حفرلوجيا
13/11/2003, 04:41 PM
سلام يالربع
طحت أمس على منكس رأسي .. جاء ( عزيز) وأنا أتصفح النت بالمكتب ( هو متابع غير دائم لمكشات ويعرف سوالفي فيه ) .. نبهني انهم حاطين لي وسام تميز بمكشات .. ويقول أكيد يبي يرسلون لك شي معها .. ابتسمت وقلت وش ظنك هالشي ؟ .. قال كل الأوسمة في كل مكان إذا منحت ( شخص ) يكون معها فلوس وشيء عيني يشير إلى البعد الثقافي أو القومي للجهة المانحة ( الكلام الأخير ماخش بسبب تأثير الصيام ) .
ويلح هالعزيز : شف يمكن مرسلين لك رسالة .. نعم هذي رسالة من إدارة المنتديات بس مافيها الا كلام حلو ويقولون عطيناك وسام .. ولا فيه شيء غيرها .
(غريبة) .. قالها العزيز وأردف : شف إذا التميز لك أنت ولا معها شي .. فهم يبي يخفون بك يبونك تخرط طبلونك .. وأنا ماخبرك مخفة يالذهين ..
عاد انا ورطت أقنعه ان هذا منتدى يجمع شخصيات أغلبهم مايعرفون بعض والرابط بينهم الأهتمام المكشاتي المشترك .. وبعضهم لو يدري ان هاالمنتدى يبي يصير عليه شيء يعيقة هبوا للنجدة وماينتظرون هالعلوم ..( بيني وبينكم سرحت وشوا هالبعد الثقافي من مكشات .. يمكن شحنة حطب أو كرتون فقع أو فشق :confused: ..
اسمع انت وخشك .. قالها العزيز اللي بعض المرات يعطي رأيه بجلافه ( المصطلح الحقيقي لاقالوا شفافية ) .. وأضاف : أسألك لو كتبت بعدين موضوع بايخ مثل خشك .. تبتل مميز ؟! أكيد .. هذا اللي أظنه .. سأل مرة ثانية : طيب لو انشغلت وغبت عن مكشاتك وتكيت بحراج السيارات أو بشغلة ثانية ولا شاركت تبتل مميز .. قلت له .. هذا اللي أشوفه ..
أجل ( يقولها الجلف ) التميز بهالحالة ماهو للموقع .. القصد فيه الأشخاص .. وشوي شوي تتعمق مسألة ان المنتدى يصير ( شلليه) ..
لا إسمح لي خل أقولك كلام بس بيني وبينك .. منتدى مكشات أول ماطلع تحس انه عبارة عن أشخاص يسولفون بدل ماهم بمجلس صايرين بالنت .. أما الآن الوضع اختلف تلقى طرح ومناقشات ومعلومات وأراء لذوي الإهتمامات المكشاتية .. وتحس ان فيه تنظيم اداري وفكري .. يعني الوضع يعجبك ولا أبالغ ان قلت في أرشيفة رصيد ضخم من الموضوعات التي تعد مرجعا في الإهتمام المكشاتي و ...
قاطعني وقال شقت انت تقول موضوعات وتقول هي اللي بالإرشيف..ماقلت رصيد ضخم من الأشخاص المميزين .. يعني التميز المفروض يصير للموضوع ماهو للشخص .. وسألني ( صار تحقيق ) إذا حصل وطب عضو بموضوع أو مشاركة روعة .. وش يصير ..
أجبت يحتفى بموضوعه ويلقى الأشادة وتتشعب المناقشة ويمتد الطرح ويتنوع.. قاطعني : اجل اللي فرض نفسه الموضوع وروعته وقيمته .. عاد شفتها طالت وقلت اخلص وش تبي توصل له ..
