ياهل البل

[ْْالعواجيْْْ]

السلام عليكم

ابي سئلكم يا هل البل شلون تعرف البكره من القعود وشلون تعرف اذا ذاحوار او قعود وليش يقيدون البل ان جابوها ؟وهل يجب مدرات البل واوش الي يطلع تحت سنم البل جراد صح

[عقاب البر]

أخوي الله يزاك خير القعود هو الذكر والبكره هي الانثى وعلم أن لا قال حوارها أو حاشيها أعرف أنه يقصد ولد الناقه والحوار ينطبق على البكر والقعود وهو صغير بالنسبه ليش القعود يقيدونه لانه يهيج في وقت ولازم يقيدونه القراد والخبش هذي عذاريب بديد الناقه يعني لاقالك قراد يعني حشره مثل الذباب ماسكه بالديد والخبش الديد يجيك منتفخ وقوي ماتقدر تحلب منها

(( أأمل أني قد أفتك تحياتي لم عقاب البر)):)

[جرير]

[quote=ْْالعواجيْْْ;1482641]
السلام عليكم



ابي سئلكم يا هل البل شلون تعرف البكره من القعود وشلون تعرف اذا ذاحوار او قعود وليش يقيدون البل ان جابوها ؟وهل يجب مدرات البل واوش الي يطلع تحت سنم البل جراد صح
[/quote

ماتعرف البكره من القعود وش هالكلام ؟؟؟؟؟؟؟؟؟؟؟
علي كذا يبيلك كورس مكثف تعيش مع راعي بعارين لمدة 6 شهور صدقني تطلع تعرف البكره من القعود من تسمع رغاها وتعرف بعد اثرها مع الارض.

[ذيب المسآري]

السلام عليكم



ابي سئلكم يا هل البل شلون تعرف البكره من القعود وشلون تعرف اذا ذاحوار او قعود وليش يقيدون البل ان جابوها ؟وهل يجب مدرات البل واوش الي يطلع تحت سنم البل جراد صح




سـ1- شلون تعرف البكره من القعود ؟
جـ1- مثل ما تعرف البنت من الولد تعرف البكره(أنثى) من القعود(ذكر).

سـ2- وشلون تعرف اذا ذاحوار او قعود ؟
جـ2- الحوار يشمل القعود و البكره مثل ورع تشمل ولد و بنت ولما تولد الناقه يعرفون الحوار اذا كان قعود من اذكره ( اعزكم الله ) .

سـ3- وليش يقيدون البل ان جابوها ؟
جـ3- الي يقيدونه البعير لأنه اذا كان هايج يبي يضرب البل اللي قدامه ويتهبد واذا كانت ناقه مقيدينها يمكن ماهي هديه ويبون يحلبونها فتمنعهم من حلبها فيقيدونها عشان يقدرون يحلبونها .

سـ4- وهل يجب مدرات البل ؟
جـ4- أكيد يجب مدارات البل من حيث الاهتمام بطعامها و شرابها ومعالجتها اذا كانت مريضه والخ .

سـ5- واوش الي يطلع تحت سنم البل جراد صح ؟
جـ5- ما فهمت سؤالك عدل ولكن اذا تقصد الحشرات الي تكون لازقه بجسم الناقه هذا قراد وهو يمص دم الناقه ويضرها ويجب تنظيفها منه .


و إن شاء الله اني قدرت أفيدكم

[صقر الحراملة]

ما قصروا الإخوان قاموا بالواجب و زيادة

تحياتي