س/هل البندق الهوائيه تذبح الضب ووش احسن نوع لها

[الشاطر ماطر]

السلام عليكم ورحمة الله وبركتاه هل البنادق الهوائيه تذبح الضب وش احسن نوع يكون رخيص ومناسب وكذلك كم مقاس البندق اهوائيه المناسبه لذبح الضب وكم مسافة القتل يعني 50 متر 40 متر 100 متر وشكرا

[الشاطر ماطر]

وين الردود الله يجزاكم الف خير

[ابوفهيدان]

انت لازم تصيد ضبان يعني
ودي افيدك بس ماعرف
والضبان ماعطاني الله حبها وحب صيدها ولحمها بعد
وانشالله الاخوان مايقصرون

[الشاطر ماطر]

مشكور ابو فهيدان لاكن الضب ما اسمحلك تغلط عليه لو خيروني بين الارانب والضبان اكيد بختار الضبان بدون جدال وبدون منازع واحب ابارك لجمهور النصر العالمي الفوز والتأهل للمباراة النهائيه

[محمد البازعي]

هلابك اخوي

الظاهر ماينفع الا الشوزن


ولا الله يخلي الركض وراهن

الاسبوع الي فات صدت مع اخوياي 21 ضب

كلهن حيات

تلحق الضب واذا قربت منه تشوته عشان يضيع واذا وقف

تدعس ع عكرته وظهره وتمسك راس وخلاص

بس انتبه البس جزمات وانت بكرامه لن توجع العكره بدون جزم


اتمنى اني افدتك

وبنسبه لـ ام صتمه ماعندي ذيك الخبره

لعل الاخوان يفيدونك اكثر مني :)

دمت بود

[الشاطر ماطر]

مشكور على المرور انا كان ودي اشتري خرازه ناريه لاكن الفلوس نقصت فقلت اشتري بندق هوائيه بس مدري تذبح الضب ولا ماتذبحه

[الوسيطاء]

اخوي والله اذا جبتها مع الظهر وكسرت ظهره والله تتصيد بس الضب مهو على كيفك كل ضب وضروف جحره واذا جت مع الراس يبي يقول الضب هاذي برديه ولا يدري عنها

[الشاطر ماطر]

معليش اخوي حتى بالناريه صعب تجيبها مع الظهرانا سمعت انا فالعين اذا رميته فالعين كان بها لان المسأله هنا ماهي انا تذبحه المساله ان عينه بتنفقع وعلى كذا صعب انه يشوف والعين ارق واسهل مكان يوصل الرصاصه للراس

[الهنتر]

يرجال والله اني ضاربه بالخرازه مع الراس وداخلاً جحره تبي السكتون تسوي شي

[أبرق الشقيقة]

السلام عليكم ورحمة الله وبركاته

مساكم الله بالخير يالغالين هلا بأخوي العطاوي
طبعاً بقولك الكلام هذا من خبره طويله بالضبان بالذات
بالنسبه لسؤالك له احتمالات كثيره
اولاً / اذا والله الضبان مذيرات ومن بعد كيلو يجحر فهذا طبعاً مستحيل صيده الى بالخرازه وفيها دربيل وفشق قوي مثل ستنقر ومتفجر بعد .
ومثال على النوعيه هذي في القصيم فيه منطقه اسمه حصاة وضاخ عن البدائع حوالي 80 كيلو جنوب وجنوب الرس بعد (المنطقه هذي ضبانه مذيراااااات مره )
ثانياً / اذا مهب مذير يعني مثل أرض الصمان فهذا لو تبي بالزبيريه وانت بكرامه تلوحه مع خشته ويجيك سديه وشلون لو بام صتمه ..
على العمووم طولت عليكم يالغالين وتبي تقولون فلسفته واجده
خذ ياطويل العمر ام صتمه موديل 90والأسبانيات زينات وخفيفات او ادون شوي يعني ن80 وحوله والفشق خله 4.5 لاتاخذ 5 لأنه يغربلك ولا راح تلقاو بكل مكان
تقبلوا مروري واسف على الأطاله بس حبيت اوضح للغالي
بالتوفيق للجميع وفي أمان الله .........

