الفزعه يا خبراء دافور بريموس ( primus ) الاصلي

[ليوان]

يالربع الفزعه

عندي دافور بريموس يضرب به المثل من نظافته وقوته وناره الي تقول لحام اكسجين ... لو ابي اطبخ عليه ذبيحه والله ليجمل وزود
واجيك في يوم قلت يا ولد نظفه ... وامسكه وافكفكه وصله وصله واغسله بقاز .. واظني اعميته
ومن يومها اذا شبيت عليه اذا كان على اضعف شي تكون النار دار ما دار على العين ( القرص )مثل الصورة

http://www.majidsr.com/uploads/wcZ10451.jpg

واذا قويت النار شوي تختفي نصها يعني تكون النار في نص القرص مثل الصورة

http://www.majidsr.com/uploads/iCo10497.jpg

واذا قويتها اكثر تصير في ربع القرص فقط مثل الصورة

http://www.majidsr.com/uploads/h6X10566.jpg


واذا قويتها اكثر تختفي النار ( يطفي الدافور )



ما ادري يالربع وش السبب وش الحل

افيدونا جزاكم الله خير

[هاوي الترحال]

اسلام عليكم اخوي ليوان غير الفلتر النحاسي (اللي مثل المسمار فيه فتحه) يمكن انه تسكر مع التنظيف وخذ نفس الرقم تحصله عند محلات الرحلات

[الساهر2003]

اخوي طبيعي جدا والحل سهل جدا ان شاء الله
اشعل الغاز بنسبة متوسطة واطبخ عليه اي حاجة ولو كانة بسيطة مثل تفويح ماء او بريق شاهي وثبت الذراية وخلها مفتوحة مع احد الجهات الاربع مدة 10 الى 15 دقيقة وسيرجع مثل اول ومثل الجديد الا اذا انت ناسي شيي او موسعة المامة الابرة فيجب تغييرها

[ليوان]

اشكرك جدا اخي صقر عنيزه على الرد
وفعلا انت ذكرتني بشي مهم ( الفلتر النحاسي )
بالنسبه للفلتر النحاسي يمكن انه يبي له تغيير مثل ما تفضلت لكن مو علشان انه تسكر اعتقد انه توسع

اشكرك جدا اخي الساهر على الرد
طبعا هذا الكلام له اكثر من شهر وهو على هذا الوضع وطبخت عليه كثير لكن ما اطلع النار ( اخليها راخيه )
عموما يمكن ان المامه توسعت
س / وش قصدك من ( الذراية )

[أبوزياد]

معلومات جميلة يستفاد منها وتزيد خبراتنا أشكركم جميعا ولكم جل التقدير

[فارس 2000]

الأخ العزيز : السلام عليكم : إذا أردت أن تنظف المامات ( الفلتر النحاسي )
فضعهن في قدر صغير أو في ابريق فيه ماء ثم ضعهن على النار لمدة ربع ساعه ، وبذلك يصبحن نظيفات ( عن تجربه )

[الساهر2003]

اخوي اذا المشكلة من شهر فاتوقع ان المامة متوسعة تاكد منها
والذراية توضع تتقى عن الرياح حتى ماتطفي النار

[ليوان]

ابشركم

انحلت المشكله من يوم ما قلتوا لي المامه صار احسن من اول اذا شبيت عليه له هدير تقول يبي يهاوش
ما شاء الله
اخذته امس ووديته لوكيل بريموس في جدة ( بادحمان ) وفك المامه وغيرها بوحده جديده واخذ عشره ريال ولو طلب اكثر كان اعطيته
والحين الي يبيني اطبخ له ذبيحه يجيبها ويوكل الله ... اطبخها واسنع نصها ههههههههههههههه

عموما مشكورين وهذه فائدة المنتديات وتبادل المنافع وكسب المعارف ( منتديات الرجال ) الي تحطهم على الجرح يبرى

وبيض الله وجيهكم