يالنشامى ياهل الطلعات والروحات والجيات ماهو أفضل محول كهرباء للسيارة

[كبسولة2]

بعد التحية والسلام

أخواني أعضاء مكشات ودي بمحول كهرباء يشبك على الولاعة

يعطي كهرباء 220 ولقت عدة أنواع بالسوق ومحتار وش أزينها ويتحمل كرف

لقيت واحد لونه أسود كويو 300 واط

ولقيت واحد لونه أزرق كويو 300 واط

الأسود أغلى من الأزرق بـ 20 ريال مع أن الشركة واحدة

ولقيت واحد لونه ذهبي مدري وش صناعته 600 واط كبير شوي

سؤالي وش أفضل نوع ويصبر ويحمل ؟؟؟

وش سالفت الواط ؟؟؟

أخوكم عليمي بالكهرباء

[كبسولة2]

وإذا فيه أنواع آخرى أرجو ذكرها مع ذكر مميزاتها وسعرها

جزاكم الله خير

[دغيم1]

السلام عليكم ورحمة الله وبركاته

حياك الله أخوي

الأنواع كثيرة مثل ماتفضلت وألوان كذلك

لكن يبقى الأصلي هو الأجود والأفضل

وهناك نوع قد يصعب الحصول عليه في الوقت الراهن وذلك أنه الأصلي والأقدم والأجود من واقع تجربة



http://www.mekshat.com/pix/upload02/images64/mk46848_dscf0197 (small).jpg


تقبل تحياتي

[فهد الخالدي]

السلام عليكم ورحمة الله وبركاته
اخوي دغيم طلب الاخو موجود مثل جهازك تمام لدى السنيدي في طريق الشاحنات ببيريدة وهناك الاجود وصنع ياباني ولونه ذهبي
تقبل مروري

[كبسولة2]

مشكورين يالربع على المعلومة

بس ياليت أحد يذكر لنا مواصفات ومعلومات آخرى

[VTC-209]

اخوووي

انصحك بمحول تايقر عند العليان
كثير مجربينه ....!!!؟؟؟
وعليه ضمان بعد
وانا خرب معي لي بواحد مستعمل والى الان شغال 300 وات
اللي استخدمته

اتمنى لك التوفيق

[كبسولة2]

مشكور فتك 209

[عجمي]

اخوي كبسولة 2خذة قاعدة وانت ابخص كل ماكان الواط اكبر كان أفضل بشرط تكون صناعتة ياباني او اي صناعة ممتازة
بمعنى ان ال 600 افضل من ال 300 وهكذا
واختلاف قوة الواط مهم فمثلاً اذا عندك تلفزيون 300واط وفديو 100 واط لاتستطيع تشغيلهم بمحول 300 واط لأنة ما يتحمل لكنك تستطيع بمحول 600 واط وهكذا
انصحك تاخذ 600 واط واذا انت تستخدمة كثير والأفضل اقوى منة يمكن 1000 واط وانتبة للصناعة

[مسامرالليل]

لدى نوع تايون , بس الحقيقة نوع اصلى مائة فى المائة وذلك بعد استخدام وتجربة اضافة لذلك مميزاته الجميلة , وقد شغلت عليه مسجل وتلفزيون وركودر وكذلك الجوال فى ان واحد , وله سلكين من الجهاز للولاعة او من الجهاز للبطارية , ويعطيك انذار صافرة اذا اوشكت البطارية على الانتهاء, صحيح حجمه
كبير شوى مقارنة بالجهاز الذى طرح صورته الاخ :دغيم1 ولكنه عملى .
وهذه صورته وقد عملت له جراب لحفظه والمحافظة عليه.

http://www.moq3.com/img/17012008/a1n20908.jpg

http://www.moq3.com/img/17012008/YQN21483.jpg

[كبسولة2]

عجمي

مسامير

شكراً على المعلومة الطيبة

[كبسولة2]

ننتظر البقية

[راعي البرقا]

اخوي كبسولة 2خذة قاعدة وانت ابخص كل ماكان الواط اكبر كان أفضل بشرط تكون صناعتة ياباني او اي صناعة ممتازة
بمعنى ان ال 600 افضل من ال 300 وهكذا
واختلاف قوة الواط مهم فمثلاً اذا عندك تلفزيون 300واط وفديو 100 واط لاتستطيع تشغيلهم بمحول 300 واط لأنة ما يتحمل لكنك تستطيع بمحول 600 واط وهكذا
انصحك تاخذ 600 واط واذا انت تستخدمة كثير والأفضل اقوى منة يمكن 1000 واط وانتبة للصناعة
أنا مع أخوي عجمي ولا أزيد على كلامه شي وفالك التوفيق

