طبع الطير غريب!!!

[أصيل911]

السلام عليكم ورحمة الله وبركاته
اخواني المكشاتيه ياليت اهل العرف يفيدوني بطبع الطير.
طبعا الطير شاريه الموسم اللي طاف وهو بكر طبعا حر حمر
الطير ما شاء الله سبوق ويذبح الكروان معي والحمام حتى القميري لحقها وذبحها بس بمزاجه
يعني يوم يطلب ويوم ما يطلب ولا يهد حتى لو كان له ليلتين ماعلف ما يطلبها ابد

ياليت تفيدوني بالموضوع
هل الطير مزاجي؟
هل بالطير عله؟
ولا طبع فيه شين؟
شاكر ومقدر للجميع.

[سنجااار]

معنا طير اول الوقت مافيه ازين من طبعه بس اذا دخلت الشبط يتغير وانشذره وتزين اموره ولا يمكن طيرك صنيع اقصر عليه وان شاء الله بتزين اموره

[أصيل911]

معنا طير اول الوقت مافيه ازين من طبعه بس اذا دخلت الشبط يتغير وانشذره وتزين اموره ولا يمكن طيرك صنيع اقصر عليه وان شاء الله بتزين اموره




اشكرك اخوي على مرورك
بس الطير مززززززاجي
قبل اسبوع هاده على كروان وطلبه وولحقه بثواني وذبحه حتى ما عطانا فرصه نتهى بالهدد
وخليته يتعشى منه ماعزلته لين شبع.
وبعد يومين اوريه الكروان ولا طلبه ولا كن قدامه شي.

[بعيد الشوح]

ممكن بعض الاسله
1/الطير كم في كم ووزنه يوم تهده كم؟
2/هل الطير تفلسه واجد تهده على الحمام القوي من بعيد هل الطير يلاعب الشلو؟

[شبراق]

طبوع طيرك طبوع التفاريخ
هل طيرك تفريخ ؟

[مبسوط]

انا اذكر انه مر علي طير واحد من الربع قمه في المزاجيه يعني اليوم يلحق لحوق خيال ومن بكرا ما يرف جناحه ورى صيدته وبسب كذا راح عليه حباري واجد لكن الطير يعتبر سبوق بالحيل.

نقطه ثانيه ترى وقت الهدد الصبح او الظهر يغير من مزاجيه بعض الطيور والروباجه اذا كان ما جدعها بعض الطيور ما يهد.
هذا الي عندي واتمنى اني ما طولت عيلكم.

اخوكم مبسوط

[أصيل911]

ممكن بعض الاسله
1/الطير كم في كم ووزنه يوم تهده كم؟
2/هل الطير تفلسه واجد تهده على الحمام القوي من بعيد هل الطير يلاعب الشلو؟



1/الطير 16*16 نسميه عندنا بالساحل حقير لانه اصغر الحرار والوزن ماقد وزنته
2/الطير اذا طلب صامل وفكيته على السوادي وارتفع معها وبعد 20 دقيقه لقيته طارحها ويعلف فيها بالنسبه للملواح مايشوف مثله
شاكر مرورك.

[راعي البرقا]

أتوقع والعلم عند الله إن طيرك صنيع

[أصيل911]

طبوع طيرك طبوع التفاريخ
هل طيرك تفريخ ؟





فعلا هذا الطبع في طيور التفريخ لان عند واحد من ربعي جير يمنه يهده على حمامه ينقز تنقيز كنه كنغر:D
بالنسبه لطيري مهو بتفريخ وحش
شاكر ومقدر مرورك.

[أصيل911]

انا اذكر انه مر علي طير واحد من الربع قمه في المزاجيه يعني اليوم يلحق لحوق خيال ومن بكرا ما يرف جناحه ورى صيدته وبسب كذا راح عليه حباري واجد لكن الطير يعتبر سبوق بالحيل.

نقطه ثانيه ترى وقت الهدد الصبح او الظهر يغير من مزاجيه بعض الطيور والروباجه اذا كان ما جدعها بعض الطيور ما يهد.
هذا الي عندي واتمنى اني ما طولت عيلكم.

اخوكم مبسوط


انا اتوقع ان الشغله مزاجيه عند الطير بس كيف تتغير المزاجيه هذي
شاكر ومقدر مرورك.

[أصيل911]

أتوقع والعلم عند الله إن طيرك صنيع




ياليته صنيع كان حلينا المشكله بكل سهوله
شاكر ومقدر مرورك .

[خشف.]

ان شاء الله يفيدونك اعضاء الخيمه اكثر

[هواوي مروق]

السلام عليكم اتوقع يااخوي ان طيرك تفريخ لأن فيه طير واحد من الربع تفريخ مره يهد ومره لا ويوم يرتفع ويوم لا

[wooolf]

السلام عليكم ورحمة الله وبركاته
هذي وانا اخوك طبوع المحقور مزاجيه كل يوم يتغير على حال واخبرمع واحد من الربع طير محقور يجوعه ليلتين ولا هده علق بالنجوم وكبه هو وصيدته ولا يطرحها الا اليوم الثاني على حمامه
وحتي الصقاقير الاولين ما يدنون المحقور لمزاجيته المتغيره
هذا والله اعلم

[أصيل911]

اشكر كل من مر على الموضوع بالمشاركه او بالاطلاع
ونا سئلت عن الطبع هذا وعرفت وش السبب من صقارين لهم باع طويل
في الصقاره وتقريبا اجتمعت الاراء واتفقو على سبب واحد هو ان تعلوم الطير في البدايه
ماكان زين لاكن بعد الربطه ان شاء الله وخير ياانا ياهو;)