ابي مساعدتكم

[جنوبية سدير]

السلام عليكم ورحمة الله وبركاته
ياشباب في شيهانه مبهذلتني في طويق كل ماجيت اقاها تحوم حبلت لها وما صادت لاكنها حذره وش السواة بها
ارجو ان تفيدوني .
في الانتظار

[همس الرعد]

يا رجال حاولبها لين تذن وفيه ناس تلاحق الطيور وتحاول فيها 20 يوم

[جنوبية سدير]

يجي لي الحين حول شهر بس اذا قالو حذره حذره

[همس الرعد]

اجل ماهب رزقك يا اخوي:d :d

[جبل راف]

حاول تشبك باشق وحمامة وان شاء الله تصيد

[القرناس المهاجر]

خلها تحوم ونا خوك .. تراها طليقة .. قد ذاقت الأمرّين من بني آدم :D .. ولاكان ودي انك وصفت الموقع:no2: .. وترى القنص راحت ليالية .. اتركها لعلها تكون نواة لجذب غيرها من الطيور .. ومن ثم تتكاثر .. لأن الجبليات هذا وقت تفريخها .. وليس على الله ببعـيد ..

[أصيل911]

حياك الله اخوي فعلا بعض الطيور حذره جدا ولاكن لابد استخدام الحيل عليها
عندي لك ثلاث طرق ان شاء الله تفيدك.
1/فكلها العلف طلق .(يعني بدون ثقاله )حتى تطمئن وتهد
2/استخدام النقل
3/بيتها واقنصا بالليل بشبك.
اتمنى اني اكون قد افتك.

[ابوفهد 2]

من صفات الصياد الصبر ومن صفات النجاح الصبر ومن صفات النصر الصبر

[حجاج]

الله يرزقنا وياك

[خشف.]

ان شاء الله يفيدونك اعضاء الخيمه اكثر

[راعي البرقا]

حيا الله راعي الديره شيهانتك ذي مالها إلا النقل و إن كانه مافاد رغبها في الحمام مريش و إن كانك تعرف الماكر عندك القرشع وحاول تبعد إذا رميت الشبك ولا تشوفك ترميه ولا تشبك وقت الحومه ونوع في الشبك جربوع .سمان . حمام والله يوفقك . وتقبل مروري

[ابرق العزاف]

خلها تبيض ثمن صيدها هي وفروخها قد نسيت الحذر والوكر تراه عندها
مستحيل تحوم لمده طويله وماعندها وكر000000000

[جارح العين]

ماقصروا الاخوان
واحسن شي لها تجيها من صباح الله ومعك شبوط والنقل
او مثل مقال الخ راعي البرقا اذا تعرف ماكرها حطلك فريه بقرشعه وحطه عند ماكرها
والله يرزقك انشاء الله...