[هايبر]

عندي إستفسار عن مدى ضرره على البطاريه يا ليت الاخوان المجربينه يفيدونا بخبرتهم

[كبسولة2]

الشكر لله ثم للجميع على معلوماتهم القيمة

[كبسولة2]

شكرررررررررررن للجميع وننتظر البقية

[ابو شعاق]

رح لمحل البريه بمخرج 14 بحي الروابي تلقى بوه واحدا يقالوه ابويزيد انشده ويعلمك العلم الغانم

[wewe150]

أحب أزيد

كيف الواحد يعرف كم واط هذا الجهاز؟
غالبا تلقها ورى الجهاز كالتلفزيون تلقها ورى من ضمن المعلومات كنها بطاقة جمركية

مكتوب الرقم ثم حرف الw أختصار للواط مثلا أنا عندي جهاز تلفزيون مكتوب في الخلف w55
يعني 55 واط

شكرا

[كبسولة2]

شكراً للجميع لكن ماهو أفضلها وكم سعره

[يا من يراعيني]

يا ولد الاجواد
افضل محول ع الاطلاق كويو لونه كحلي 500 واط ب90 ريال
عند مارب الصحراء اخر طريق خالد بن الوليد من الشرق قبل طريق الدمام

[عبدالمجيد999]

ياليت إنك ذكرت لنا كم سعره
اليوم شريت واحد اسمه Power Inverter
400 واط
بـمائة وأربعين ريال ، شفته مع واحد من الشباب مشغل عليه عقد لمبات
قلت نجربه

[ابن مدهون]

يرفع للاستفاده

[عبدالحميد الحربي]

فيه محول لونه ذهبي عند محل السنيدي

قيمته بــ 165 ريال

وياباني الصنع ويجي بعلبه لوحده بدون لاشنطه ولا لمبات

[ابوسعدبدر]

الأخ السائل بعد التحيه للعموم زي ماقال احد الأخوان 1000 وات جيد جدا يشغل الأجهزه الضروريه والزود ولا النقص ولا كن فيه ملاحظه
كل مازاد ت قوة المحول زاد صرفه يعني فيه انواع تجي 1500-2000وات بس هذي يبيلها بطاريه خارجيه لو تشغلها على السياره سحبت البطاريه على طول 1000وات - 600 وات جيده وخلك مع راي الجماعه
والف تحيه للعموم .

[مشاغب شوي]

فيه نوع ممتاز مثل كويو اللي هو اليوكوهاما ياباني 100% عند برق الحيا بـ 140 ريال

وكلها 300 وات


الكويو ينزل اصلي(الاسود) وتجاري(الازرق ، وبعض انواع الاسود)

[ابومحمد vtc]

السلام عليكم ورحمة الله وبركاته اخوي حسب خبرتي وشغلتي على المحولات كل يوم

جربت المحول الاسود 300 واط ويجي عدة انواع وجربت المحول الذهبي الياباني وعندبعض الشباب محولات

شارينها من العليان وغاليه بعد وكلها مثل نهايه الي معي وكل الي جربته حوالي 6محولات ليست عمليه منها

مايشتغل 3شهور منها مايشتغ 5شهور ومنها مايشتغل سنه علما اني اذا خرب المحول اصلحه واحلله بعد هذا كله

لقيت المحول الي عملي ومجرب

وهو محول ياباني لونه ازرق 500 واط ويجي 1000 واط يطلع 110 220 وفيه مميزات ثانيه بعد من

محلات الداوود الي قريبه من المحكمه الكبرى الي بالرياض بس عيبيه كبر حجمه بس متانه وعملي والي جربه

مايخليه الشباب مشغلين عليه ثلاجه وطاحونه وشاحن كاميرا وجهاز محمول وشاحن جوال وما قال لا

وماعليش طولت عليكم ارجو من الله اني افتدكم ولا تنسونا من دعاكم

[لازم966]

