كراوين هذا العام !!!

[وقاااااد]

الله يصبحكم ويمسيكم بالخير
اخواني اعضاء وزوار مكشات عندي ملاحضتين على الكراوين هذا العام
الأولى * قله الكراوين وإذا حصلتها تلقاها واحد او اثنين
الثانيه *ظعف الكراوين وانا مستغرب هذا الضعف ماتلقى كروان سمين كلها هلايم .
مادري هل لاحضتوا هاذا الشيء 000 وش توقعون الأسباب ؟
ننتظر تعليقاتكم
اخوكم وقااااااااد

[حجاج]

الله الله ملاحظ الشي هذا السنه هذي دهر الله يرحمنا برحمتة وش يبي ياكل الكروان جاء لديارنا مالقا شي ياكله فدايم تلقاه حول المزارع

[سنجااار]

وبالنسبه لقلتهن انا اكثر مالقيت سبعه سواء وفيهن الهزل والسمين واما عن سبب ضعفهن اتوقع ماهنا ربيع واطيب ذكر هالسنه جهات ساموده
وش علوم طيرك ربطه
وتقبل تحياتي

[وقاااااد]

الله الله ملاحظ الشي هذا السنه هذي دهر الله يرحمنا برحمتة وش يبي ياكل الكروان جاء لديارنا مالقا شي ياكله فدايم تلقاه حول المزارع
مرحبا ياحجاج
اللهم امين الله يرحم المسلمين بس الكراوين مايمديها تضعف عندنا الضعف جاي من بعيد
تشكر على المرور

[وقاااااد]

وبالنسبه لقلتهن انا اكثر مالقيت سبعه سواء وفيهن الهزل والسمين واما عن سبب ضعفهن اتوقع ماهنا ربيع واطيب ذكر هالسنه جهات ساموده
وش علوم طيرك ربطه
وتقبل تحياتي
ارحب يابو عبدالله ابشرك الطيور هديتها على الكراوين والكبير ربطته والثنو باخليه ايام للكراوين
شرفني مرورك

[المزروعي]

كلام أخونا وقااااد صحيح الكراوين هذه السنه فيها ضعف و أكثر الربع لاحظ هذا الشيئ . الله يرحمنا برحمته ويسقي بلاد المسلمين .

[وقاااااد]

حياك الله يالمزروعي
شرفني مرورك الكريم

[ابوعزيز]

الحمدالله لقينا 14مع بعض كلة سمين

[وقاااااد]

مبروك يابو عزيز بس هل هي مثل شحمها السنوات الماضيه
شرفني مرورك

[][ الأصيل ][]

الاخ وقاد يالله حيه منور اليوم

بالنسبة لكلامك انا اخالفك بالراي الودي
مثلا عندنا بحائل عكس كلامك بيومين صادو عيال العم 29 كروان اجوال
والارض عندنا ربيع وخير من الله
يمكن بالصمان والاماكن اللي ماجاه مطر تلقى الكروان ضعيف وهزيل وافراد
على العموم ممتن لموضعك هذا
الاصيل

[وقاااااد]

[ الأصيل ][;1491750']الاخ وقاد يالله حيه منور اليوم

بالنسبة لكلامك انا اخالفك بالراي الودي
مثلا عندنا بحائل عكس كلامك بيومين صادو عيال العم 29 كروان اجوال
والارض عندنا ربيع وخير من الله
يمكن بالصمان والاماكن اللي ماجاه مطر تلقى الكروان ضعيف وهزيل وافراد
على العموم ممتن لموضعك هذا
الاصيل
حياك الله يالأصيل
وكلامك صحيح اللي انا حصلت في الصمان وحول الرياض في دهر ماعندها ربيع
شرفني مرورك يالغالي

[نايف الخالدي]

بالنسبه لنا بالشرقيه الكراوين اكثرها سمان
والسنه هاذي واجد والله مهي شوي

[قلب شاهين]

الحقيقة حتا أنا ملاحظ ضعف الكراوين هذي السنه ،،

لأن الربيع ماجانا والله يجيب الخير ،،

بس في فياض بالصمان فيها كراوين سمان ،،

والله يرحمنا برحمته ،،

لاهنت على الموضوع ،،

تحياتي / قلب شاهين ،،

[وقاااااد]

بالنسبه لنا بالشرقيه الكراوين اكثرها سمان
والسنه هاذي واجد والله مهي شوي
حياك الله يانايف الله يسمع منك اكيد عندكم عشب
شرفني مرورك

[وقاااااد]

