لو أثنين من مكشات معرسين .. وش يصير ؟ !

[حفرلوجيا]

سلام يالربع
رن جوالي أمس وعلى الخط ( أم هيثم ) تقول وينك العيال يسألون عنك؟ .. تراني متصلة أعرفك تحب البر .. نبي نطلع بعد الظهر برا الديرة وبعد مانفطر ونصلي المغرب نعود .. تعال معنا ..
ابجي لكن تبون شي .. لا .. بس جب معك ( جالون حليب ) .. ( تنكت تذكرني اني رضعت من حليب أمها يوم كانوا جيراننا ) .. وصرت خال ( تايواني ) لعيالها :(
جيتهم بالمكان المتفق عليه .. وكتمت مابنفسي عند شوفتي لطريقة وقفة السيارات .. وحطة فرشهم .. و( الكراسي ) .. والسواق والشغالات .. صاير الوضع تقل ( كنب عمال نظافة)..
تعال ياأبو هيثم أنتم كاشتين تستانسون وتعلمون عيالكم على مساعدتكم والقيام بشؤن غيرهم .. وشو له جايبين الخدم ( لحول صاروا معتمدين عليهم باشياء كثيرة الله يستر ) .. ياشينين دربوا عيالكم.. لايكبرون وهم ماتسنعوا :mad:
جلسنا بعد صلاة العصر وبإنتظارنا للفطور ( تعرفون مع الصيام النفس حول راس الخشم ) .. وكملت جت بنتهم ( المجوز ) تقول : مامي اتصلت بالموبايل وطلبت فرايد تشكن .. وكوفي ودونتس :confused: (واللي ماشاف الدونات هي لقيمات الأمريكان أحجامها مختلفة لكن بنسق واحد .. وهذا اللي يفرقها عن لقيماتنا اللي شكلها يشبه آذان عبيد اللوح اللي بكاريكاتير الهليل ) .. وتقول البنت انها أرسلت السواق يجيبها ( اللهم طولك ياروح ) ..
تعالي يابنت ماتعرفين تدبرين حالك بالمعاميل وتسنعين أمور أهلك وفطورهم .. ردت وشو هذا يا( خالو ) ( معاميل ).. هذا نيو سايت .. ولا بروقرام ولا إيش .. ( بلعنا وسكتنا ذكرنا اننا خالو تايوانو )..
قبل نفطر جاء الطحس ( طالب المتوسط ) هيثم ( وسرحت أفكر.. أحلالات هالهيثم يروح معي كشتات النفود على هالصحة يكسر بيدينه جروم الارطى اللي يمكنهن يصيرن مثل اقلام الرصاص بايده ):good: .. دنق على أبوه تقل - استغفر الله يبي يسجد - ( هذا والله اللي يوجب أبوه .. عز الله أسم على مسمى >هيثم < أسد .. أشوى عوضنا عن حوسة أخته) ..
المهم قال شيء لأبوه ماسمعته .. تغيرت ملامح أبوه وقال ( بحرج واضح ) ماتشوفني جالس مع خالك .. أصبر شوي ... عاد أنا قلت هذا الولد اللي يستاهل الفزعة ..
وهيثم يقول ماأقدر يا( بابا ) :confused: .. ( هاه انا خبري ان بابا يقولونها الصغار وإذا بدوا يدرسون يقلب العداد على ( يبه .. أبوي ) .... مشيتها وأتلقف أقول : وش تبي ياهيثم .. رد أبو هيثم ( ومازال الحرج مستمرا ) .. يبي - الله يكرمك - يقضي الحاجة ..
عاد انا بلا شعور رديت : انقلع يا( ثور ) اللحين هالكبر وماتعرف تدبر حالك مابقى الا يجيبون لك حفايظ .. أثاريك ( قفش ) وبس .. شف عاد تعرض الأرطى !! :looney: .. ( عاد هم استغربوا منين جت ذي الأرطى .. بعذري توهقت وتلخبطت ) ..
انا عقب مازلقت كلمة الأرطى ابستعيد ( وقاري ).. تعال ياأبو هيثم ولدك بالمرحلة الأخيرة بالمتوسط المفروض انك تعلمه انه يكون عصابة راسك بكل شيء هذا ولد يبي يصير ( رجل ) وراه مسؤوليات إذا ماهو متجود بعلوم الإعتماد على النفس راح يكون مضحاكة وأنت مطنازه ( الا صارت وقضينا ) ..
وأنتي تعالي ياأم هيثم بنتكم مجوز .. اللحين لوتوفقت وتجوزت بواحد طبوعة مثل ( صقر) وإلايالله من فضلك ( مراكي الذيب) ..كان قعدتوا بها وتفشلتوا ... نطت بي ام هيثم ..من هم ذولا .. هاه .. ذولا الله لايسلم العدو من منتدى مكشات مايفطرون الا قرع وشريح ماهو مطبوخ.. وغداهم مطازيز .. وإذا ماتعشوا جريش أو عصيد لازم يجيبون لهم مخدر على شان ينامون .. والا يصيبهم الأرق .. ولا يحبون مطرسة مطاعم وأسواق ودونتس .. ويبون البنت اللي يتجوزه حداهم ثاني يوم العرس تهمزه بعد صلاة العشاء وهو مطقم بالوزره ( هنا يطلع لها النيو سايت ) ماتحمل.. البيت .. ووين تقايش مع ذولا .. سنعوا عيالكم واستغلوا هالكشتات والرحلات والسفرات بغرس الإعتماد على النفس والخشونة لأيامهم الجاية ..
الله أكبر .. أذن المغرب وجاء الفرج ( لأني قلبتها محاضرة ) .. أشوى جابوا تمر ماصار القدوع فش فاش ..
وسلامتكم

