اجيكم بجزل القصيد

[ذراع الذيب]

السلام عليكم ورحمة الله وبركاته حبيت اشاركم في قصيده معبره في ضياع الطير لان وقتنا هذا ابلغنا
الكثير من الصقاقير عن ضياع طيورهم والله يعقل كل طير لراعيه..
وجدي على طيرعديم غدالي....اقفى مع اللجه وعيني تراعيه
اتلا العهد به يوم ياخذ بعالي....اخفاه سباره وانا قبل مخفيه
ليله غدا ماهيب مثل الليالي....سهره لين الصبح بانت مواريه
كن الفقيده واحد من اعيالي....لاوالله الااغلا يبيعه ويشريه
افز من نومي ليا من طرالي....واغلا جليس لي جليس يطريه
لو هو يعرف انه عزيز وغالي ....مابار في صقاره اللي مواليه
طيرمضريني بصيد الجزالي....معشي جاري وضيفي معشيه
ويعشي النزله وسيع المدالي....ماهوب صيده بس يختص راعيه
شره على الخرب الكبير الموالي....يقط راسه ويتعشى ثناديه
متفهق الجنحان هجر جلالي....حرش يديه وراهيات مواميه
الفارسي طرح الحمادالشمالي...دق النعيري في مقارن مواسيه
نقلت غيره مير ياهملالي....كل الحرار الشقر ماعوضت فيه
قلت الكلام اللي على هجس بالي....واللي يعامد فيه يزعل وانا ارضيه

الشاعرمسلط ابن شعيفان(منقووووول) وسلامتكم

[صارووم]

صح لسانك ولسان ابن شعيفان .. قصيده جزله ومؤثره

لو هو يعرف انه عزيز وغالي ....مابار في صقاره اللي مواليه

[راعي البرقا]

صح لسان قايلها وتسلم يمينك على النقل . وفالك التوفيق

[شبراق]

صح السانك والسان الشاعر

[وقاااااد]

لاهنت على القصيده الجزله وعزالله انها مؤثره وتدق على الوتر الحساس
وصح لسانك ولسان ابو شعيفان
مسلط شاعر متمكن وغني عن التعريف
اذكر له بيت يقول فيه
قالو هبيل وجايزلي هبالي *** هبال طيب ولاصحايه رخامه

[ابوعزيز]

صح لسانك ولسان القائل

[جارح العين]

صح لسانك
وانا اجيز هذه القصيده وفالك المليوون هههه
والله يعطيك العافيه

[ابو عايد]

السلام عليكم ورحمة الله وبركاته

صح السانك والسان الشاعر وتم نقل الموضوع