هل هذي اللي في الصورة جرة ذيب.....؟؟؟؟؟

[محمد الحريقي]

السلام عليكم
اخش في الوضوع
طلعت قبل اسبوعين تقريبا طلعة قهوة العصر وجلسنا في هضبة صغيرة وقمت انا كالعادة
استكشف ...المهم لقيت هذا الأثر وشكيت انه لذيب وقلت استفسر من اهل الخبرة
واليكم الصور:



http://www.mekshat.com/pix/upload02/images64/mk46128_dsc01762.jpg




صورة عن قرب
http://www.mekshat.com/pix/upload02/images64/mk46128_dsc01763.jpg



صورة توضح حجم الجرة


http://www.mekshat.com/pix/upload02/images64/mk46128_dsc01765.jpg


ملاحظة الجرة لقيتها في راس الجبل


اللي عنده بخص عن جرة الذيب لا يبخل علينا واذا كان فيه صورة يكون افضل
والسلام عليكم

[راعي البرقا]

إن شاء الله يفيدونك الإخوان وإلا أنا ماعندي علم عنها ولا حبيت أطلع من دون ما أشارك . وتقبل مروري

[محمد الفهيد]

لقلة وجود الذئاب في الجزيره
صعب تحديدها
بس ايبين ان الجره كبيره
الله اعلم بين الكلب الله يعزكم وبين الذيب

[شطه]

ليتك محدد مكان الكشتة لان فيه مواقع معروفه بتواجد الذيب
وتقبل تحياتي

[أبو فيصل]

هاذي جرة ذيب يا حي ذالعين

شوف طال عمرك جرة الذيب واضحه لأن أصابعه ملمومه مثل السلق ولكن أكبر حجم ... بعكس كلب الغنم (الجعري) أصابعه متفرقه (فلخا) وجرته شبه دائريه وأصغر من جرة الذيب

أحيانآ يمكن ما تميز جرو الذيب من السلق للتشابه

حاولت أساعدك باللجوء الى google ولكن بالأنجليزي (difference between dog and wolf tracks)

http://wolves.wordpress.com/2006/10/19/comparison-of-wolf-and-dog-tracks/

[محمد الحريقي]

راعي البرقا.
محمد الفهيد.
شطة .
شكرا على المرور.....وماقصرتوا
والمكان : في ام التويسات بالقرب من البيضتين الواقعة غرب الدوادمي بمسافة 16كم.

[محمد الحريقي]

هاذي جرة ذيب يا حي ذالعين

شوف طال عمرك جرة الذيب واضحه لأن أصابعه ملمومه مثل السلق ولكن أكبر حجم ... بعكس كلب الغنم (الجعري) أصابعه متفرقه (فلخا) وجرته شبه دائريه وأصغر من جرة الذيب

أحيانآ يمكن ما تميز جرو الذيب من السلق للتشابه

حاولت أساعدك باللجوء الى google ولكن بالأنجليزي (difference between dog and wolf tracks)

http://wolves.wordpress.com/2006/10/19/comparison-of-wolf-and-dog-tracks/



ماقصرت ابو فيصل ....
والظاهر مثل ماقلت انت انها جرة ذيب لكبر حجمها...
ومعلوماتك اللي ذكرت افادتني جزاك الله خير...
شكر الله سعيك...

[Abu Mnsor]

صراحه غريبه هالجره

مرات اقول فعلا جرة ذيب ومرات اقول لا

عموما اقرب شي انه جرة لذيب عود

[محمد الحريقي]

Abu Mnsor
اسعدني مرورك .....ومشكور

[البديوي 2]

اقووووووووووووول

الهجه

هذي جرة اسد

هههههههههههههههه

اخاف من الأرنب يطلع لي اسد

والله مادري بس الجرة كبيرة والكلاب نادرا تكون في قمم الجبال:D :D :j

[بومحمد22]

والله الجره يبي له خبره

[محمد الحريقي]

البديوي 2
بو محمد 22
هلا وغلا وشكرا على المرور.... واعتذر على التأخر في الرد لاني غير متواجد في الفترة الماضية

[ااابوخلف]

اتوقع جرة ذيب
لأن قبل فتره تقريبا خمسة شهور
لقينا ذيب طبعا شوف العين في منطقه
انقطعت منها الذياب , وذكر واحد من الشباب
ان الهيئه لحماية الحياه الفطريه اطلقت مجموعه
من الذئاب في مناطق متفرقه من المملكه لاعادة توطينها.

يالربع تكفون لاتذبحونها,,, :no:

[مشراف]

اخوي بقولك وللاخوان شي يمكن يأكد لك هي جرة ذيب ولا لا

الذيب اذا مشي يطا على اثره يعني اليد والرجل يتعاقبن على نفس المكان الأثر اذا شفت اثر تحس ان له بس يد ورجل واحده بالاثر طبعا هذا اذا كانت جرته اثناء مشيه هذ معلومة يمكن تفيد في التحديد هل هو ذيب ولا لا ونسمع من الشباب اهل الخبرة رايهم في ذلك تقبل مروري

[طويل خطام]

جرة ذيب ( شيب )

[بارود برنو]

ترى الذيابه احجام ......... وفي بعضها تقول اسود


هذا اكيد ذيب ...... وجرته تقول انه داهيه ........