[المسفهل]

ياأبو سليمان ترانا صايمين وودنا بتالي هالرمضان نجتهد ونتوب لعل الله يتوب علينا

ثم ياأبوسليمان نقراء هذه السلسلة الرائعة في أسلوبها والجميلة في فكرتها والطريفة

في صورها ومواقفها ، ثم نضحطك حتى يخجل الواحد منا من نفسه فإذا تذكر أن الكاتب

أبو سليمان عذر نفسه وقال لا حيلة ولا سبيل إلى الوقار ........

والإنذار الأخير لك يا أبو سليمان أن الإثم عليك في ما يصيبنا من خفة

وقهقهة أثناء القراءة.

[العليمي]

موضوع تشكر عليها يا حفرلوجيا ، والله يكفينا شر هالعينات :D :D ;) ..

[الجوني]

هههههه
لو املي الصفحة ضحك ماكفت تسلم على هالموضوع وابداع بالطرح رائع يا حفرولوجيا ابو سليمان انت :good: :good: :good:

[الاجودي]

تحية من الاعماق

لك اخوي الغالي حفرولوجيا

انا اشهد انك نشمي وذيب وكلامك صح الصح

لكن وين الي يسمع

[صقر]

تسلم ياحفرلوجيا

الحقيقة فكرة رائعة ونواجهها دائما.

الحقيقة هالعينة كثيرة والله يستر عليهم واعتقد المسؤلية تقع على عاتق الآباء الذي يدللون عيالهم دلال زايد.

بارك الله فيك..

[ابو سلطان العتيبي]

والله يابو سليمان اول ماوصلت في القراءة الى كلمة { جت بنتهم ( المجوز )} ;)

رحت طوالي اطالع الوقت اللي كتبت فيه مقالك وقلت الله يقطع أبليسك يابو سليمان

ماصبرت ساعه ونصف لين تفطر وتكتب هالموضوع.

