القدر خرب

[ركية ناصر]

عندي قدر كاتم اسمة اكسبرس مغربي طبخت فية ويوم كتمتة الضاهر اني شديت علية شوي و طق معي المهم ان المسمار الى في الغطا ( باز ) خرب والصامولة الي تركب فية خربة بعد .
سؤالي وين القا قطع الغيار حقتة لو سمحتو ؟؟؟؟؟؟؟؟؟؟؟؟؟؟

[ابوفهد225]

ولا يضيق صدرك

القطع متوفره وبكثره لكن مادري عن الاسعار

تحصله عند وكيل اكسبرس اذا عندكم وموجود في بريده عند الفوزان والمحيميد للمواعين

لكن اذا اسعار القطع غاليه انصحك تشتري كاتم صيني ابرك

[المظل]

اخوي ركية ناصر
قطع الغيار حقة الاكسبرس المغربي
تركب على السب الفرنسي
والعكس صحيح

[عجاج السناف]

شـــــــــــــــــــــــــــــــــــــــوري عليك مالك ومال الغرابيل اعتقه لوجه الله ولا عمرك تشري شي الا من اهله (خص الاشيا الخطيره)تراه قنبله ياحبيبي.

[aziz2727]

كلام اخوي عجاج في محله ولا يهون باقي الاخوان
وش لك وجع الراس
خذلك شغل خواجات خاصه في الاشياء الخطره ..
عندك اول شي الالماني ما عليه كلام بعده الفرنسي ناس لهم دراسات وخبرات بمواصفات ومقاييس عاليه .

[عجاج السناف]

كلام اخوي عجاج في محله ولا يهون باقي الاخوان
وش لك وجع الراس
خذلك شغل خواجات خاصه في الاشياء الخطره ..
عندك اول شي الالماني ما عليه كلام بعده الفرنسي ناس لهم دراسات وخبرات بمواصفات ومقاييس عاليه .


تراك صديقي من اليوم وطالع ياعزيز

[ركية ناصر]

شكرن علي ردودكم يا اخوان .
الاخ عجاج السناف انا مجرب جميع قدور الضغط الايراني القديم الي كنة جرة فول والسب الفرنسي والالماني والصيني ومافية احسن من الالماني لئن بلفة يجي ثابت في الغطا وبعدة يجي الفرنسي . لاكن الاكس برس توي شارية قبل 3 شهور تقريباُ وحاطة في عزبة البر ونوعيتة جيدة وهو نفس الفرنسي يعني نفس التقنية والقطع تركب علي بعض وسعرة مهوب رخيص 6 لتر بــ 195 ريال . بس الضاهراني نشيط ذاك اليوم وزريتة الين طق ...

[خشم العرمة]

ما شاء الله والله تجارب حلوة
انا بالنسبة لي أستخدم السيف وكارفة كرف والحمد لله ماشكيت منه من شي ابد العيال يطبخون به في البيت وانا اطبخ به في البر
اللهم يوم جيت اركب اليدين استنشطت شوي وزريت على المسمار وانشعرت اليد بس ولا الباقي الحمد لله
على فكرة ترى سعره معقول جدا

[عجاج السناف]

شكرن علي ردودكم يا اخوان .
الاخ عجاج السناف انا مجرب جميع قدور الضغط الايراني القديم الي كنة جرة فول والسب الفرنسي والالماني والصيني ومافية احسن من الالماني لئن بلفة يجي ثابت في الغطا وبعدة يجي الفرنسي . لاكن الاكس برس توي شارية قبل 3 شهور تقريباُ وحاطة في عزبة البر ونوعيتة جيدة وهو نفس الفرنسي يعني نفس التقنية والقطع تركب علي بعض وسعرة مهوب رخيص 6 لتر بــ 195 ريال . بس الضاهراني نشيط ذاك اليوم وزريتة الين طق ...