أخي العزيز ابومحمد vtc
ياليت تكمل جميلك وتحط لنا صورة الجهاز اللي تقول عنه
وكم سعره
والشكر موصول للأخ اللي طرح الموصوع

[ابومحمد vtc]

اخوي لازم 966 ودي انزل صورته بس اخوك عليمي ماعرف كيف انزل الصوره

بس اخوي راسلني على الخاص وبشر بعزك

[compaq]

انا لقيت واحد في برق الحيا سعره 130 ريال

يشبك على طول في الولاعه ويطلع منه خط 220 و منفذ Usb

يسوي دعايه له

ما ادري وش هو من لحيه

المهم اني شريته

ننتظر رأيكم؟؟

[sadlan1]

أخوي ابومحمد vtc
ياليت ترسلي صورة الجهاز وخبرنا عن اسمه وكم سعره ومشكر مقدما

[أبو مها]

عليك بالمحول الاصفر الياباني

[رجاس]

بارك الله فيك اخوي

[Explorer2007]

ما ازيد على كلام اخواني .. لكن مثل ما قالوا .. الكويو ويوكوهاما نفس الشركه .. وياباني 100% وماعليه خلاف انا عندي كويو 200 واط .. وزي العسل اشحن لاب توب عليه واشغل لمبات .. والكويو مثل ما قالوا الاسود وتلقى عليه اشياء كأنه مكبوب عليه ببسي
هذا الاصلي .. الازرق تقليد صيني على ما اظن شفته امس بالرمايه الاصلي والتقليد ..

وانت شف وش شغلاتك اللي بتستخدمها وعلى اساسها تحدد الواط عشان ماتخسر في محول واطه عالي وانت ماتحتاج الا ربعه مثلا او نصه ..

وميزة المحول مادري عن باقي المحولات .. لو شغلت عليه شي مثلا واستهلك البطارية يفصل عليك كل شي ويعطيك صوت تحذير .. اذا مابقى في البطاريه الا شحنة تشغيل السياره فقط .. فتقوم وتشغل السياره ..

طبعا امان لحفظ البطاريه انها ماتستهلك ع الاخر ..

والتأثير ولله الحمد انا استخدمه وماشفت اي تأثير يذكر في الكهرب .. وفيه مروحه بعد لو احتمى او شي ..

وبس

اتمنى اني افدتك

[القيصر007]

فيه نوع ممتاز مثل كويو اللي هو اليوكوهاما ياباني 100% عند برق الحيا بـ 140 ريال

وكلها 300 وات


الكويو ينزل اصلي(الاسود) وتجاري(الازرق ، وبعض انواع الاسود)


وانا معاااااك

اليوكوهاما ممتاز

[livosten]

تسلم يعافيك

[MNH]

شكرا على الموضوع

[راعي الصملة]

السلام عليكم ورحمة الله وبركاته






حياك الله أخوي



الأنواع كثيرة مثل ماتفضلت وألوان كذلك



لكن يبقى الأصلي هو الأجود والأفضل



وهناك نوع قد يصعب الحصول عليه في الوقت الراهن وذلك أنه الأصلي والأقدم والأجود من واقع تجربة







http://www.mekshat.com/pix/upload02/images64/mk46848_dscf0197 (small).jpg




تقبل تحياتي







نعم هذا النوع ممتاز من واقع التجربة والله يوفق الجميع

[زميل الكل]

وانا معك هذا النوع ممتاز من وقع تجربة

[أبو يزن]

وانا اضم صوتي لصوت الزميل ( راعي الصملة حيث أن هذا الجهاز هو الافضل على الاطلاق
اشتريته قبل 16 سنه والى الآن يعمل ماشاء الله تبارك الله
لكن أوصيكم بعدم تركه شغال وقت الرعد والبرق ربما يتسبب في حرقه مع العلم ان بداخله فيوز 30
مفيد جدا في عزل الجهاز عن ضربات البرق .

[SHEDET36.GM]

السلام عليكم ورحمة الله وبركاته... اخوي كبسولة وشلونك والشهر عليك مبارك
يا حبيبي انا في السنيدي قبل تقريبا اربعة ايام وشفت عنده محول دايوا بس ما ادري كم وات بس نوع جديد يشبك على الولاع اللي جوا السيار وهو يابانبي وكويس انا عندي انه هو افضل من كويو وهذي وجهة نظري انا..
والله يوفقك في اللي تبي