استفسار من الخبراء في مكشات عن قوة كشاااااف ؟؟

[محترف]

السلام عليكم ورحمة الله وبركاته
انا عندي كشاف الماني (( برت لايت )) أصغر مقاس أصفر...والمهم
وأبغى أعرف قوته بالشمعة ... لكن عجزت !! مالقيته في الكاتلوج ولا الموقع
وأنا اعرف كشافات صغيره تجي 8000 10000 شمعه ... الخ ...
وأبي من الاعضاء والمشرفين الخبراء في مكشات يفيدوننا عن قوة هذا الكشاف مشكورين


http://www.3tt3.net/up4/get-3-2008-9mp39yse.jpg (http://www.3tt3.net/up4)

[محترف]

أفااا 68 مشاهدة في يومين بدون رد ...
انا أحسبكم تعرفون كل شي في ادوات البر ...:D
عموما مشكورين:confused:

[الساهر2003]

اخوي تقريبا 6000 شمعة

[( برى بحرى)]

lumman- هو شدة الاستضاءة المنبعثة من وحدة الاضاءة وتكون مسجله عليها - لا يمكن التحكم بها لأنها من صفات المنبع الضوئي

ارجوا انى قد افدتك ولو بشىء بسيط

[( برى بحرى)]

او اذا امكن ان تضع لى اسم الموقع الخاص فيه

ورقم الموديل وان شاء الله راح اعلمك جم قوته وراح اقارنه لك بكذا نوع من الليتات ( الكشافات )

تحياتى

[محترف]

الساهر
بري بحري
مشكورين على التجاوب والله يعطيكم العافية وعساكم على القوة
وعنوان الموقع اللي في الكاتلوج يفتح لي جوجل ويبحث الكلمة ؟؟؟
العنوان www.britelite.de (http://www.britelite.de)
والموديل هو travel xenon هالوجين ( أصفر )
ومشكور على المجهود الرائع يا بري بحري ولا يهون اخونا الساهر

[( برى بحرى)]

للاسف لم يفتح الموقع

وتم البحث عن طريق الاسم ولم اجده

السموحه

[سفاري نجد]

للاسف لم يفتح الموقع

وتم البحث عن طريق الاسم ولم اجده

السموحه



أخ الكريم بري وبحري

بدل النظاق de أكتب com

http://www.britelite.com/ (http://www.britelite.com/)

[shammmet]

جرب الموقع http://www.britelite.com/

[محترف]

الله يعطيكم العافية على المرور
جربتهن كلهن دون جدوى :confused:

[راعي البرقا]

وأنا بإنتظار المعلومه

[( برى بحرى)]

اول مره اشوف كشاف صناعه طيبه المانى ماله موقع بالنت

اقول طال عمرك والله انى جربت كل المواقع ولم احصل عليه

بس اذا تبى كشاف قوى وفلوسه فيه ورقم واحد بالعالم انه الشور فاير الامريكى واقطع

http://www.surefire.com/maxexp/main/max_segment_listing/disp/strfnbr/6/sesent/00


خذ لك لفه بالركاده بالموقع وشوف الاسعار والاحجام وقوه اللمبه

تحياتى

[الساهر2003]

اخوي هذا الكشاف مجربه من اكثر من 4 سنوات براد ليت وهو غير عملي ولايوجد له قطع غيار او صيانة وللاسف تم رميه في المستودع

[محترف]

مشكورين على الردود يالاخوان...
الاخ بري بحري الكشافات هذي شفتها وبعض نوعياتها عند الهدف لكنها غالية مره وبطاريتها الظاهر انها غالية لكن هل أقدر اشتري من الموقع ولو شريت من الموقع متى يوصل وهل يزيدون علي تكاليف الشحن او بسعره فقط ...وكيف اسدد ولا معي بطاقة ءاتتمانية ...
الاخ الساهر 2003
ليش هو غير عملي مع ولد عمي النوع الكبير ويمدحه ويقول ان شحنه يطول ...وغير شمعته من البطحا بعد ما احترقت ...
أكرر شكري

[الساهر2003]

اخوي صحيح انه رخيص مقارنة بالماقلايت لكن لا يقارن بعملية الماقلايت او الكشافات الاخرى الامريكية وهو يصنع في جنوب شرق اسيا وليس في المانيا ولو كان في المانيا لكان السعر مضاعف وللمعلومية قيمة شمعة الكبير ب25 او 30 ريال والماقلايت الشحن وهو اقوى كشاف 40000 شمعة ب 20 ريال ومتوفرة في اغلب محلات الرحلات

[محترف]

اخوي الساهر 2003
انا ما اقول انه احسن من الماجلايت لكن النوع الكبير منه قد يقوم مقام الماج لايت , والماج لايت صحيح انه قوي الاضاءة لكنه مايطول شحنه ولا يركب عليه حجر , بعكس هذا تبي تشحن تبي تغير الحجر .
وانا ترا مايهمني الكشاف انه قوي ولا كما تفضل اخوي بري بحري بانواع الكشافات الامريكية ماركة الشور فاير صغيرة الحجم ...
وإذا كان الكشاف جودته جيدة ما يهمنا صنعته هو يمكن يكون شركة المانية لكنه يصنع في اسيا ..هذا أزين لانه بيطلع أرخص

[ولد المزاحمية]

كم سعره هذا النوع

[محترف]

حياك الله أخوي ولد المزاحمية
سعره بـ45 ريال وتلقاه عند بعض محلات الرحلات وأنا ماخذه من البطحا
وهو طبعا أحجام هذا أصغر واحد وفيه زينون وفيه أصفر وعلى فكره ترا معه لمبه احتياط
ومشكور على المرور .

[ولد المزاحمية]

بارك الله فيك واشكر لك اهتمامك