حركه ترفع الضغط!!

[abu hlal]

السلام عليكم


من المعروف ان الواحد اللي مضيع طير......يجيه حاله اقرب الى الجنون ولاعاد يجيه نوم وطول اليوم وهو بملواحه وحمامته ... ولايخلى احد ما ينشد عليه ويوصيه من الرعيان وعمال المزارع ومحطات البنزين....الى اصحاب المرابط ومنتديات النت.....الخ

وكل ما يرن جواله يفز قلبه....عساه محصل الطير...ولو يذكر في اي مكان في الدنيا راح له!!!!

لاكن انك تحصل طير عليه رقم صاحبه ...وتكلمه ويرد بكل برود وغطرسه وكأن الامر لايعنيه ولا ويتشرط عليك توصله له او اقرب مدينه لك ...كأنك شغال عند ابو اللي جابوه!!؟؟لا ويجلس الطير عندك ايام مايكلمك!!

هذي ويش حلها؟؟؟ اطير الطير لأن راعيه مايستاهل العقلان؟؟؟!! ولا ويش الحل

[العقارب]

طيره وماجاك على ياحبيبي ؟؟؟؟؟؟؟؟؟

[سنجااار]

دق على الرجال قله الطير تراه طلع من ذمتي انت رجال بتجي تاخذ الطير ولا تراي ابطير مانب قاعد اكد عليه وانت تشرط
( اتوقع بيجيك ركض وينسى السياره ) ههههه

[الصقار10]

لا والله اذا كلمت صاحبه و مثل ماقلت يرد بكل برود وغطرسه .. قله الطير بيقعد عندي بحد اقصى شهر واذا ماجيت تراي اببيعه واذا جيت متأخر عليك مبلغ 500 ريال + كل يوم 10 ريال تأخير وأنت حر اختر اللي تبي بس خل عند شهود وانت تكلمه لا يشكيك

[اااالرااااكد]

اقرب سوق وبعه وتصدق بدرهمه

[أبو فيصل]

أظنه طير ما يسوى أو يمكن راعيه ما يسوى أو كلاهما

حطه عند شريطي راعي سوق و علقهم مع بعض ورايتك بيضاء و الشريطي بياخذ فوق حقه حقوق وراعي الطير بيدري أن الدعوى معاد هي برجال صقار يستحي منه و يدور ما يرضي ربه والعلوم الطيبه عند المشاكيل

حل و وجهة نظر تخرجك من الوقوع في الخطأ أو القيل و القال

أخيرآ بيض الله و جهك و جعلها الله في موازين حسناتك

[Ry905]

مهما كان صاحبه بارد أو غير مبالي .. وش يضرك لو حافظت عليه وسلمته لصاحبه اذا جاء .. وما لك إلا الأجر

[abu hlal]

دق على الرجال قله الطير تراه طلع من ذمتي انت رجال بتجي تاخذ الطير ولا تراي ابطير مانب قاعد اكد عليه وانت تشرط


( اتوقع بيجيك ركض وينسى السياره ) ههههه



صدقني قلت له الكلام هذا

[abu hlal]

لا والله اذا كلمت صاحبه و مثل ماقلت يرد بكل برود وغطرسه .. قله الطير بيقعد عندي بحد اقصى شهر واذا ماجيت تراي اببيعه واذا جيت متأخر عليك مبلغ 500 ريال + كل يوم 10 ريال تأخير وأنت حر اختر اللي تبي بس خل عند شهود وانت تكلمه لا يشكيك


قلت اخذ طيرك ولا ابغي منك شي ....

[abu hlal]

اقرب سوق وبعه وتصدق بدرهمه

لا .............اهم ما على الواحد سمعته

[abu hlal]

[quote=أبو فيصل;1463876]أظنه طير ما يسوى أو يمكن راعيه ما يسوى أو كلاهما

شكلك جبتها

[abu hlal]

مهما كان صاحبه بارد أو غير مبالي .. وش يضرك لو حافظت عليه وسلمته لصاحبه اذا جاء .. وما لك إلا الأجر


الاجر في الطير......

[نبع الدموع]

ما شاء الله عليك عندك صبر و هذا اسلوب الر-- راعي الطير؟؟؟
لو انا مكانك كان مصعت راس الطير و صورتة و ارسلتة له وسائط
او اضعف الايمان افك سبوق الطير و احلة و ان انت سويت كذا
بتساهم في منع انقراض الطيور :)

[شبراق]

والله ياخوي دق عليه وقله تبي تجي تاخذ الطير ولا ابيعه
عطه مهله خمس ايام قله تبي تجي ولا تراى ابيعه وشهد عليه ولا عليك منه

[حزام الامان]

لا تنضر لصاحب الطير .الطير في ضيافتك. الطير مثل الرجل يعطاء حقوقه والي حصل اعتبره جهل وهو بيتصل عليك اكيد

[البقعاوي]

اخاف ان الطير وكري مايسوى العلف الي يأكله .

[خشف.]

