وين هل الابل وهل الخبره

[جن جون]

السلام عليكم ورحمة الله وبركاته
يا هل الابل انا عندنا بكره ضربناها اكثر من مره ولا مره لقحت مع اني جبت لها دكتور وقال انها ماهي بحايل وش السواه لمن عنده خبره

[الجياااشي]

السلام عليكم ورحمة الله وبركاته
وش سنهاا
وان شالله يفيدونك الاعضاء

[عاشق أمل]

عندك الشيبان تراهم خبرا في أمور الابل
أخوي تأكد من قطع الصيد من الناقة والا ما تعرفه شف لك شايب إذا ما تعرف الصيد وقله يقطعه لانه يمنع الابل اللقاح وعادة يأتي في داخل الشفر من الاعلى الناب ويسمى الذيخ . اتمنى أن أكون افدت في بعض المعلومات ولا تنسى السمنه الزايدة تراها تمنع اللقاح
وتقبل مرور

[صدر الشمالي]

يفيدونك الاخوان انشاء الله

[جن جون]

اخوي عاشق أمل جبت لها شايب خبره وقطع عنها من داخل وحط ملح ولا في فايده ولاهي بسمينه واجد ومشكور على مرورك انت واخوي صدر الشمالي

[ابوحماد]

خذ النصيحه قبل مايجيها الفحل أطرد الناقة بسيارة لمدة طويله لين تتعب

وعلى طول دخلها يم الفحل وتبرك غصب وقبلها عطها أبرة تثبيت في الورك

[معانق]

هلا بك اخوي جن جون .. حياك الله ..


انت قصيت عن حياها صح ولا لقحت ..


فيه صيد يجي في لسان الناقه على اطرافه من يمين ومن يسااار .. قصه وابشر بالخير ..


اخوك معانق ..

[نجم السويبع]

حال البكره إذاهي سمين مره حاول
تخفف عليها العلف
واويكون فيها صيد مثل ماقالوا الاخوان
اوالبعير يكون قد اضربها مرات واجد
ويعشسش الرحم وهذي علاجها حبوب تنظيف الرحم
كل الـــــــــــــــــــــــــود

[ظل سدرة]

شف لك فحل ثاني غير اللي اضربتها منه وتاكد انها
على جسره وان حصل الفحل يكون له كم يوم ماأضرب0
وان شاء الله انها ماتحيل

[المسااااافر]

السلام عليكم فيه ابره عند البيطري حقت لقاح خذها من عنده وانشاء الله تنفعك ...

[جن جون]

بيض الله وجوهكم يا هل الخير وماقصرتوا

[راعي البرقا]

إن شاء الله مايقصرون الإخوان .تقبل مروري

[راعي دسمه]

اذا ضربتهاكثير واحيانا تشول وتفيخ
انصح انك تسويلها تنضيف عند بيطري وشف لك واحد ممتاز وخل عنك اكثار الحكي
ثم عهطها ابرةالجسرة وماتشوف شر
وانت جرب اللي قالو الاخوان بخصوص الركض وفحمها زين علشان تفتح ارحامها

[جن جون]

مشكور يا غالين وبيض الله وجوهكم

[القميري هواي]

اخوي حط له عويدي وملح جوا الرحم لان العويدي يحرق الوصخ من صيد وغيره واضربه على مجهم تسانه عفراء وفي طريقه ثاني حك حياه بظفرك ولا بموس لمين تدمي بعدي ن خل البعير يظربه وان شاء الله تلقح

[جن جون]

القميري هواي مشكور يا غالي على الرد