ياجماعه والي له اخويا بس ماهم راعين بر

[النفيظ]

السلام عليكم ياخواني في مكشات
الصراحه اني احترت أنا راعي بر واحب السجه واحب الصيد وفلت الحجاج بس سبحان الله العظيم ماوفقت في ناس راعين بر وصيد يعني كل ربعي راعين ربيع فقط وفيهم الخير والبركه ولافيهم قصوروالله انهم رجال لاكن خبركم لاجاء الصيد والوناسه وتسمع افلان صاد كذا وفلان صاد كذا يضيق صدرك اذا ماكان عند ربع تتواعدون وهذا صاد كذاوهذا صاد كذا لاكن الشكوى لله ما ودك تجدع وجهك لااحد لانك ماودك بالاحراج ولاتحرج احد
ولله الحمد معي عزبه من إلى ومعي جيب بس ماتجي الدنيا على الكيف .
ارجو تعليقكم على هذا الموضوع وماهي اقتراحاتكم وهل بالأمكان ان الواحد يكون اخويا وكيف


جزاكم الله خير




اللهم صلي على محمد
انصرو نبيكم
ادعو لآخوانكم في غزه

[الأبرق2008]

يالحبيب خويا القنص والكشتات يجتمعون غالبا خارج الشلة الرئيسية وعند الكشتات او القنص هناك الامير يقوم بجمع وتنقية افضل المجموعه والله الموفق وخلك ذرب و قرم وكريم

[صقر البحيرات]

الله يعطيك العافيه يالغالي
شف ابي اقولك شيء
الحين ماهو من السهل تحصل اخويا بر وفلة حجاج على قولتك
ومثل ما تقول انهم ما يكرهون البر ويحبون الربيع
لكن اتخذ اسلوب ثاني
يعني اعزمهم عندك او في البر ( على الخط ) وشوي وفلة احجاج
وشاورهم نبي انسوي مجموعه صيد مثل هالناس والعالم
وجربوا الصيد ووناسته والرمي
ولا تكلفهم بالأشغال مثل التنتيف والطبخ أو القطه ( التكاليف الماليه )
حسسهم انك تبي اتغيرهم
وتعلمهم على شيء جديد في حياتهم
خذهم لمكان يجتمع القناصه ويشوفون الرمي الطيار والعالم وشلون قابسه
:::::::::::::::
وإذا ما نفع الله يعينك تقنص لحالك
وتجيب الصيد للإستراحه ويوم يجهز الطبخ تدق عليهم وتعزمهم وتحلف عليهم بالأكل
لا زم يكون طبخ 100% مو تحوسها
نصيحه لا تأخذهم كلهم مرة وحده لانهم
خذ واحد واحد
وتكون كذا تولعوا بالصيد
وخذهم وشاورهم بالعزبه وش ينقص ومن هالسوالف
وعلمهم على مواصفات طلق الشوزن وليه جاء ملون وانت خابر
وخذهم يم محلات الصيد
على شان يعيشون الحالة اللي انت بها """""""""""""""""""""
والله العظيم
ان هالطريقه هذي جذبت ناس يارجال ما حنا قاصدينها
ناس يا حلوا خوياك
على الأقل خوياك يحبون البر
هذيلم الشباب يسمعون بالبر ولا عمرهم طلعوا من يوم الله خلقهم الواحد تشوف بشرته تتلامع
وصاروا ياولد اسكت
يناطحونك على الصيد مناطح """""""""""""""
الحلوه :::::: رحت مره لأحد الشجر في احد وديان عرعر ( العويصي ) وشوف العالم مطشره وما ادري وش عندها
اللي قاعد بالشمس على كرسي واللي ينقش دخل
المشكله العالم ملثمه متلطمه
وما عرفت احد
الوكاد الجيب عرفت تخبر اللوحه واضحه
إلا جوا يم هجيج
اثاريهم هالشله اللي نبيهم يطلعون "" لا ويخيمون :: والحين دواهي
اتمنى ان اجت في التعبير
تقبل مروري وتعقيبي

[النفيظ]

الله يجزاكم خيرياخوان على الردود ون دل على شي يدل على محبتكم الصادقه لأخوانكم في منتدى مكشات المتعه وراحة الصدروالتوجيهات التي قد يفتقدها البعض أمابعد....................
والله العظيم يأخوان ان كل الي قلتوه من صفات ولله الحمد اتصف فيها من دون مديح راعي معنا وكريم وشقردي لاكن السوال كيف اعرف الرجال راعي الشدايد لآني الصراحه تعبت تطلع وتكلف وتفزع وبالاخير ينسفك من الباب لطاقه من دون اي سبب


الله يجزاكم خير


اللهم انصر اخواننا المسلمين في كل مكان اللهم انصر اخواننا في غزه

[صقر البحيرات]