نتظر رد باقي الاعضاء
ويعطيك العافيه على الموضوع

[أبو نوير]

الحل بسيط جداً حطه في محل الطيور وقوله يجي ياخذ من عندهم
واتصل عليه وعلمه بالمكان ويروح ياخذ طيره لأنه الصراحه مايستاهل الشخص هذا انك تعلف على طيره
خله يتفاهم معا راعي المحل وانت كذا رايتك بيضاء ولا تخسر عمرك دام كذا كلامه

[AL MSAFER]

خذ الطير وسحب علي راعيه :d

[ابو عايد]

السلام عليكم ورحمة الله وبركاته

أشرط علية 3أيام ولا تصرف في الطير هذا بارد شكلة مو راعي طير

[عاشق الجول]

ياجماعة يمكن الطير مهوب لصاحب الرقم ( يعني يمكن انه بايعه ولاشال رقمه ) عشان كذا ماهمه :confused: لكن انا اشوف انك تحط الطير عند واحد من هالشريطية واتصل عليه مرة ثانية وقل له ترا طيرك عند هاك الرجال وتراه شريطي ولا لي علاقة بالطير بعد هذا الاتصال :no2:

[راعي البرقا]

و الله إن كانه كذا إطلع بالطير و هده على حمامه سوادي سلم و رح وخله وبلغ راعي الطير بالمكان اللي هديته فيه إبراء للذمه. وتقبل مروري

[راعي الروضة]

ابو هلال الواضح انك شقردي وشهم 000 ومن لقى طير وحافظ عليه فيه وكلم صاحبه فيه من الامانه ماتجعل الاخرين يحترمونه هذا بعد ان كسب الاجر والمثوبه من العلي القدير الذي لايضيع اجر من احسن عملا 000 فاذا كان صاحب الطير (دلخ ) او لامبالي فكن اعقل واستمر في تحملك حتى ياتي لاخذ طيره 000 او حتى تاتيك الفرصه فتوصله انت فتكسب اجرين 000وان كنت مستعجل فما عليك الا الاتصال باحد المشائخ ورجال العلم واستفته في الامر ولن تخسر شيئا 000 ضع ايها الغالي مرضاه الله امامك اينما تذهب وثق بانه وبتوفيق الله ستجد لهذا الطير مخرجا وسيعوضك الله على امانتك وصبرك في الدنيا والاخرة وجزاك الله خيرا واكثر من امثالك

[shallal]

الظاهر وجود الطير عندك اكرم له من راعيه تستاهله

[fhd97]

السلام عليكم
يا اخوان ترى فيه ناس اسلوب تعاملهم مع الاخرين يكون بهالطريقه واكثر واحيان تلاقيه انسان طيب جدا لكن اسلوبه مع الناس مستغرب ويكون طبع في الشخص وكثير حالات نصادفها ونحكم عليها وفي الاخير يتضح العكس انا من راييي انك تصبر لين الله يسهلها اما انك تفك الطير او تحطه عند شريطي او مربط انا ما اوفاق اخواني في الراي لان الطير الان دخل في ذمتك وعليك تكمل جميلك وتصبر والله كريم وفيه اعتقاد اخر ان صاحب التلفون مهوب صاحب الطير يمكن الرقم فقط لان فيه ناس تحط ارقام اصدقائهم اللي مالهم في المقناص على اعتبار انه دايم في البلاد وتلفونه في الخدمه

[ذياب999]

هذا الظاهر ماهو راعي طير
الا يا ابو هلال لو تعطيه سبقه ابرك له من راعيه
وانا عندي موضوع شبيه بموضوعك
وان شاء الله راح اطرحه فيما بعد

[salem63200]

تبي شور انت وين ماسكه ااذا بالرياض طيره في الخفجي علشان يعرف شلون يرد بنفس شينه اما يشكر الرجال واذا له نيه يجي ياخذه والى يقول الطير فداااااااك وانتهى الموضوع

[ذياب999]

بس تبون الصحيح يالربع انا غدا لي ودق علي رجال يوم الجمعه وكنت في قطر ومشغول حييييييييييل وقلت له من معي قال بتعرفني بعدين وجوالي مسح كل الارقام ولا قدرت ادق عليه ومن يومها اللي هو الجمعه اللي طاف وقلبي ناغزني الله يجيبه

[ابوفهيدان]

جرب طعم طيره مندي

[أصيل911]

التمس لأخيك المسلم 99 عذر واحسن النيه
واحسن معاملة الطير دامه موجود عندك ولاتقطع الاتصال بصاحب وابلغه اول بأول بأحوال الطير
حتى تستطيع معرفة السبب وراء عدم اهتمامه في الطير لانه قد يكون مثلما كتب في مشاركات الاخوان
ان الطير مهو له اصلا

[مخاوي قناص]

حسب خبرتي الماضيه ومخالطتي لصقارين انا اتوقع والله العالم انه هو من اطلق الطير زاهد فيه وكرهانه انا ابي اعرف فقط اهم شي سئلك عنه فين حصلت الطير:confused: هذا استنتاج مخاوي قناص حسب خبرته المتواضعه