الله يحفضك من كل مكروه ويجعلك على القوه وترا ما قصدي اقلل من شانك بس مجرد تذكير تقبل اعتذاري.

[ركية ناصر]

الله يحفضك من كل مكروه ويجعلك على القوه وترا ما قصدي اقلل من شانك بس مجرد تذكير تقبل اعتذاري.
اهلاُ بك اخوي عجاج السناف ومافية داعي للاعتذار انت ماقلت شي غلط انت قلت رئيك وهذا هو المطلوب جزاك الله خير .....

[ركية ناصر]

الله يحفضك من كل مكروه ويجعلك على القوه وترا ما قصدي اقلل من شانك بس مجرد تذكير تقبل اعتذاري.
اهلاُ بك اخوي عجاج السناف ومافية داعي للاعتذار انت ماقلت شي غلط انت قلت رئيك وهذا هو المطلوب جزاك الله خير .....

[ركية ناصر]

ابشركم زينا القدر لاكن بعد جهد لئني اتصلت علي وكيل اكسبرس في الرياض ولقيت رقمة مهوب صحيح واتصلت علي رقمة في بريدة ويالله ردو علي وقلت لهم عن خراب القدر وان لة 3 شهور عندي فقط والقدر طبعاُ جاي معه ضمان لمدة 5 سنوات قالو جبه قلت لهم وين قالو لورشة العمر في الجردة عند سوق المواعين الى جنب سوق الحريم ويوم رحت لهم لقيتها ورشة عامة لتصليح جميع قدور الضغط وقلت لهم عن الضمان قالو مالنا دخل فية المهم غيرت القطعه الخربانة علي حسابي والضمان ما استفدت منة ؟؟؟؟؟؟

[عجاج السناف]

مبـــــــــــروك وترانا نتحرى العزومه
بطرف هالشعيــــــــــــــــــــــــــــــــــب
http://up3.m5zn.com/get-3-2008-3l8tfcnj1u2.jpg

[DAWRD]

السلام عليكم ورحمة الله وبركاتة
يا شباب أولاً شوري عليكم إنتبهوا من الصيني بما فية السيف
ثانياً الي يبي يشتري قدر لا يشتري إلا ستانلستيل لأن الالمنيوم يتأكسد مع الطبخ و له مضار صحية خطيرة و الي يبغى إثبات يشتري أي قدر المنيوم و يقراء الكتالوج حقة مكتوب لازم تغلي لتر و نصف حليب في القدرعند أول إستعمال
ثالثاً الي يبي يشتري قدر موجود نوعية في السوق برتغالي إسمة سالونباس تقريباً بس الله ياهو قدر زي الالماني و الفرنسي ما يختلف أبد وسعرة مناسب 10 لتر شارية ب265 ريال و موجود أكيد في شارع السبالة

[ركية ناصر]

الاخ عجاج السناف الله يحفضك وابشر بعزك والله يحييك بس الله يهديك علي هذى الصوره قلبتا علينا المواجع السنة هذي ماشفنا ربيع وشفقانين لة بالحيل . بس ابسئلك عن الصورة كنها شعيب الترباعة او شعيب الشوكي صحيح والا لا ؟؟؟؟؟؟

[ركية ناصر]

الاخ Dawrd حياك الله وشكرن علي النصيحة وانا اوفقك الرئي اناكان عندي قدر صيني المنيوم واستغنيت عنة وشريت اكسبرس ستيل والستيل افضل من المعدن بمراحل . وعندك الالماني والفرنسي ستيل طبعن مافيهم كلام انا استعملهم في البيت من زمان ...

[سلايل كحيلان]

عليك بـــ Seb الفرنســي

تراهم متخصصين بهالمواعين


:)

[سلطان المغيري]

خذ الصيني ارخص انا عندي صيني له 5 سنوات يكرف وبعدين اذا طبخت ولا سمعت الصفيره طف النار يعني مكتوب وصاير قنبله