اشعل النار في الحطب بسرعه جداا

[الريح99]

اخواني الاعزاء
ماعليك الا انيكون معك احد علب بخاخ الحشرات وبعد تجهيز الحطب احضر العلبة وولاعه اشعل الولاعة بالقرب من مخرج المبيد وباتجاه الحطب سيكون هناك شعلة نار قوية جدا
مجربه وسريعة وتختلف عن الغاز في القوة والحجم والسرعة
(يجب الحذر جدا وعدم اعطاء الاطفال التجربة )

[قناص القرائن]

يارجال المكعبات البيضاء اصرف احذر لك

[راعي الجيوب]

انا اضم صوتي مع قناص القرائن

ان المكعبات البيضاء ابركلك

من بخاخ الحشرات

اخوكم: راعي الجيوب

[عروان]

:alarm:


:no2:

:butt3:


العملية هذي خطيرة جداً. لأن العلبة يمكن تنفجر في يدك.


أنتبة!!


شكراً على مشاركتك أخوي.




تحياتي

[شبوب]

واذا شب بيتك والا خيمك قلت 00

وين الدفاع المدني 00 !!

[عود رمث]

لكن صعبة نسويها دايم لأن حمل مشب الغاز الصغير اسهل وأوفر ( قروش )

أما الخطر يا أخوان فهو موجود في كل حركة نسويها ...

اخطر منها التطعيس والطبخ بالغاز والتدفأة بالحطب وووو وكل شي خطر ..

يعني لانجرب شيء ..

أحسن نقعد ببيوتنا ..

يمكن نكشت وتقرصنا عقرب ..

ولا يعضنا داب ..

ولا نغرز ..

ولا نطيح بحفرة ..

ولا ننسى شئ ونموت من الجوع ..

ولا توصخ ثيابنا ..

ولا ولا ولا ............... الخ الخ الخ ..


ولا أحد يلعب بـ (عود رمث ) مشتب تراه خطر ..

( أمزح معكم )

والسلام عليكم

[الحاتمي]

طريقه خطره بالحيل لانك بعد ترفع اصبعك من الضغاط حق البف باف يستمر مولع احيانا........ واحيانا توصل النار لراس العلبه وتروح فيها انت وبف بافك........................عليك بعودان الحطب الصغيره اليابسه ترى شبة النار له طعم بهن وتلقاهن بكل مكان بس ماعليك الا انكتلتفت يمينك ويسارك بالبر وتجمعهن وتسلم من هالمخاطره بالريد او البف باف......إلخ..................................ولكم تحيات الحاتمي........................................... ........

[مفتش الريضان]

بصراحة طريقة غريبة......ولكنها خطرة............ ويمكن أن تكون ضارة لأن إيقاد الحطب قد يكون للشوي او الطبخ فيتشبع الطبخ بالمبيد وتصير الطبخة ضارة جدا.

[ابو ســــاره]

حلللللللللللللللوه بف باف النتيجة فتاكة ،،
بس اخاف اذا شبيت الضوية القى ذاك الصارور الخبل الي بدعاية بف باف لابس فروه وجالس عند الضو:D

[جلوبلستار]

طيب الغازات السامه الي في المبيد اذا احترقت وش بتصير ؟ الله يستر علينا بتصير غاز اعصاب او مزدوج او يمكن غبار ذري .

[تالي الاولين*]

.


الفكره مثل ماقالوا الربع خطره

بس مايمنع انها فكره تشكر عليها اخوي الريح99

بس فيه طريقه اسهل وامن واريح وهي (( انك تشب في قطيعة خيشة ))

وتحط عليها الحطب الصغار واذا اعلقت بالصغار حط الجروم الكبيرة

الطريقه هذي موجوده في المنتدى للعضو العاذر

وانا جربتها ولقيت انها عمليه جداً



.

[السد المشيد]

طريقة طريفة وسهلة لشب النار بدون كلافة

جربها وأنت الحكم

خذ منديلين

و ( نقعها ) - أي بللها - بالزيت - سواء زيت مكينة أو دركسون أو فرامل .... -

وشب فيها

وشف العجب

ولا مكعبات بعد اليوم

الميزة أن الزيت والمناديل متوفرة في كل وقت

حتى لو اضطريت انك تاخذ زيت من حديدة العيار


ولكم التحية

[القضاع]

مساكم اله بالخير جميع.
انا جربتها والهوا قوي ورجع لي اللهب وحرق الشعر اللي بوجهي (الحواجب والشنب واللحيه) وريحةحراق الشعر خايسه فانصح بعدم الاستخدام.
استخدموا المكعبات افضل واسلم.
وسلامتكم.