الحقيقة حتا أنا ملاحظ ضعف الكراوين هذي السنه ،،

لأن الربيع ماجانا والله يجيب الخير ،،

بس في فياض بالصمان فيها كراوين سمان ،،

والله يرحمنا برحمته ،،

لاهنت على الموضوع ،،

تحياتي / قلب شاهين ،،
نورت الموضوع ياقلب شاهين
اللهم آمين الله يرحمنا برحمته ويرزقنا بالأمطار
والضاهر ان حضي هالموسم اقشر ماطحت إلى في الضعيف
شرفني مرورك

[ملاعب الطير]

وقاد صديقي العزيز عندي لك سؤال
هل دوجت السنة هاذي مثل دوجتنا العام؟
وسؤال ثاني
وين صت الكراوين الآربعة في ديرة مربعة ولا في ديرة مافيها حيا؟
كلنا انا وانت مادوجنا زين السنة هاذي
لكن انا قنصت يومين ولقيت خمسة
بس شوف عينك وحض غيرك
وكانت سمان لآن الديرة الي لقيتها فيها كانت مربعة
لكن فعلن قليلة

[بعيد الشوح]

بسم الله الرحمن الرحيم


اخوي/ وقاد والله يا خوك الربع طاحولهم في جول
30 كروان لكنه في ارضن طيبه معليه رمث وحميس عشب


عبارت محميه لكنه مزرعه حول الجله صادو 6 بطيور وراح واحد على فرخ شاهين بحر


السته متقلبه ثناديها والباقي منه واطيب على العموم محمـــــيــــه ماهي حي الله ارض الباقي بشوزل الحصيل 15

[وقاااااد]

مرحبا يابو ياسر منور الموضوع
والله السنه هاذي دوجتي لك عليها لعده اسباب :
الأول _ الجو مايساعد اكثر الأوقات اللي اطلع فيها عجاج
والثاني _دهر ولا فيه شي يونس
الثالث _ والأهم مافيه واهس للمقناص
والكراوين اللي لقيت في قاع دهر ماجاها حيا
شرفني مرورك

[وقاااااد]

بسم الله الرحمن الرحيم



اخوي/ وقاد والله يا خوك الربع طاحولهم في جول
30 كروان لكنه في ارضن طيبه معليه رمث وحميس عشب


عبارت محميه لكنه مزرعه حول الجله صادو 6 بطيور وراح واحد على فرخ شاهين بحر



السته متقلبه ثناديها والباقي منه واطيب على العموم محمـــــيــــه ماهي حي الله ارض الباقي بشوزل الحصيل 15

حياك الله بعيد الشوح
ياطويل العمر المحميه غير فيها ارزاق ولو تخلى الكراوين فيها يمكن تقيض
واللي في ربيع ولاحول مزرع اكيد بيجي سمين
شرفني مرورك

[الفهد11]

والله الكراوين بالنسبه لي هالسنه شحم
اما القله والكثره نفس كل سنه تقريبا واكثر ماشفت الموسم هذا سبع


وهذي صوره من صيد هالسنه للكراوين شف الشحم فبطنه وشلون خيااال


http://up.arabseyes.com/upfiles/vC887710.jpg


الله يرزق الجميع

[عاشق الشاهين2]

اخوي الصراحه كلامك صحيح والكروان قليل ومب سمين وانا بنظري هذا بسبب الربيع والسنه هذي مافيه ربيع

[خشف.]

يعطيك العافيه على طرح الموضوع وما قصرو اعضاء الخيمه

[وقاااااد]

والله الكراوين بالنسبه لي هالسنه شحم

اما القله والكثره نفس كل سنه تقريبا واكثر ماشفت الموسم هذا سبع


وهذي صوره من صيد هالسنه للكراوين شف الشحم فبطنه وشلون خيااال


http://up.arabseyes.com/upfiles/vC887710.jpg



الله يرزق الجميع

حياك الله يالفهد ماشاء الله الكروان هاذا مايقدر يطير من الشحم
والله غريبه هالسنه كروان مليان شحم والثاني هلكان
مشكور على الصوره
شرفني مرورك

[وقاااااد]

اخوي الصراحه كلامك صحيح والكروان قليل ومب سمين وانا بنظري هذا بسبب الربيع والسنه هذي مافيه ربيع
مرحبا بعاشق الشاهين الظاهر انا وياك قانصين في منطقه وحده
اشكرك على المرور

[وقاااااد]

يعطيك العافيه على طرح الموضوع وما قصرو اعضاء الخيمه
الله يعافيك ياخشف وانت بعد ماقصرت
شرفني مرورك