قال ابقنعك ان أي تنظيم لـ( تميز الأشخاص ) حتى لو كان هدفه اعطاء كل ذي حق حقه .. سوف لن يكون مرضيا .. فأكثر الأعضاء يرغب أو يظن انه ينبغي أن يكون من المميزين .. وإذا ميزته بأي درجه يرغب غيرها .. ومن هنا قد تكون سببا لهجرة من ينتسبون لمكشات .. لكن ميزوا الموضوع لأنه هوالباقي .. وأيضاعلى شان يكثر المنتسبين للمنتدى .. وخل المقياس عندك لتطور المنتدى.. زيادة الموضوعات وتنوعها مهما كان الإهتمام محدودا على نطاق عامة الجماهير ..
عاد ماصدقت أذن العصر وقلت عن أذنك أتوضاء
-------- لكن لعبت بي الهواجيس ( هذا كبرها وشطح .. بعد قومي ... هاه .... صدق بعد قومي تركب مع التميز يجي كليجا أوسطول أو أكياس تمر سكري .. أويلاه لوبعد يكون مجروش ومن حق الخبوب أو البصر:p .. ايه يمكن المشرف اللي وصوه نسي :what: .. ايه .. بس راح أكثر من يوم ولا جاء رسالة :what: . بس أكيد المشرف ذا ( شري ) .. مع اني ودي أضيف ( حرفين ) ;) .. بس مافيه غيره ( شري ) سفط السكري ..
--------- عاد أوجه رسالة لهالمشرف اللي أعتقد انه مازال ( شري ) :mad: .. راجع نفسك ترانا برمضان :good:
وسلامتكم
------------------------------- أخوي العضو بمكشات .. الشيخ (راعي العليا ) اهداني توقيع .. والله اني دعيت لك .. ونبهني جزاه الله خير( بطريق غير مباشر ) اكتشفت اني مرتكب مخالفة .. التوقيع زايد كم كيلو .. ومخلي (الدينا) حقت التواقيع بمكشات من زود الحمل تحن .. آسف .. ودي يشال هالتوقيع من الدينا نهائيا ويخفف كود يصير مكان لكم كيلو سكري :p :good:
------------------ بالمناسبة مضمون التوقيع بيت شعر للشاعر الكبير أحمد الناصر
طحت أمس على منكس رأسي .. جاء ( عزيز) وأنا أتصفح النت بالمكتب ( هو متابع غير دائم لمكشات ويعرف سوالفي فيه ) .. نبهني انهم حاطين لي وسام تميز بمكشات .. ويقول أكيد يبي يرسلون لك شي معها .. ابتسمت وقلت وش ظنك هالشي ؟ .. قال كل الأوسمة في كل مكان إذا منحت ( شخص ) يكون معها فلوس وشيء عيني يشير إلى البعد الثقافي أو القومي للجهة المانحة ( الكلام الأخير ماخش بسبب تأثير الصيام ) .
ويلح هالعزيز : شف يمكن مرسلين لك رسالة .. نعم هذي رسالة من إدارة المنتديات بس مافيها الا كلام حلو ويقولون عطيناك وسام .. ولا فيه شيء غيرها .
(غريبة) .. قالها العزيز وأردف : شف إذا التميز لك أنت ولا معها شي .. فهم يبي يخفون بك يبونك تخرط طبلونك .. وأنا ماخبرك مخفة يالذهين ..
عاد انا ورطت أقنعه ان هذا منتدى يجمع شخصيات أغلبهم مايعرفون بعض والرابط بينهم الأهتمام المكشاتي المشترك .. وبعضهم لو يدري ان هاالمنتدى يبي يصير عليه شيء يعيقة هبوا للنجدة وماينتظرون هالعلوم ..( بيني وبينكم سرحت وشوا هالبعد الثقافي من مكشات .. يمكن شحنة حطب أو كرتون فقع أو فشق :confused: ..
اسمع انت وخشك .. قالها العزيز اللي بعض المرات يعطي رأيه بجلافه ( المصطلح الحقيقي لاقالوا شفافية ) .. وأضاف : أسألك لو كتبت بعدين موضوع بايخ مثل خشك .. تبتل مميز ؟! أكيد .. هذا اللي أظنه .. سأل مرة ثانية : طيب لو انشغلت وغبت عن مكشاتك وتكيت بحراج السيارات أو بشغلة ثانية ولا شاركت تبتل مميز .. قلت له .. هذا اللي أشوفه ..