[خوي سهيل]

انا مجرب هذه الطريقه واقول انها ممتازه

بس كان الجو ممطر والحطب رطب فقد احتجت الى تجفيف الحطب

وش تقل فرن خباز

[إلياس المطلق]

خــــــــــــــــطــــر ,,,

[barracuda]

ليش المغامره
فين راحت المكعبات -القاز...............الخ
و الله انها خطيره فارجو الحذر منها

[عبرووود]

مشكوووووووووووووور

الله يعطيك العافية وماقصرت

[ابن طيبة]

فكرة جميلة ولاكن لاتخلو من الخطورة

[ناصرالربيعان]

العملية هذي خطيرة جداً. لأن العلبة يمكن تنفجر في يدك
واصطحاب الشعااال سواء مكعبات او موقد اسلم

[shaheenshah]

يا شباب الموضوع تاريخه قديم والرجال يمكن غير رايه

[ALOTAIBI]

والله المتهور صدق هذه يبا يجيب العيد في نفسه
سلامت يالغالي تلعب بالنار هاذي مثل السلاح (الغلطه الأوله والأخيره)
سويت مثل هاذي الطريقه في المشب ....حطيت الحطب وبخ بالبليه اللي تقولها وبعد دقيقتين اخذت الكبريت وانا اقرب الكبريت للحطب ولع العود الا الصوت مثل صوت الدناميت والا الشعله يمكن عرضها مترين وطولها مترين
وبعد الفجعه اللي صارت وانا اظهر الا شعر سيقاني حات تقول محلقها ههههههه والحمد الله عدت على خير

انتبهواااااااا طريقه تجيب العيد

[hdd4004]

اخواني الاعزاء
ماعليك الا انيكون معك احد علب بخاخ الحشرات وبعد تجهيز الحطب احضر العلبة وولاعه اشعل الولاعة بالقرب من مخرج المبيد وباتجاه الحطب سيكون هناك شعلة نار قوية جدا
مجربه وسريعة وتختلف عن الغاز في القوة والحجم والسرعة
(يجب الحذر جدا وعدم اعطاء الاطفال التجربة )

:no2::no2:

لالالالالا والف لا اصلاً مبيد الحشرات لقتل الحشرات وعليه ريحه تجيب المرض اروح بعد اطلعه معي للبر انت رايح تشم هواء ولا تبخ فليت
الشئ الثاني لو واحد مثلي (مفهي شوي) :no: :p
وبخ الاولى والله الرجال اعجبه الوضع حسب نفسه في سرك وبخ الثانيه ومن ثم جاب (العيد)(مع انها كلمه اتحفظ عليها) وانفجر في وجهي:hot::row: الان انا من عاد زين وجهي اروح ازيد الطين بله;)
لا يحبيبي:mad: العوض ولا القطيعه اقعد سلمك الله وجبلك منديل على رواقه واقعد شبشب لين تشب النار معك الله يهديك بس :D:D

[hdd4004]

مساكم اله بالخير جميع.
انا جربتها والهوا قوي ورجع لي اللهب وحرق الشعر اللي بوجهي (الحواجب والشنب واللحيه) وريحةحراق الشعر خايسه فانصح بعدم الاستخدام.
استخدموا المكعبات افضل واسلم.
وسلامتكم.
ههههههههههههههه:D

الله لا يبلانا
طهور ما تشوف شر (الله يعينك)

[hdd4004]

يا شباب الموضوع تاريخه قديم والرجال يمكن غير رايه

عاد نشبنا وش نسوي:p
الواحد لا بغي يحط تجربته يناظر المحاسن والمساوء

ياشباب ترى الريد افضل من البف باف (دعايه )

مهوب لا جى بكره ولا نص الاعضاء محترقين:D

[hdd4004]

يا شباب الموضوع تاريخه قديم والرجال يمكن غير رايه

والله توني ادري ان التاريخ من سنه جدي:p

[انتيفا]

فيه احسن من علبة الفليت فيه علب جاهزه لهذه الغرض موجوده عند محلات الرحلات وارخص من علب الفليت اربع علب ب 12ريال عند محل البريه للاخوان الموجودين بالرياض