[ابوفهيدان]

انصحك شاهد حلقة طاش ماطاش راح تستفيد

[الشاطر ماطر]

ابشرك ابرق شريت المانيه فايرخو مقاس80 وش رايك

[أبرق الشقيقة]

توكل على الله يالغالي وانحصل تركب دربيل ترا مهب شينه

شف فيه محل بمخرج 12 بنهايته حرف T تلف يمين مع الأشاره وترجع ثانيه يصير وجهك شمال يجيك قبل الأشاره يمين محل صاب وعنده درابيلن زينه للأم صته
تقبل مروري يالغالي وبالتوفيق انشالله والله يطعمك خيره ويكفيك شره

[بارود برنو]

والله انا ماني محطمك بس بندقى مقاس 70 فايروخ والله قويه بس عيبها رميها ماهو على بعض

الهوا يلعب في الرصاصه لعب

واعتقد ان الهوائيه ال85 تنفع للضب بس تحتاج شويت قرب وتركيز على الرئس

والله يكتب لك الي فيه الخير تحياتي

[shaheenshah]

انا احس ان صيد الضب بالساكتون الهوائية تعذيب لانه بيجحر لا محاله
اذا كان الضب بالخرازه يجحر وش ظنك بالساكتون؟

[الخادم]

و الله حنا باخرازة و اذا ماهيب بالراس قل علية السلام
لكن ام صتمه زينة للطيور من قريب
و الله يدلك على مافيه خير لك

[الشاطر ماطر]

مشكورين على المرور والمشاركه والافاده وشكرا

[عجاج السناف]

ياالعطاوي السكتون مهب لك ولا هب لهلك.
ونا اخوك زي ماقالو الاخوان .
هالحين يجحر من الشوزل والخرازه وهومصرانه نثر تبي الطقاقه تجيبه
وما يخفاك ياخوي قيمة الخرازه حول قيمت السكتون.
تقبل تحياتي

[راعي البرقا]

ماأعتقد تهز فيه طرف بتذيرها ولا راح تصيدها أنصحك خذ برنو وريح راسك

[الشاطر ماطر]

مشكور على المرور وياعجاج السناف كلامك يدل على طيب اصلك ويدل على انك تقدر الريجيل اللي مثلك وشراوك وما يهونون الرجال الباقين فالمنتدى الغالي والله انا رجال تورطت شريت ثوب رصاص ستنجر وابطيت ادور خرازه لين راحت فلوسي وقلت يارجال الهوائيه زينه واخوياي القنوص واجد وعندهم بنادق هاذي مجرد وجهة نظر

[راع الشعثا]

العطاوي ارحب يابن العم اعتقد ان الاخوان ماقصروا بالردور.


والضب علاجه الخارااااااااااااااااااااااازة وريح راسك
تقبل مروري

[الشاطر ماطر]

مشكور اخو ي على المرور والمشاركه

[عاشق Vtc 4800]

والله وأنا أخوك أنا راعي ضبان ومعي هوائية 80 وارد الرميح بدون دربيل وطول عمري أنتف بهالضبان فيها بس أعلمك أرميه مع مكان الذبح يعني ذكاة صح إنه يبدأ يتقلب ويديور للجحر بس ماعمره جحر مني ضب ولله الحمد إلا شي نادر وعالعموم لاتنس المقولة : ( ماخاب من استخار وماندم من استشار ) والله يوفقنا وإياك ... وتقبل مروري

[الشاطر ماطر]

مشكور اخوي عاشق على المرور وجزاك الله الف خير

[صايد البرقا]

طيب عندي لك حل حلو كليك بل ماء وتغريق ون كان ملزم على السكتون خذلك الرميح خمسه وثمنين متر وعلى حسب المنطقه اذ كان الضب مجفل فشول ارجو اني افتك

[قسوره2006]

ابشرك ابرق شريت المانيه فايرخو مقاس80 وش رايك


الله يبارك لك فيها ويطعمك من صيدها ويكفيك شرها

تراها مباركه وتقضي الزوم وتفي بالغرض

وتصيد بها انواع مختلفه من انواع الصيد

وبا النسبه لصيد الضب

يجب ان تصيبه في مقتل

واذا كان صيدك في وقت فيه هواء

اتركه عنك لأن الهواء يخلف الهدف

ويضيع عليك الصيد


والله يرزقك بقناصه مو خرازه وبس تستاهل كل خير

[الشاطر ماطر]

مشكورين على المرور والمشا ركه والبندق جربتها حلوه بس جا علينا عج وغبار هو اللي ضيع علينا الصيد

[قسوره2006]

مشكورين على المرور والمشا ركه والبندق جربتها حلوه بس جا علينا عج وغبار هو اللي ضيع علينا الصيد



؟





الله يبارك لك فيها ويطعمك من صيدها ويكفيك شرها

تراها مباركه وتقضي الزوم وتفي بالغرض

وتصيد بها انواع مختلفه من انواع الصيد

وبا النسبه لصيد الضب

يجب ان تصيبه في مقتل

واذا كان صيدك في وقت فيه هواء

اتركه عنك لأن الهواء يخلف الهدف

ويضيع عليك الصيد


والله يرزقك بقناصه مو خرازه وبس تستاهل كل خير



ركز على الخط بالون الاحمر




.