انا شفت الذيب على الطبيعه مرتين وكلها عن قرب

واحد حجمه وسط يعني ما تخاف منه عادي

والثاني داهيه ......... والظاهر انه من فصيله اكله لحوم البشر .......:j

انتبهو للذيب ......... لاجاع مايعرف احد

بارك الله فيك

[محمد الحريقي]

ابو خلف :مشكور على هالخبر الطيب
مشراف :مثل ماتفضلت الجرة اللي شفتها كأنه يمشي على قائمتين , وهذي معلومة اشكرك عليها
طويل خطام (رمعة طيبة)
بارود برنوا : ليس من رأى كمن سمع , تجربتك افادتني يالغالي.
والشكر للجميع على مرورهم وتشريفهم....

[براوننق]

هاذي الله يسلمك جرة ذيب وجاك العلم وتراي صادق
وللمعلوميه : ترى ذيب الجزيره اكبر من الذأب الاخرى وهي تتواجد الى الان في بعض مناطق المملكة.

[باترول2006]

اتوقع جرة ذيب

لأن قبل فتره تقريبا خمسة شهور
لقينا ذيب طبعا شوف العين في منطقه
انقطعت منها الذياب , وذكر واحد من الشباب
ان الهيئه لحماية الحياه الفطريه اطلقت مجموعه
من الذئاب في مناطق متفرقه من المملكه لاعادة توطينها.



يالربع تكفون لاتذبحونها,,, :no:

لا بالله وانا اخوك خلهم يذبحونها ,, وش فايدتهن ,,

انا ولد خالي شاف الموت بسبب الذيب لولا الله ثم واحد من خوياه ,,

جعلهن ينقرضن ,, << تدري انه متوحش من الذيب ههههههههه

[فارس المدى]

انا اسكن جنب جبل وبعض المرات يجي ويعوي ليله ثم يروح وينقطع

سبوع او سوعين . وله الحين حو شهر ماجائ

[محمد الحريقي]

براوننق : واثق الخطوة يمشي ملك.....مشكور على المرور....
باترول 2006:لا والله وانا اخوك ان كان فيها ارقاب حط ام خمس في حلقه وبالله التوفيق.....اهم شي حياتك
فارس المدى : ليتك تصوره وان ماستطعت على الاقل صور جرته ونزلها بالمنتدى ...بارك الله فيك ....

[هبوب الليل]

الشباب يفيدونك

[الناب]

يا ذيب كيف أبرثي حالتك يا المنزوي** والهاشميه في طرف عيني ولا دنيتها

أجل كلهم ينقرضون الله يصلحك

يا ذيب عزك في زمان السيف من قبل أيهوي وعزك في زمان العولمه لناس وتيكيتها

لا وأزيدك : قاهرتني كلمت خلهم ينقرضون

وألي بأساميك يتقلده الخوي مع الخوي والعرب تهديك التحيا وأنت ما حييتها

والمنتدى كله يا ذيب يا ذيب كفو يا الذيب كفو يا الذيبان

كيفينا أنقرض النمر العربي النوع ألي كان منتشر بالبراري ما بقى ألا قله قليله في الجنوب عند الصيادين

وهو من النوع الجبلي

[محمد الحريقي]

يا ذيب كيف أبرثي حالتك يا المنزوي** والهاشميه في طرف عيني ولا دنيتها

أجل كلهم ينقرضون الله يصلحك

يا ذيب عزك في زمان السيف من قبل أيهوي وعزك في زمان العولمه لناس وتيكيتها

لا وأزيدك : قاهرتني كلمت خلهم ينقرضون

وألي بأساميك يتقلده الخوي مع الخوي والعرب تهديك التحيا وأنت ما حييتها

والمنتدى كله يا ذيب يا ذيب كفو يا الذيب كفو يا الذيبان

كيفينا أنقرض النمر العربي النوع ألي كان منتشر بالبراري ما بقى ألا قله قليله في الجنوب عند الصيادين

وهو من النوع الجبلي

لاضرر ولا ضرار
اللي يهاجمك ناويك اذبحه وانا اخوك...
لو انه (الماموث):D :D :D ولا فيه الا هو في العالم
واذا ماتعرضك اتركه مالك لزوم فيه...

[..@القناص@..]

اشاء الله يفيدونك الا
خوان مايكصرون

[عين الداب]

واضح مثل مقال اخوي طويل خطام هاذي جرت الشيب اكبر من الذيب

[راعي شرار]

ههههههههههههه هاذي جرت الظرنبول يالربع اخذو الكلام وماطا رجله بعد

[عاشق تمير]

اخوي بقولك وللاخوان شي يمكن يأكد لك هي جرة ذيب ولا لا

الذيب اذا مشي يطا على اثره يعني اليد والرجل يتعاقبن على نفس المكان الأثر اذا شفت اثر تحس ان له بس يد ورجل واحده بالاثر طبعا هذا اذا كانت جرته اثناء مشيه هذ معلومة يمكن تفيد في التحديد هل هو ذيب ولا لا ونسمع من الشباب اهل الخبرة رايهم في ذلك تقبل مروري

كفى ووفوا اخوي مشراف وباقي اخواني في مكشات الله يعطيهم العافيه ولا ازيد عليهم وتقبل مروري :good:

[عاشق الفوورد]

شكله حيوان الشيب بس ماني متاكد

[حر المشاريف]

شكـــــــــــــلة ذيب

[فتى ملهم]

جرة ذيب لنها حجمهاكبير