الفزعه ياهل العرف ياهل الابل

[راعي دسمه]

السلام عليكم ورحمة الله وبركاته وبعد
موضوعي احبتي الكرام
عندي خلفه جاها ورام في ديسه في الشطور المقدمانيه
ماخليت شي اعرفه الى سويته دهون اسود وزيوت ومضاد داخل الشطور وزيت مقري عليه مانفع
اخر شي طلع خراج في احد الشطور من فوق وطلع لها ورام بين السرة والضرة
وقلنا هيام وعطيناها ابر عن الهيام وكله واحد
تكفون اللي عنده حل يعطينا اياه وجزاه الله الف الف خير

[نجم السويبع]

السلام عليكم ورحمة الله
أخوي راعي دسمه أول شي نظف الخراج وعالجه لاتهمله
ثانيا الورم أو الخباش أذا كان الديس منتفخ مره ومحصي
وادليس حار افعليك برشه بالمويه وادهنه بدهن
عشات يلين .
السؤال اذا حلبت القدم وش يطلع هل يطلع حليب ؟
إذا كان حليب فاحلبها كل شوي ونظف الديس
ترى الملح يسبب الخباش فاقطعه عنها
ادليت بدلوي والاخوان ان شاء الله مايقصرون

[راعي البرقا]

ماأقول إلا الله يشفيها لكم والجماعه مايقصرون وتقبل مروي

[عقاب البر]

السلام عليكم ورحمة الله وبركاته وبعد
موضوعي احبتي الكرام
عندي خلفه جاها ورام في ديسه في الشطور المقدمانيه
ماخليت شي اعرفه الى سويته دهون اسود وزيوت ومضاد داخل الشطور وزيت مقري عليه مانفع
اخر شي طلع خراج في احد الشطور من فوق وطلع لها ورام بين السرة والضرة
وقلنا هيام وعطيناها ابر عن الهيام وكله واحد
تكفون اللي عنده حل يعطينا اياه وجزاه الله الف الف خير
أخوي خذ العلم مش الناقه خلها تمشيء و انت عساك ماتمشيها خلها تمشيء الخبش ماينفع له ألا المشيء
أخوك عقاب البر

[ظل سدرة]

من وصفك للوريم اللي بالديس يظهر انه حضاة
وان امكن صور لنا ديسها ونفيدك
اما الوريم اللي بين السره والضره اعتقد ماله علاقه بوريم الديس

[راعي دسمه]

اخوي نجم السويبع
وعليكم السلام ورحمة الله وبركاته وبعد
لاحرمناك ولاعدمنا طلتك
الخراج نضفناه ماخليت عليه قاصرورشيت الديس بمويه ودهن
اما الديس يحلب بس يالله لبنتها ومايغذاها
اماالملح ماتذوقه تسرح كل يوم وتحمض من خيرات الله
ودلوك فيه الخيركله و الله يجزاك خير ويبيض وجهك

[راعي دسمه]

راعي البرقا مشكور على المرور وماقصرة وفيك الخير والبركه ويكفيني مرورك

[راعي دسمه]

اخوي عقاب البرشبك الحلا ل كبير مره يجيله 300في200متر وزود على هذا تسرح
يعني ماعليها فاصر بالمشي
الله يجزاك خير ويبارك فيك وفي حلالك

[راعي دسمه]

اخوي ظل سدرة عساك تضلل بسدر الجنه ووالديك والمسلمين اجمعين
والله ياخوك الوريم ماهو حضاة والحضاة معروفة
اما التصوير فهاذي اللي مالقينا لها حل كل مارحت للحلال انسا اخذ الكمرة
ولااتذكرالى اذاوصلت تخبر الواحد يصير شفقان على حلاله خميس وجمعة ملتسوي شي براعي الحلال
وعسى اذكر واخذ الكمرة
الله يجزاك خير

[العنييد]

اخوي راعي دسمه


الله يشفي ناقتك ويفك لها والظاهر ان اللي فيها نزر وبسيط ابشرك وعلاجه صار الحين هين وهو ابر عند البيطري

النزر اذا ظهر برى انتهى خطره والحمد لله انه ظهر وهو اللي على شكل خراج فوق القادم

وعلى ماقالو الاخوان لو تصوره صوره واضحه كان عطيناك راينا بصوره ادق اذا كان قد مر علينا