[الشاطر ماطر]

مشكور ياقسوره وجزاك الله الف خير

[المصطفق]

والله اخوي انا العام الماضي صدت سبعة ضبان بالهوائية بس لازم تكون قوتها 80-85والمانيه ماهي( صاب) ويكون قريب ويامال الصيدوالفيدوالعجوز ام ديد

[موزر]

عندك الويبلي الباتريوت قويه جدا تلقاها في الرمايه

بس نصيحتي تاخذ المقاس الكبير رصاص عيار ز25

تقول خرازه بس عيبها الثقل وصعوبة التصويب مع الرياح القويه

من ناحية القوة تشق باب الالمنيوم زي اللي في المحلات التجاريه

وشفتها في مقال بموقع امريكي يصيدون بها الارانب والسناجيب من مسلافة 60 متر تقريبا

تحياتي

[الشاطر ماطر]

بكم قيمتها لو سمحت

[طراد 1]

يارجال هي ماسكه ع ضبان ..خذلك شوزن !!
انا قبل امس طالعين العيال يصيدون الكرك وماحصلنا شي في اليوم الاول قالوا العيال نبي نصيد قوقسي وجرجس
اهم شي اني خطمت من عند رمث واشوفلك الضب فوق نثيلته وآآقف عنده قلت مب شينه يطبخ مع القوقسي
والله ياعليه شين وجه وشين رقبه ..... رميته اكثر من خمس مرات بالهوائيه مادرى عني
احس انه يقولي { ظف بندقك لأكسرها على راسك }

[الشاطر ماطر]

لا يارجال شريت هوائيه وعلى احسن مايكون

[DAWRD]

السلام عليكم ورحمة الله و بركاته

أنا و لله الحمد عندي خرازة ( عبرود) و عندي شوزن و شريت دينا موديل 350 ماقنوم كانت موديل حصري لمدة محددة عند الرميح و ما شاء الله عليها من أبدع ما يكون و مجربها على الضبان في الصمان و ماشاء الله تصيد وتفيد حتى في أحد الايام تعومست الخرازة و إستخدمنا الساكتون و عينا خير و نصيحتي لك و لمن يسمع فيه موديل 54 بس شوي غالية لكن روعة و قوية و ما ترجف و ما تكسر ماصورتها لأن لها ذراع يمين أو يسار عشان تكيلها و إذا ما بغيتها عندك ال80 عطية الله
وعلى فكرة للأخوان الي يشككون في الساكتون أقول كان عند أخوي 45 دينا و ماشاء الله ما تقصر
و نصيحة خذها 5.5 ملي أفضل ولو كانت ما تسوق بعيد

[الشاطر ماطر]

يعني 80 كويسه ولا فيه احسن منها لاني جربتها حلوه بس وزنيتها على راس الضب صعبه واخطينا واجد مدري هل المشكله من الهوا ولا من الوزن ياليت تعلمني طريقة زون البندق الهوا تقريبا اذا كان الهدف على بعد 20الى 15 متر واكون شاكر

[هبوب الليل]

ياخوي ماينفع الى الخرازه ويالله تذبحه

[القائد ثابت]

والله من جانب تجربة العام الماضي
صايد في الصمان بأم صتمه ألمانية
وتقريبا من بعد 40 الى 50م
والضربات في الضب متنوعة مرة في يده
ومرة في راسه وبعضها من حر الطلقة
والله انه ينط ثم يصفق في الارض وتلقاه ميت
هذا من واقع تجربتي

[الشاطر ماطر]

مشكور القائد ثابت على المعلومات الطيبه

[بن دوخي]

اخوي الشاطر ماطر..

