموضوع محرج لبعض الأشخاص اللي جربت وطلعت معهم
ولو اقولكم بعض السولاف تنجنون
الواحد منهم ما يقدر يجيب أفراشة من السيارة اذا أظلم الليل علشان ينام ( دفع البلاء )
يارجال خلونا ساكتين


ههههه:D ههههه:D ههههههه:D ههه
ذكرتني بهم
يلعن بليسك من قريتها وانا اضحك اتخيل منظرهم
هههه:D :D :D هه

لا ولو تصطر لك واحد منهم ينام على طول
ولا ياعي إلا الظهر
ههههههههه
ينام وهو ما يتنفس:D :D :D

[ضحوي]

ميزة البر في ظلامه

[KOZAM]

بصراحة.. القمرا تكفيك من اللمبات..
لكن نور القمر يحجب النجوم .. ولا تقدر تستمتع بمنظرها.. خصوصاً وإننا بالديرة ما عاد نشوف النجوم..

أما إذا مافيه قمرا.. فالكشاف ضروري.. وتجنب اللمبات لأنها تجلب الحشرات بشكل كبير..
آخر كشته شغلنا لمبتين نيون.. وجتنا الحشرات ودخلت في فرشنا والعقارب.. حتى بعد ما طفينا النور ما راحت عنا الحشرات..

المهم.. بالنسبة لي.. والخوف من الظلام..
إذا كنت أعرف المنطقة.. فأنا أنام مرتاح.. خصوصاً بالنفود..

أما تحت الطلح والشعبان.. فالحشرات مزعجة.. والمنطقة اللي ما أعرفها أكيد راح أتوحش منها..
تحيتي

[شهوان]

اولاً لاتخالف خوياك وتفرض رأيك لان النور مكانه ثابت بالسيارة ولا اذا بغيت النومه شل فراشك وابعد عنهم لان أكثر الردود مايبون النور والمشكله نومهم خفيف انا من وجهة نظري لاجت النومه آخذ فراشي وابعد لي 50 متر أو أكثر ونم وأنت مرتــــــــــــــــــــاح لانور ولا إزعاج ولا شخير ولا شرهة أحد من الخويا .
وآسف على الاطاله .
شهــــــــــــــــــوان ،،،.

[abo.yaqob]

حلات البر بالظلام و التأمل بالنجوم سبحان الله تحس نفسك ولا شئ بين النجوم

[راعي صيد.]

والله انا الاختيار الثاني اذا كان الشخص راعي بر ماعليه بس اذا كان من النوادر يخاف

[qatar999]

حلاة البر الظلام والتامل

[نفس السحاب]

حلالالاة البر اذا اظلمت الدنيا وانورت النجوم وظهر الهلال

لكن التمشي والمشي برجليك في البر باليل لازم النووور حذاري تمشي بدون نور..

[الأبرق2008]

الصراحه إذا كانت الجلسة أخر الليل فالظلام احلى ولكن بداية الليل وكثرة المراويح والطبخ والنفخ
لازم من نور