وين خبراء الجيوب والغمارتين ؟ سؤال غريب !!

[فارس العمور]

سلام عليكم

اخواني انا لاحظت شي وعرفت افسر له تفسير

ليش الجيوب مثل الشاص والسفاري القير حقهم يكون له اصوات عند المشي ولمى تهدي السرعه ولمى تعشق القير تسمع طقات وأصوات طبعا القير عايدي وسيارات جديده او قديمه

اما الددسن والهايلكس يكون القرير حقها خفيف وسلس وهادي

انا عارف لان الجيوب اقوى ....الخ بس وش تفسير هالاصوات ميكانيكيا ونظريا وخبريتيا << يعني بالخبره

لييييييييييييييييييييه

[فارس العمور]

ولا واحد ؟ مهيب عادتكم والله !!

[cute]

والله مدري وش الصوت اللي تقصده بالضبط
بس اتوقع اذا فيه صوت يفرق فهو يمكن والله أعلم لأرتفاع او انخفاض السياره بالارض
يعني كل ما ارتفعت كل مابين الصوت اللي تتكلم عنه أكثر وكل ماانخفضت قل الصوت
هذي نظريتي ويسمونها بعلم الفيزياء (نظرية cute) :D

[بدوي جنوبي]

صورة للدبل مع القير

http://www.mekshat.com/pix/upload02/images64/mk32037_22.jpg

يعني تبي يكون الصوت مثل الددسن او غيره
اصلا مافي وجه مقارنه
لابد من ظهور صوت للدبل حتي في حالة عدم الاستخدام
http://www.mekshat.com/pix/upload02/images64/mk32037_transfer_case.jpg

صورة الدبل وحيد بدون الجيربوكس
شف كبير الحجم
بس اللي يعرف الجهاز الكهربائي اللي عليه اسلاك
اعتبره فااااااااااهم ؟:good:

طيب نرجع لحديثنا
http://www.mekshat.com/pix/upload02/images64/mk32037_33.jpg

شف هذا دبل شروكي وانا اعتبره من افضل الدبلات من حيث قلة الصوت
لانه يحتوي علي تروس اقل من دبلات السيارات الاخرى
وقوة في الاداء والعزم
مع وجود كلتشات توزيع العزم
ويمتاز بأشياء كثيرة .

وعلي فكرة انا سبق وذكرت بأني اطرح موضوع كامل مفصل عن الدبل مع توضيح طريقة عمله
وطريقة معرفة الاعطال وكيفية صيانته
لكنـ للأسفـ ما اسعفني الوقت :(

هذا توضيح جداا سريع

بالتوفيق :D

[فارس العمور]

ماقصرت يا كات بس مافهمت قصدي لكن الي جربو السيارتين بيفهمون والله اعلم.

مشرفنا بدوي جنوبي جزاك الله خير وانا انتظرك

الحقيقه هذا الشي نفسي اعرف تفاصيل بالظبط

[بدوي جنوبي]

اخ فارس
تفاصيل اكثر
هو ان تروس القير والدبل للسيارات الكبيرة اكبر
من السيارات الصغيره
اضف الي ذلك الدبل والدفرنس الامامي
http://www.mekshat.com/pix/upload02/images64/mk32037_2007-fj-cruiser.jpg
وايضا سبب مهم جدااا هو لابد ان يكون قير السيارات
ذات الدفع الرباعي فيه شي من الثقل او القوة
لان استخدامه في المناطق الوعره او الرمليه قد يفصل القير
من قوة الجر والاستخدام والسحب

واسئل اصحاب الباث فندر من موديل 2001
الي 2005 القير العادي عند الضغط علي السيارة بدبل او بدون بعض الاحيان يفصل القير

تحياتي

[الساهر2003]

السلام عليكم
موضوع مهم جدا واشكر الاخوان على الاظافات
اولاً - الصوت الخارج من الجيب الشاص او الباترول او الجيب اللاند 97 هو من الاذرعة الماسكة لدفرنس لان الدفرنس كامل ومثبت في اذرعة موصوله بالشاص المركبة وللمعلومية ان النمرة الاول والدبل الثقيل في السيارات السابقة الذكر قوي جدا وبطيء الحركة بعكس الجيوب الاخرى ذات المحرك ثنائى الرؤوس V لان المحرك ذو الرائس الواحد اقل دورة من الثنائي الرؤوس
- واما جيوب اللاند كلها فالدبل فيها بنظام تحويل ترس لكلا العامودين عامود كردان وعامود الدبل وهذا باجماع الفنيين انه اقوى تحمل واقل اعطال لكن اذا تعطل فاصلاحه مكلف واكثر صعوبة من النظام الاخر وهو المحول ذو الجنزير الحديد وهو موجود في الباترول والشيروكي والباث والجمس واذا تحمل هذا الدبل يتمدد الجنزير ولا يعمل الدبل بشكل جيد ويتوجب اصلاحه وهو كثير اعطاله مقارنة بدبل اللاند وتحمله .
واجابة لسؤال الزميل بدوي جنوبي
هذا الجهاز على ما اعتقد هو جهاز الدبل الكهربائي او اللوك

والسيارات الاخرى التى قليل فيها الضجيج تلاحض ان الدفرنس فيها فليور عكوس متحرك وهذا هو السبب في اعتقادي
مع اطيب تحية للجميع

[فارس العمور]

يا سلام على النقاش المفيد والغني بالمعلومات

واصلوا يا شباب كل يدلي بدلوه

انا سألت هذا السؤال لان النافارا من نيسان عند قيادتها كانك تسوق شاص او جيب من ناحية اقير وطرقة تعشيقه واصواته ووووالخ

مع العلم انها ماهي دبل!!

وفي كلام اخوي الساهر :


وللمعلومية ان النمرة الاول والدبل الثقيل في السيارات السابقة الذكر قوي جدا وبطيء الحركة بعكس الجيوب الاخرى

اقول هذا بالضبط قير النافارا من نيسان النمرة الاولى ولا شي ثقيله مرررره حتى انه في الكتيب ينصون ببداية القيادة بالنمرة الثانيه اذا كانت السيارة بوضع طبيعي أي بدون تحميل ونحوه

[الساهر2003]

اخوي اي محرك دورته قليلة مثل اللاند والونيت الددسن او الهايلوكس تلاحظ النمر ثقيلة جدا لتفادي ضعف العزم والنافارا مكينته 4 سرندل 2500 سي سي والمفترض انه سته سرندل 4000 سي سي مثل غيرنا يصدر لهم بسته سرندل ولكن مغضوب علينا وهذا الكلام بحسب مندوب مبيعات نيسان في احد فروعهم في الرياض
والف شكر لك وللجميع

[سيد الجو]

بدويجنوبي وشو الجهاز الكهربائه اللي طالعه منه سلوك؟؟؟؟ :d