انا ماقد صدت ضب بساكتون هوائية ولكن في اعتقادي انها ممكن تصيده اذا اصابته في مقتل والمسافة قريبة والجو ما يكون في هواء قوي يخلف الطلفة عن الهدف وانا اعتقد ان هذي كلها احتمالات يمكن تتوفر ويمكن لا واضمن لك اذا نويت تصيد الضب لا تتعدا الشوزن عطيت الله .;) . والا يمكن ينجرح ويدخل جحره ولا يطلع "تعرفون فيه عناد ماهو هين" :mad: وبعدين يموت ويسير عشاء للنمل وهذا حرام :no2: لا كليته ولا خليته ..

وجهة نظر

[الشاطر ماطر]

بن دوخي اما شوزن مره واحده هو الاصح الخرازه لاكن انا شريت هوائيه زي الحلاوه بس اهم شي زي ماتكرمت انه يكون الهدف قريب ومافيه هوا وغير كذا شاكرلك مرورك

[الشاطر ماطر]

مشكور اخوي على المرور وعلى المعلومات الجيده

[بواردي الدلم]

انصحك بساكتون انجليزيه اسمها باتريوت عند الرمايه بس خذ حبه كبيره رصاص 5,5 وصدقني تسدح الجعري الله يكرمك موب عاد الضب
صدقني الضب بيتقطع راسه
وانا مجرب طال عمرك اهم شي توزنها على مسافه سبعين متر عشان تكون الطلقه قويه ومؤثره بزياده

[الشاطر ماطر]

كرمت يا بواردي الدلم ومشكور على المعلومات

[صقر البحيرات]

اسئل مجرب ولا تسأل طبيب
والله العام
صدت ضب با السكتون 27 وجمد بمكانه
قام يرفس
بس اهم شيء انك تتأكد بالفعل انها بالرأس
لأن اي شيء او اي مكان غير الرأس ما ينفع وما يقتل بس تعذيب
وبعدين لو تضرب رجال بالراس بالسكتون اكيد انه يموت
ومابالك بالحيوان
""""""""""""""""
على العموم مبروك عليك هالسكتون الجديده
:::::::::::::::
وأنا لي سنين اصيد ضبان بالسكتون
تقبل مروري يا الغالي

[marzog]

نعم إذا كانت المسافه قريبه

و كانت في اماكن قاتله مثل الراس او الظهر بحيث ينكسر

و اذكر زمان صدنا ضبان بساكتون هوائيه اعتقد موديل 90 ولها راسين العلوي ثابت والاسفل يكسر

وكانت بالفعل قويه وتنفع للضبان

واتمنى ان اكون افتدتك

[عاشق الخرازة.]

بالنسبة لخبرتي اذا كان بينك وبينه مسافة هاه حليوة يعني بالخرازة يمديك تجيبه وتجيب امه بس لازم في راسه
ويمديك بعد بالساكتون


بس اذا بعيده لازم خرازة ويالله بدربيل بعد وتركز وتجيبه وفي الراس

ارجو اني افدتك

[أبوقزاز]

والله منيب فاضي اقرى كل الردود
لاكن ام صتمه35المانيه تطيحه مع راسه على بعد 15قدم تقريبن بس مع الراس

وانا صايده قبل كم يوم بـ35فشلون بـ85اكيدبتطيحه مع الراس

[سعودأبوفهد]

السلام عليكم ورحمة الله و بركاته
1- نعم تذبح الضب عما قرب 70 متر
2- مقاس 85

[HAMAD999_888]

يارجال أنصحك تصبر إلى أن يكمل معك سعر النارية ثم أشترها أحسن لك من دوخة الراس وتقبل تحياتيHAMAD999_888 (http://www.mekshat.com/vb/member.php?u=50640)

[الضارب]

انا صايد عشر ضبان ببندق هوائيه مقاس 45 بس لازم تكون وقيعي وتحطها في راسه ورح أمسكه بسرعه قبل مايدخل الجحر لأنه يدوخ ثواني ثم يزحف للجحر.