بارك الله فيك اخوي
الرجال ما تنعرف إلا بوقت الشدايد والأعزمات
على قولتهم الصاحب تعرفه بالسفر
مستحيل تبخن الرجال يمكن يسوي شيء وهو ماهو قاصده ويصبح عندك ولا شيء !!!!!!!!
وتفاجىء اول ما يقوم من خوياك بالواجب هو ؟؟ هذا اللي حصل معي
مثل ما قتلك الرجال وقت الشدايد
وبعدين يمكن هناك شيء عندك ما دام خوياك ما يبونك حاول تسئل واحد من الشباب عن هالسبب ولا تنسبه له
يعني قل افلان تقول ما له خلق عليه واسئله بالله عن السبب ؟؟؟ تلقا الجواب
""""""""""""""""""""""""""""""""""""""""""""""""""""""""""""""""""""""""""""""""""""""""
وابي اقولك حاجه بس لا تزعل
كثير الحركه وكثير الكلام والمزح ماهو مرغوب عند القناصه
لأن الأصابع ما هي واحد
والكرم والفزعه ماهي دليل
اضبط نفسك والثقيل دائما مرغوب
جرب الكلام المنطقي معهم
ولا تتظايق
مادامك تخسر بالطلعه وتصادف خويك رافض بعد هذا كله
عطه كلمه توصل لقلبه على طول
قله تعال ابيك خله يشوف اللي بهالسيارة وقله ما توقعتك تسوي كذا
متكلف واخرتها ما تبي تروح
على العموم يعطيك العافيه ما توقعتك كذا
"""""""" بهالشكل يكون استحى على نفسه """""""""""""""
ورايح يتراجع عن فعايله
"" اما انك اتهاوش وتعبس """ التعبس بملامح الوجه اخطر من مليون كلمه جارحة
///////////////////////////////////
وإي خدمه فانا جاهز حتى تجد صديق العمر
تقبل مروري المتواضع
محبك في الله صقر البحيرات

[النفيظ]

السلام عليكم اخوي صقر البحيرات والله اني غلبان لاراعي حركة ولاكثير كلام ولاغيره بس سبحان الله الى الأن ماصفالي رفقيق يشد فيه الظهر مع العلم اني تغاظيت في بعض الامور مثل ثقل الطينه في بعض الأخوان والشغل عنده ثقيل ولا هوب راعي فزعات ولا تواعدون واقل سبب تجده يعتذر عن الطلعه كل هذا طبعا في عده من الأشخاص وليست مقتصره على واحد الصراحه مليت صرت اربي على هالحاله ولاكن فعلآ الصديق الوفي في هذا الزمن بالذات صععععععععععععععععععععععععععععععععععععععععععععععععع عععععععععععععععععععععب والله العالم انها تبتصفي على انا لين الله يحلها



وجزاك الله خير ياخيي صقر البحيرات على هذه المعلومات التي تكتب من ذهب لان الصديق وقت الضيق ويبدو انك عاشرت واجد من هالاشكال الي تتك خلقك وتعيفك الطلعه

الله يجزاك خير وجعلك من اهل الجنة

[صقر البحيرات]

الله يسمع منك يالغالي
وياك اجمعين
شف الصحيح انا ما دورت احد على شان يروح معي لصيد اناس هي امبالشتني على شان اخويها
لكن بعضها مصالح مثل الأسلحة والطلق ... ومن هالسوالف
لكن حددت عدة اشخاص واجتمعنا وخلينا لنا مدير يديرنا مع مشورتنا وراي الجميع
وإلا الأن وحنا على ما اتفقنا عليه
شف
إذا خوياك ما يبون يطلعون لا تغصبهم وخلهم فتره
وإذا عندك اخوان اصغر منك اغصبهم على الروحه معك وعلمهم البر وعلوم الرجال
وتلقى ولد عمك وولد اخوك ومن هالقرايب يفهمك صدقني اول مرة رايح يجامل لاكن يوم يجد المتعه يصبح عضيد
وانا والله إذا لقيت مجموعتنا ماهي فاضيه إللي مسافر واللي مداوم واللي يوم الحلال
اخذت اخواني الصغار معي واضحكهم وونسهم وخليهم يرمون بالسكتون ويجيبون الصيد وتعلقيات خفيفه
وكذا عاد قاموا يبلشوني كل يوم يبون يطلعون والله اني اختبيء عنهم
معاك حتى تصل لنتيجه
وفقك الله

[جيب بيج]

أخوي النفيظ فيه واحد من أخويانا ماتحلى الطلعه بدونه بدون قصور للآخرين وله معنا تقريباً ثلاث سنوات
بل أنه دخل معنا في أستراحه وتعرفنا عليه في البر كان لحاله وجنبنا سأل كيف الصيد أقلط وصارت المعرفه

[ابو عمر النوح]

مساك الله بالخير أخوي النفيظ ، أنا أظن و الله أعلم إن اللي يجرب القنص و الرمي ماهوب تاركه أبد ، تقدر تطلع بربعك مرة و معك السلاح و لا يدرون إنك ناوي قنص ، و تحاول إنكم ترمّون و لو على خفيف ، يمكن بعضهم يرغب الرمي و القنص عقبها ، و هي مجرد محاولة إن صابت وإلا اعتبرها كشتة خفافية ، و تقبل مروري

[جارح العين]

ماقصرو الاخوان
ومثل مقال الاخ صقر البحيرات