الحمد لله اني ماقريته الا بعد التراويح ولو انها في العشر الأواخر لكن يهون شي عن شي ;)

ابداع كما هي عادتك وأسلوب فكاهي بسيط فجزاك الله كل خير. :good:

بس خفف علينا شوي

أخوك/ عقاب

[كايد]

اخوي حفرلوجيا اسلوبك عجيب عجيب عجيب [مثل ما قال ....]
اخوي انت من الحفر :confused:

[خشم الحصان]

الاخ حفرلوجيا
السلام عليكم
اخوي الله يرج بليسك معاد فيني شده ياربيه سلفني دموع قظت دموعي اخاف يطري علي كتابتك
يوم علي الفطور ثم يحجرون علي عيالي يقلون كبر وخثرف بعدين لاتجيب اسمي عند(المجوز)
اخوك
خشم يعني خشم الحصان.:D :D :D انت:good:
اللهم يارب كل شي ان تحفظ الحبيب حفرلوجبا من كل مكروه

[القناص]

حفرولوجيا
رهيب والله رهيب
احلى خال في العالم
حفرولوجيا

[بواردي]

حفرولوجيا لك الله مع عيالنا ماتهاونـــا



حنا لهم وهم لنـا بطاعـه مهود وجنـــــود



تحيا وتبقىىىىى يابو سليمان لاكن تاْكد الشقرديه


او السنايديه لاحد الان موجودين ومشين عيال على ممشى


الخير والعافيه والرجوله وتدريج المرجله وافعالها



والله لا يهيــنك على كل حال اضحكتني صراحه ....... :)

[عروان]

هههههههههههههههههههههههههههههههههههههههههههههههههه ههههههههههه

:D :D :D :D :D :D :D :D

اللحين لوتوفقت وتجوزت بواحد طبوعة مثل ( صقر) وإلايالله من فضلك ( مراكي الذيب) ..كان قعدتوا بها وتفشلتوا ... نطت بي ام هيثم ..من هم ذولا .. هاه .. ذولا الله لايسلم العدو من منتدى مكشات مايفطرون الا قرع وشريح ماهو مطبوخ.. وغداهم مطازيز .. وإذا ماتعشوا جريش أو عصيد لازم يجيبون لهم مخدر على شان ينامون .. والا يصيبهم الأرق

ههههههههههههههههههههههههههههههههههههههههههههه



حسبي الله على بليسك يا حفرلوجيا.


الله يسعد ايامك اخوي.


تحياتي

[تالي الاولين*]

.


ههههههههههههه

ماقول الى يالله الصلاح

هالحين ليت الدعوى هيثم ابو متوسط

المصيبة ذيخه الواحد يمشي على عضده الجحش

وماتسرحة بالغنم الله يدفع البـــــلاء

جيل عساه يتعــــــدل


.

[حفرلوجيا]