[الشاطر ماطر]

مشكورين اخواني على المرور والمشاركه

[الهيلاوي511]

الهوائيه ليست سلاح قناصة لا نها على اسمها هوائيه يلعبها الهواء لعب عليك بالخرازه وبس هي سلاح الضب وغيره

ذوي عطيه ياردين العزايم : اهل المهار اللي على الموت حزام

عفون يابن العم فيه خطا مطبعي ياردي وليست ياردين

انتبه لا يشوفك عتيبي هههههه

[الشاطر ماطر]

مشكور اخوي وردين او ردي المعنى واحد لاكن انت تعرف ردي العزايم قليت لمن عشان كذا غيرتها الى ردين عشان اخليها بشكل عام عموما مشكور على المرور والمشاركه

[الهيلاوي511]

مشكور اخوي وردين او ردي المعنى واحد لاكن انت تعرف ردي العزايم قليت لمن عشان كذا غيرتها الى ردين عشان اخليها بشكل عام عموما مشكور على المرور والمشاركه


والله مافهمت شي ونا خووووك وضح

[الشاطر ماطر]

انت لو تعرف الابيات قيلت لمن كان عرفت كلامي بس شكلك ماتعرف شي

[NissaN 1990]

معليش اخوي حتى بالناريه صعب تجيبها مع الظهرانا سمعت انا فالعين اذا رميته فالعين كان بها لان المسأله هنا ماهي انا تذبحه المساله ان عينه بتنفقع وعلى كذا صعب انه يشوف والعين ارق واسهل مكان يوصل الرصاصه للراس


نعم أخوي البندق الهوائيه إذا جات في مضرب مميت تذبح أنا أرميه بالخرازه وبرصاص سنجر متفجر بس ما يموت لأني ما أحطها براسه فلاكن بالهوائيه إذا حطيتها بوسط عينه والرصاص اللي تجي علبته خضرا هذي تلعب فيه ما عاد يدخل أبداً يموت على جحره ،،،، بس لازم تكون قريب منه يعني مسافه متوسطه وزينه وبالنسبه لسؤالك أحسن مقاس هي أثنين 80 و 85

وأذكر أن فيه ناس من الربع قنصو ومعهم سيارتين ناس معهم خرازه وناس معهم هوائيه كل سياره جابت 30 ضب أهل الهوائيه متساوين مع أهل الخرازه ،،،

أتمنى أني قدمت معلومه مفيده وآسف على الإطاله ،،،

[الشاطر ماطر]

مشكور اخوي على مرورك العطر بالعكس ماطولت على الاقل احسن من بعض الردود اللي فيها تهكم وقلة حيا واللبيب بالاشارة يفهم

[ابوعابد1996]

والله ياطويل العمر قبل يومين رامي ضب بساكتون 80 من مسافه 7متر تقريباً مع راسه ولا درى عنها حتى دم ما طلع دخل جحره ولا كن شي صار

[الوتر الحزين]

اخوي اذا ناوي على ساكتون هوائيه وناوي تصيد بها ضبان خذلك 90 ديانا اللي ماصورتها طويله وفشقها4.5
على فكره تراها تجي سسته مهوب غاز اما اذاكنت تبي الضب ما ينحاش عليك برميه مع ظهره اما مع راسه ماضنيت بتذبحه

مجرد راي

[الشاطر ماطر]

مشكور ابو عابد وكذلك احمد الغلبا على المرور والمشاركه

[أقلط]

عليك بالصتمة 85دينا الالمانية

كنا نصيد الضبان بالعشرات وهي قوية جدا

لكن قيمتها قريبة من المخباط (الخرازة)

عيب الصتمة والخرازة اذا كان فيه هبايب

واذا كنت راعي كيف ومحب للضبان

لاتطلع بالخرازة ولا الصتمة .. لوحدهم

حيث اذا هبت رياح.. حطهن وعليك بالشوزن

عزالله بتصيد وتفيد

وحياك الله

[الشاطر ماطر]

مشكور على المرور اما الشوزن فأعتقد انه مبالغ فيها

[abo shagran]

اخوي الشاطر ..

السلام عليكم ورحمة الله


انا ياخوي عندي بندق هوائيه انقليزيه فالكون حبه كبيره ..


وقبل امس قنصت بها 12 ضب والحمد الله

وترااها للبيع ومقاسها فوق ال 90

[ابوعبدالله 10]

لا يخوي لاتتعب نفسك شف السواكتين الهوايه غاليه علا1200 و 1500 و1900 و الخرازه علا2500 او3000الاف لا كن فرق في القوه وترا الساواكتين كلها وزنياتها تخرب بسرعه اما الخازه اوزنها تطول ماتخرب

[الشاطر ماطر]

مشكورين على المرور والمشاركه خلاص اصلا عندي خرازه صينيه ماشالله عليها

[البواسمي]