الله يفرحك بسلامتها عاجل غير اجل

[القميري هواي]

اخوي اذا كان فيها هيام جرب زيت السمسم كل يوم الصبح مع الثوم المهروس وان شاء الله وحده بوحده

[راعي دسمه]

اخوي العنييد
بيض الله وجهك وماقصرت وعسا ها نزره ماهي غيرها
والله يقبل دعاك اللهم آمين
اخوي الفميري هواي
ماقصرت والله يجزاك خير وكانهي على زيت السمسم والثوم هينه
الله لايهينكم جميعا

[راعي الروضة]

انت تقول في البر 00 والا قلت لك خذ عينه من الدم وحطها في العلبه الخاصة وتلقاها عند الصيدلي واطمر للعيادة البطرية في فرع وزارة الزراعه ان كانك في الرياض وعطم اياه حتى يحللون الدم ويعلمونك وش فيها بالضبط 000 والله يشفيها

[الودان]

اخي حتى ولو انى اتمنى اني شفت صورة لعلي اشور عليك بشىء من واقع خبرتى المحدوده

لاكن ادهن المكان بزيت الزيتون يوميا ولمرات عديده

كتب الله لها الشفاء والله ماتستاهل الحنانه ....

اخوك الودان الليبي
والسلام عليكم ورحمة الله

[ابو الشباب3]

خذ من الديد حليب وسوله تحلييل عند البييطريين لعل الله يشفيها احسن لك من كثر العلاجات وسبق ان كانت عندي ناقه تعبت من كثر ارى بعض الناس

[راعي دسمه]

انت تقول في البر 00 والا قلت لك خذ عينه من الدم وحطها في العلبه الخاصة وتلقاها عند الصيدلي واطمر للعيادة البطرية في فرع وزارة الزراعه ان كانك في الرياض وعطم اياه حتى يحللون الدم ويعلمونك وش فيها بالضبط 000 والله يشفيها

اخوي راعي الروضة بارك الله فيك ومكثور الخير وعلمك مشري

اخي حتى ولو انى اتمنى اني شفت صورة لعلي اشور عليك بشىء من واقع خبرتى المحدوده

لاكن ادهن المكان بزيت الزيتون يوميا ولمرات عديده

كتب الله لها الشفاء والله ماتستاهل الحنانه ....

اخوك الودان الليبي
والسلام عليكم ورحمة الله
اخوي الودان الله يجزاك خير ويكثر خيرك ماخليت عنها قاصر كل يوم ادهنها بزيت الزيتون


خذ من الديد حليب وسوله تحلييل عند البييطريين لعل الله يشفيها احسن لك من كثر العلاجات وسبق ان كانت عندي ناقه تعبت من كثر ارى بعض الناس
اخوب جمس888
مكثور الخير ونصيحة مشريه

[شعيب المسمى]

فيه دهان ابيض صناعته فرنسي مجربة للورام ماله مثيل وخل عنك زيت الزيتون والدهان الاسود وكانك تعلفهن برسيم اقطعه عنها واغسل خلوفها بماء بارد وملح قبل الدهان مرتين ثلاث فاليوم وسلامتك

[راعي دسمه]

الله يجزاكم الف الف خير لكل من شاركني حل المشكله
وابشركم اني لقيت ابرة وحلة المشكله بعدتوفيق الله سبحانه وتعالى
وانا والله ماعرفة اسمها لكن واحد من الاخوان جزاه الله خير فزع بالدكتور وعطاها الابرة وانا انشاء الله ابدور اسمها وابلغكم
للفائدة

[الفضي المحترف]

والله من واقع خبرتنا في الابل هذا المرض يسمونة الحضاة واحسن شي له هو البنسلين تعطيها حقن
بشكل يومي الين يخف وبعدين كل يومين والمرض ذا يموت الديد الي يصيبة
وهذا من واقع التجربة

[سامي802]

ما ودي اسبب لك الاحباط بس عندي خلفه فيها نفس المرض
عالجناها ولا فاد الا بعدم انتشاره بباقي الديس

الله يشفيها
افعل السبب ولا راح تشوف شر