احذرو الكورس في المقيض

[ملاعب الطير]

ثلاثة طيور لي استخدمت معها الكورس
واصيبت بألتهاب الرئة وضعف الريش
اما بالنسبة لضعف الريش بسيط امرة استخدم فيتامينات وتنتهي مشكلتة لكن ألتهاب الرئة مشكلتة مشكلة
المهم احذرو الكورس والحل عندي وراح اكتبة في اقرب فرصة انشاءالله

[وحيشان]

بيض الله وجهك على النصيحه الطيبه ونحتري الحل منك انشالله

[طلق الصيد]

بيض الله وجهك والله كنت شاك في الكورسات ماني متطمن، الله يوفقك ولكن في انتظارك نحن.

[صارووم]

مشكووور ياملاعب الطير . ومافيه أفضل من القرنسه طبيعي
ولكن المشكله التأخير .ياليت توضح الكورس الي أستخدمته ؟ لأني أعتقد فيه كورس خفيف وفيه قوي ...تسلم يمينك وفي أنتظار الحل

[شبراق]

الكورس الي استخدمته اي نوع هل هو حبوب او بودر !! ارجو التوضيح

[راعي البرقا]

بيض الله وجهك ومافيه مثل القرناس الطبيعي

[جارح العين]

بيض الله وجهك
والله يحفظ طيوركم من الشر
......

[abo-m7mmad]

مشكور على المعلومه التي اتات في وقتها

لن بعض الصقاره يستعجلون على القرنسه

ودمتم بود

اخوك ابو محمد

[قلب ذيب]

كورسات حذف الريش ممتازه اذا استخدمت بالطريقه الصحيحه مع استشارة البيطري( تعطى للطير قبل ان يحذف اي من ريشه ) .

[قناص الفيافي]

أنا ما جربته بس أعرف شباب كل سنه يستخدمونه للشواهين و الصراحه يمدحونه و الله العالم !!

[المزروعي]

على حد علمي لازم يعطى الطير فيتامينات بعد الكورس و إلا بتروح عليك ريشة الطير !!

[alajmi110]

الشي اللي ما هو على طبيعته لا بد له سلبيات
الحمد الله ... ما بعد عرفنها ولا نبي نعرفها لا في حر والا في شيهان
يا الله من فضلك

[amur kestrel]

تسلم وانا خوك والله يحفظنا و يحفظ طيوركم ان شاء الله

[همس الرعد]

والله يا اخوي اختلف العلماء في ذلك فيه احد يمدحه واحد يذمه

لكن اتوقع زي ما قال اخوي قلب ذيب اذا اخذ باستشاره بيطري بتكون اكيد مفيده

[نبع الدموع]

و الله ياخوي معذلة عطيت واحد من الطيور كورس و يمكن تنبيهك هذا خيرة
لي. ليتك تعلمنا وش الكورس الي عطيتة لطيورك و تعجل علينا بالحل الله يصلح
للمسلمين الحال.

[أبو رداد]

جزاك الله خير
خير الناس من نفع الناس ...

[وَسَام!]

والله لاصقرت لك فرخ شيهانه وعطتك على كيفك حرام تفرط فيها ترجع للشر اللي لابد منه (الكورس) لكن بمقادير ومحاذير!

[المان العرب]

كلام قلب ذيب صحيح

[سلطان 1]

ملاعب الطير ارحب 0 وانت صادق 0 لكن الكورس المجرب ومتداول بين الصقاقير ويعرفونه اشوف ما فيه شى 0 لكن المشكله في كيفيه استعماله 0 البعض يفكر بس عط الطير كورس وامش 0 وهذا غلط لازم يعرف وش هالكورس ومتى يعطى الطير 0 انا والله اقيض شياهينى بالكورس من سنين وابشرك ما تغير فى ريشها والا فى مطيرها شى 0 والله اعلم 0 تقبل مرورى 0