سلام عليكم اخوي انا انصحك بــ70 او 38 انا صايدن فيها ضبان وصايدن ولر بعد اتمنى اني قدرت اساعدك بس خل رميك فيها اكيد يعني ياترميها بالصليب بين الكتوف بالضهر ولا برقبه تحياتي البواسمي

[الشاطر ماطر]

مشكور اخوي البواسامي على المرور والمشاركه

[أبوفهد01]

تذبح ليه ما تذبح بس الله اللله بالراس

[الشاطر ماطر]

مشكور ابو فهد على المرور والمشاركه

[عذب الروح]

السلام عليكم ورحمة الله وبركاته
الأن يوجد في السنيد سكتون 95 أسبانيه ويعطونك تصريح مؤقت مدته شهر حتى يجيبون لك التصرح اللي عليه العلم وضمان سنتين وفيها عيار جديد ويختلف عن البقية ماتحتاج للدربيل أبدا
أتمنى أني أفتكم.....
ش ا ص 999

[هاوي الخرج]

اخوي الشاطر ماطر
اول شي مبروك عليك البندق
والله يعطيك خيره يكفيك شرها
ويرزقك من صيدها

طال عمرك انا عندي فايروخ 80 ومركب عليها دربيل خرازه
والحمدلله من شريتها وانا اصيد فيها
طيور وضبان
اذا تبغا تجيب الضب عطه الطلقه في عينه
والعين صعبه تجيبها من دون دربيل
لكن جبها براسه
او تحت يده سواء اليمين واليسار
وان شاء الله انك بتصيده
لكن اول ماتطلق عليه لازم يكون واحد سريع يروح يجيبه
لأن حنا جربنا الخرزاه والهوائية تطلق براسه بعضها يموت
وبعضها يتلوى من حرالطقه وبعدها يجحر


ان شاء الله اكون أفدتك


تحياتي : هاوي الخرج

[حفار]

عليك بلديانا حجم 350 ماجنوم وادعيلي

[sal7]

أخوي قولت مافيه سلاح ما يذبح هذي بحد ذاتها ما يصح نقوله
حتا الرضم الصغير يذبح الادمي إذا وافق مقتل

الهوائيات تذبح لكن على حسب المسافه و قوتها لكن دامك تبيها لضب خذ 5.5 أو 6.5
و أن شاء الله تنفع معك و حاول تاخذ شيء قوي من االهوائيات مثل الفايروخ 85 أو لديانا 90 أو الماقنوم 350

[winchester]

أخوي قولت مافيه سلاح ما يذبح هذي بحد ذاتها ما يصح نقوله
حتا الرضم الصغير يذبح الادمي إذا وافق مقتل

الهوائيات تذبح لكن على حسب المسافه و قوتها لكن دامك تبيها لضب خذ 5.5 أو 6.5
و أن شاء الله تنفع معك و حاول تاخذ شيء قوي من االهوائيات مثل الفايروخ 85 أو لديانا 90 أو الماقنوم 350

كما أسلف أخوي صالح ولايهون الباقين

وعندي اضـافه بعد حتى مقاس 4.5 تذبح الضب أي مقاس لسكاتين حتى 27
بس أهم شي تكون مكان مقتل وتكون قريب من الضب

مكان المقتل الرأس والرقبه فقط

دمــت بود

[abo sal7]

الــ 80 مع الراس

[قناص النعيريه]

انا اصيد الضبان بسكتون 80 فايروخ بس بعض المراة يجحر

[فوانيس جميلة]

يالغلا الاخوان انا طالع طلعة بر قبل فترة ومع عمي خرازة لقينا ضب هو ضربه بالخرازة من مسافة تقريبا 30 حطها في راسها وذبحها والثانية من مسافة تقريبا 50 متر حطها تحت الراس شوي وراحت لجحرها والظاهر ماتت وهي في الجحر متعذبة فكيف بالساكتون بس ممكن تصادف بعض الايام وانت قريب ومعك ساكتون 80 او85 وتحطها في راسها ؟؟؟

[shooter1000]

السلام عليكم ورحمه الله وبركاته
بالنسبه للسكتون الهوائية تصيد الضب أنا عند ديانا 4.5 صدت فيها ضبان بس تكون المسافة تجيبها في الرأس

[شيخ بني زيد]

الجواب على سؤالك نعم ؛؛؛ وانا والوالد قد طلعنا لصيد ضبان ولقينا واحد وطلعنا الساكتون موديل 28..

