أبو ممدوح
07/03/2008, 05:34 PM
السلام عليكم ورحمة الله وبركاته
أبدخل في الموضوع على طول من غير مقدمات
نزلت أنا والشباب الأسبوع الي فات للشعيبة عشان نقنص السمان ( الفري ) وطبعا تعرفون وشلون قناصة السمان بالليل شبكة طويلة 100 متر وأعمدة ومسجل على بطاريه حقت سيارة وشريط لصوت السمان والحمد لله وفقنا في 7 حبات
لكن اليوم الجمعة وفقنا والحمد لله في السمان بعدد طيب فوق الثلاثين حبة ولقينا بنقالي هو وأخوياه طارح 95 حبه ماشاء الله عليه ماد شبكة طولها 400 متر وثلاثه مسجلات ويوم سألناه وش بتسويبها قال انا بيعه في مكة وجدة الجوز 6 ريال عز الله عين خير الله يرزقه
وابشركم لقينا حر تام في صله بس ما معنا شبك وطلبنا الفزعه وضيعنا الطير ووصلوا الفزاعه ولفينا صله وصله وصله لكن الحمد لله
ويوم يئسنا وجينا راجعين شفنا سمانه طايرة وملاصقه الأرض ولحقناها وقلنا والله ما تروح وفجئه الا هذا الطير الي محول عليها لكنه أخطاها تركنا السمانه ولحقنا الطير والا هي شيهانه بحريه تامة عطيناها الزريق ولا شي لكن من حظنا السيء فصل بيننا وبينها جبل لازم نتعداه عشان نشوفها ويوم عدينا ما شفنا الا خلا خالي والرب عالي قالوا الفزاعه حظكم اليوم مقرود عودوا بيوتكم ريحوا وصلو الجمعه وانشاء الله ربي يرزقكم بأحسن منها وفعلا مشينا ونسينا ان اليوم جمعه لكن الحمد لله لحقنى الصلاة وانشاء الله الأسبوع القادم أوافيكم بأخبار جديدة
أبدخل في الموضوع على طول من غير مقدمات
نزلت أنا والشباب الأسبوع الي فات للشعيبة عشان نقنص السمان ( الفري ) وطبعا تعرفون وشلون قناصة السمان بالليل شبكة طويلة 100 متر وأعمدة ومسجل على بطاريه حقت سيارة وشريط لصوت السمان والحمد لله وفقنا في 7 حبات
لكن اليوم الجمعة وفقنا والحمد لله في السمان بعدد طيب فوق الثلاثين حبة ولقينا بنقالي هو وأخوياه طارح 95 حبه ماشاء الله عليه ماد شبكة طولها 400 متر وثلاثه مسجلات ويوم سألناه وش بتسويبها قال انا بيعه في مكة وجدة الجوز 6 ريال عز الله عين خير الله يرزقه
وابشركم لقينا حر تام في صله بس ما معنا شبك وطلبنا الفزعه وضيعنا الطير ووصلوا الفزاعه ولفينا صله وصله وصله لكن الحمد لله
ويوم يئسنا وجينا راجعين شفنا سمانه طايرة وملاصقه الأرض ولحقناها وقلنا والله ما تروح وفجئه الا هذا الطير الي محول عليها لكنه أخطاها تركنا السمانه ولحقنا الطير والا هي شيهانه بحريه تامة عطيناها الزريق ولا شي لكن من حظنا السيء فصل بيننا وبينها جبل لازم نتعداه عشان نشوفها ويوم عدينا ما شفنا الا خلا خالي والرب عالي قالوا الفزاعه حظكم اليوم مقرود عودوا بيوتكم ريحوا وصلو الجمعه وانشاء الله ربي يرزقكم بأحسن منها وفعلا مشينا ونسينا ان اليوم جمعه لكن الحمد لله لحقنى الصلاة وانشاء الله الأسبوع القادم أوافيكم بأخبار جديدة