احد عنده خلفيه عن ام خمس هذه

[عبودي]

السلام عليكم ورحمة الله وبركاته
اسمها Raikal
سوداء اللون ، ماصورة طويلة ، روسية الصنع
اذا احد يعرف اسعارها يا ليت يفيديني عنها وعن مدى جودتها وجودة مرماها

[هاوي صيد]

هلاوغلا ياعبودي وحياك الله بمنتداء مكشات هاذي الشوزل اللي تقول اسمها والله اعلم بيكال وليس ريكال وهي روسيه الصنع يجي منها فيبر ويجي منها خشب وتجي بطول مختلف يعني بمقاس 28و30ونا جربتها ولا جازت لي مع العلم في ناس تمدحها بالحيل وتوصلها للسماء نصيحه من مجرب لها ابعد عنها وريح مخك عليك بالبرتا او البراوننج او الفابرام مع ان الفابرام قليله ولا لها شعبيه وهي بالحيل طيبه وترا فرق السعر بالنسبه للبندق مهوب حساب تخيل تشتري البيكال ب4500جديده وتضيف عليها وصله ب500ريال يمكن تظبط او ماتظبط ولا تنسا ان البيكال الروسيه بويتها تنعدم علا طول ماتتحمل الاستخدام وشكلها عادي وحتا مسكتها غير عن البراوننج او البرتا مافيها تحس انها كمخه وودك تكسرها علا راس اللي صنعها هذا اللي عندي والله يكتب لك التوفيق

[لاندكروزر-83]

هلاوغلا ياعبودي وحياك الله بمنتداء مكشات هاذي الشوزل اللي تقول اسمها والله اعلم بيكال وليس ريكال وهي روسيه الصنع يجي منها فيبر ويجي منها خشب وتجي بطول مختلف يعني بمقاس 28و30ونا جربتها ولا جازت لي مع العلم في ناس تمدحها بالحيل وتوصلها للسماء نصيحه من مجرب لها ابعد عنها وريح مخك عليك بالبرتا او البراوننج او الفابرام مع ان الفابرام قليله ولا لها شعبيه وهي بالحيل طيبه وترا فرق السعر بالنسبه للبندق مهوب حساب تخيل تشتري البيكال ب4500جديده وتضيف عليها وصله ب500ريال يمكن تظبط او ماتظبط ولا تنسا ان البيكال الروسيه بويتها تنعدم علا طول ماتتحمل الاستخدام وشكلها عادي وحتا مسكتها غير عن البراوننج او البرتا مافيها تحس انها كمخه وودك تكسرها علا راس اللي صنعها هذا اللي عندي والله يكتب لك التوفيق


نفس الكلام ;)

[راعي البرقا]

والله ياخوي أنا معي أختها ولا شفت فيها عذاريب إلا أن كلام الإخوان صحيح ميه xميه البويه على طول تروح يعني أي مخش يعدمها وهي زينه بالنسبه لقيمتها بس الأفضل إنك تاخذ مثل ماقالوا البريتا أو البراوننج أو البنيلي يعني خل تعبك مره وحده.وتقبل مروري

[عاشق بر]

يا بعدي اسمها baikal روسية
رميها حليو .. سعرها مناسب وبالمناسبة ترى ماااا تفرق طول او قصر الماصورة
لاي بندقية

ولا تتهور وتركب لها وصله مثل اللي يصلحون الــــــــــعديمي الخبرة

لان الوصل اللي معها جيدة و ما الظاهر ان الناس المرهمين با اعلم من الشركة الروسية
على فكرة الظاهر انها تستخدم في الجيش الروسي

[ابو رياااض]

ماعندي ذيك الخلفيه لكن عسى ربي يعطيك من خيرها ويكفيك شرها

[قااحش الدخل]

ولة ياخوي انامااستخدمتها ولاكن يقولون مرماها زين بلنسبة لسعرها ولاتقارن بلبنلي

[جراح المطيري]

الفيبر خذها ولا تشاور ... كلام ناس جربوها وناس عقيّل ولهم خبرة بالسلاح ... الفيبر الروسية . خفيفة الوزن ومرماها شوح ودامي ...

الله يعطيك خيرها ويكفك شرهااا .... ولاتستعجل وأنا اخوك تركد وشاور واشتر بندق وانت مقتنع فيها اهم شي اقتناعك بالسلاح..

موفق خيرررر

[وصل وجفا]

اخوي انا بالنسبه لي جربتها ولا نفعتلي بسبب (( انها تحتاج التنظيف بأستمرار )) وهذا قد يقصر بعمر البندق ورميها 100% ولا فيه عذروب لكن تخوف على المدى الطويل
وأنصحك بشراء اكستريما2 او ريفاليو من شركة بنلي والسبب ان هذه البندقيتين جبارة

تقبل تحياتي اخوك (( وصل وجفا ))

[عبودي]

السلام عليكم ورحمة الله وبركاته
اشكر كل من شاركني في هذا الموضوع
والله يجزاكم عني كل خير ويحرم وجيهكم عن النار ووالديكم