ومع الرقبه ولا يتحرك ولا شي في محله نزلت وذكيناه والحمد لله ...

والشركه حقت الساكتون نوريكا موديل 28

[s i m o n]

قبل ثلاث اياام قنصنا لسحمه ومعنا ناريه وفايروخ 80

قنصنا بالناريه ويوم خلصنا لقينا ضبين ونطلع عليه الفايروخ ونحطها في راسه وتذبحه

ونلقى الثاني ونفس الطريقه حطيناها في رقبته وذبحته

ومن مساافة تعتبر متوسطه

[عاشق مكشات]

انا رامي ضبان بالخرازة مع الراس حول11 واجحرت كلهن كيف الساكتون

[مطارد القمري]

ديانا 45.............

[DR.M0M0]

الموضوع قديم بس مايمنع التعليق

تذبح ونص بس حطها بالراااااااااااااااااااااااااس بس لا جاك هواااء ارمها وطلع الخرازه وحتى الحرازة بالهواء تزم يعني

الهوائيه تادي الواجب ونص

[الشاطري1]

اخوي انا معي سكتون 85اقنص فيها ضبان والله تسدحه على جنبه لاكن لازم بالراس ولا بالرقبه الباقي بس تكسب ذنب ولاكن صيد الضبان بالسكتون ممتع جدا

[اسددد]

روعه البندق بس ودي للبيع بس رخيصه جدا جدا واصطو

[أبو لافي00]

خرازه+رصاص متفجر= كبسة ضبان

[الهنتر]

بنجرب في الايام القادمه ونشاءلله افيدك

[بيضان]

بالنسبه لسؤالك له احتمالات كثيره
اولاً / اذا والله الضبان مذيرات ومن بعد كيلو يجحر فهذا طبعاً مستحيل صيده الى بالخرازه وفيها دربيل وفشق قوي مثل ستنقر ومتفجر بعد .
ومثال على النوعيه هذي في القصيم فيه منطقه اسمه حصاة وضاخ عن البدائع حوالي 80 كيلو جنوب وجنوب الرس بعد (المنطقه هذي ضبانه مذيراااااات مره )
ثانياً / اذا مهب مذير يعني مثل أرض الصمان فهذا لو تبي بالزبيريه وانت بكرامه تلوحه مع خشته ويجيك سديه وشلون لو بام صتمه ..
على العمووم طولت عليكم يالغالين وتبي تقولون فلسفته واجده
خذ ياطويل العمر ام صتمه موديل 90والأسبانيات زينات وخفيفات او ادون شوي يعني ن80 وحوله والفشق خله 4.5 لاتاخذ 5 لأنه يغربلك ولا راح تلقاو بكل مكان
تقبلوا مروري واسف على الأطاله بس حبيت اوضح للغالي
بالتوفيق للجميع وفي أمان الله .........

[دروب الذكريات]

ساكتون 80 بس أضربه مع الرأس والله ما يتحرك من مسافة 60 وأقل أو أكثر

[BMW-M6]

شف يالغالي انا مجرب والمثل يقول اسأل مجرب ولا تسأل طبيب ياطويل العمر والبقى والسلامه انا عندي لي ساكتون هوائيه مقاس 95 من جامو اسبانيه اسمها socom 1250 هاذي طول الله عمرك مركب له دربيل ويالله لك الحمد والشكر فسقنا ضبان واذا ماأحد صدق انها تقتل الضب يدخل اليوتيوب ويكتب اسمها ويشوف بعينه وش يصدوةن بها يصيدون غزلان وارانب وخنازير وانتم بكرامه يعني بصراحه سلاح ولا اروع

[shozn 911]

الـ فآيرٍوخ 80 تذبح الضبـأن ويكثر النآس الي آعرفهم يصيدون فيهـآأإ ضبـأن ، بس م مثل الخرٍازه للضبـآن ..

[procession]

والله ياطويل العمر قبل يومين رامي ضب بساكتون 80 من مسافه 7متر تقريباً مع راسه ولا درى عنها حتى دم ما طلع دخل جحره ولا كن شي صار


هههههههههههههههههههههههههههههههههه يا رجال صل على النبي معك ساكتون ولا عصى مكنسه :D :D :D :D :D :D :D :D :D :D


والله اني داري ان الموضضوع قديم بس الرد ذا خلاني ارررد هههههههههههههههههههههههههههههههههههههههه