أجل ( يقولها الجلف ) التميز بهالحالة ماهو للموقع .. القصد فيه الأشخاص .. وشوي شوي تتعمق مسألة ان المنتدى يصير ( شلليه) ..
لا إسمح لي خل أقولك كلام بس بيني وبينك .. منتدى مكشات أول ماطلع تحس انه عبارة عن أشخاص يسولفون بدل ماهم بمجلس صايرين بالنت .. أما الآن الوضع اختلف تلقى طرح ومناقشات ومعلومات وأراء لذوي الإهتمامات المكشاتية .. وتحس ان فيه تنظيم اداري وفكري .. يعني الوضع يعجبك ولا أبالغ ان قلت في أرشيفة رصيد ضخم من الموضوعات التي تعد مرجعا في الإهتمام المكشاتي و ...
قاطعني وقال شقت انت تقول موضوعات وتقول هي اللي بالإرشيف..ماقلت رصيد ضخم من الأشخاص المميزين .. يعني التميز المفروض يصير للموضوع ماهو للشخص .. وسألني ( صار تحقيق ) إذا حصل وطب عضو بموضوع أو مشاركة روعة .. وش يصير ..
أجبت يحتفى بموضوعه ويلقى الأشادة وتتشعب المناقشة ويمتد الطرح ويتنوع.. قاطعني : اجل اللي فرض نفسه الموضوع وروعته وقيمته .. عاد شفتها طالت وقلت اخلص وش تبي توصل له ..
قال ابقنعك ان أي تنظيم لـ( تميز الأشخاص ) حتى لو كان هدفه اعطاء كل ذي حق حقه .. سوف لن يكون مرضيا .. فأكثر الأعضاء يرغب أو يظن انه ينبغي أن يكون من المميزين .. وإذا ميزته بأي درجه يرغب غيرها .. ومن هنا قد تكون سببا لهجرة من ينتسبون لمكشات .. لكن ميزوا الموضوع لأنه هوالباقي .. وأيضاعلى شان يكثر المنتسبين للمنتدى .. وخل المقياس عندك لتطور المنتدى.. زيادة الموضوعات وتنوعها مهما كان الإهتمام محدودا على نطاق عامة الجماهير ..
عاد ماصدقت أذن العصر وقلت عن أذنك أتوضاء
-------- لكن لعبت بي الهواجيس ( هذا كبرها وشطح .. بعد قومي ... هاه .... صدق بعد قومي تركب مع التميز يجي كليجا أوسطول أو أكياس تمر سكري .. أويلاه لوبعد يكون مجروش ومن حق الخبوب أو البصر:p .. ايه يمكن المشرف اللي وصوه نسي :what: .. ايه .. بس راح أكثر من يوم ولا جاء رسالة :what: . بس أكيد المشرف ذا ( شري ) .. مع اني ودي أضيف ( حرفين ) ;) .. بس مافيه غيره ( شري ) سفط السكري ..
--------- عاد أوجه رسالة لهالمشرف اللي أعتقد انه مازال ( شري ) :mad: .. راجع نفسك ترانا برمضان :good:
وسلامتكم
------------------------------- أخوي العضو بمكشات .. الشيخ (راعي العليا ) اهداني توقيع .. والله اني دعيت لك .. ونبهني جزاه الله خير( بطريق غير مباشر ) اكتشفت اني مرتكب مخالفة .. التوقيع زايد كم كيلو .. ومخلي (الدينا) حقت التواقيع بمكشات من زود الحمل تحن .. آسف .. ودي يشال هالتوقيع من الدينا نهائيا ويخفف كود يصير مكان لكم كيلو سكري :p :good:
------------------ بالمناسبة مضمون التوقيع بيت شعر للشاعر الكبير أحمد الناصر