أخوي المسفهل :
شكرا .. وماأحد شكك بصيامك ياعزيز .. وترانا نكتب عن ( وقائع ) و ( حقائق ) وإن شاء الله اننا لانأثم .. ونسأل الله العفو ..
وبعدين ياأنت ( ترفع ) بي بوصفك العسل لكتابتي .. بس يازين وصفك ... وأنا (طربان) ..
والله ينجيك من عواقب ( الخفة ) يا( عبودي مكشات ).. ( ولمن لايعرف العبودي هو ابن بطوطة السعودية في دول العالم الإسلامي وغيرها.. وليس من المبالغة أن يعد رائد أدب الرحلات ) ... وحنا عندنا ( رائد ) بمكشات .
أخوي العليمي :
شكرا.. ومعك ندعو الله أن يكفينا شر هالعينات .. ويصلح حالهم .
أخوي الجوني :
شكرا .. الله يسلمك ويعافيك .. وبعدين من سرعتك في الردود ومتابعة مواضيعك ( بملاحظة التوقيتات ) .. صرت أتوقع ترد على مواضيع الأعضاء قبل ينزلونها الخيام .. الله لايضرك .:good:
أخوي الأجودي :
شكرا .. وتحيتك استقرت وقفلنا عليها بالأعماق وتقبل مثلها .. يا( أنشم ) :D
أخوي صقر :
شكرا .. أنت أروع .. نعم المسؤولية كما تفضلت تقع على عاتق الأباء .. لكن .. بعضهم ( عمك أصمخ ).. وبعض الجوانب صاروا يغفلون عنها ويوم يعرسون ( فلذات أكبادهم ) تجيك المشاكل اللي محورها ( الرخاوة وقل السنع ونقص الفهم بأمور الحياة وأهمها .. الزوجية ) .
أخوي عقاب :
شكرا .. والله انا نيتي سليمة .. بلاك باللي صار تقل صقر ( فز ) ووده ( يكفخ ) يوم شاف الحبارى .. أجل كل هالكلام ولا دقرت الا عند كلمتين ( بنتهم المجوز ) .. أقول خلك بالوكر ..;)
لكن تسلم على أوصافك ياحبيب .. وابشر نبي نخف .. انت والمسفهل و ( العمل ) اتققتوا علي بهالعيد .
أخوي كايد :
شكرا .. سألتني انت من الحفر ؟ .. آآآه .. ذكرتني بالحفر اللي ماهي مثل أول للأسف .. وين مطبات وحفر الشوارع اذا لعب بها السيل كل سنه .. اللي تخلي سيارتك بعد ماتمشي مشوار أبو كيلوين ماتوصل الا مابقى معك غير الدركسون والباقي تفكك وطاح بطريقك .. وإلا غبارها بالصيف .. ياسلاااااااام .. تحسبونه مثل غبار الرياض يخليك تعاطس وتكح .. هذا علاجه لطمة وانتهينا .. لا .. غبار الحفر ( حي اكا العجاج ) .. مايخليك لاتعاطس ولا تكح .. لانه مثل الجمش يكتمك ولا يخليك تنفس من أصله .. آآآه .. والا سياراتها اذا مشت قدامك يعطيك السواق اشارة يمين ويلف يسار .. والا إشارات المرور اللي لو بغوا ياقفون عندها تلولسوا تقل سلسلة وتعقدت الامور إذا جاء اللون الخضر ..آآه ليتني شاعر وأغني بها ..:p
أخوي خشم الحصان :
شكرا .. والظاهر ان اللي لحق أخونا عقاب لحقك .. بس كود عيالك يفزعون لأمهم ويحجرون عليك.. وخل المجوز بأرضه ..خلك بهالأمور ماأنت:good:
والله يحفظك ويسلم خشمك .. ويخليه شامخ .
أخوي القناص :
شكرا .. تمدح او تزبرق بالخط ( بعض الشي مايتهيا ) .. أنا خال( تايواني) مالي كلمة .. وصف مع خشم وعقاب .:)
أخوي بواردي :
شكرا .. اللي كلامه مثلك وشرواك ماعندنا حولهم خلاف .. وليت اللي مثلك يعطون اللي مثل ( أبو هيثم ) دورات مكثفة .. يمكن يتصلح الحال .. ولا هنت ياعزيز ..
أخوي عروان :
شكرا .. وبعد ترانا قاصرين الوصف والاتشوف علومهم اللي تعجبك .. وأيامك سعيدة يابعدي .
أخوي تالي الأولين :
شكرا .. أي والله يالله الصلاح .. عسى الأجيال اللي مثلهم تعدل أحوالهم .
وسلامة الجميع

[الجوني]

<FONT FACE="Traditional Arabic"><FONT SIZE="10"><FONT COLOR="#FF0000">ه</FONT><FONT COLOR="#FD0200">ه</FONT><FONT COLOR="#FB0400">ه</FONT><FONT COLOR="#F90600">ه</FONT><FONT COLOR="#F70800">ه</FONT><FONT COLOR="#F50A00">ه</FONT><FONT COLOR="#F30C00">ه</FONT><FONT COLOR="#F10E00">ه</FONT><FONT COLOR="#EF1000"> </FONT><FONT COLOR="#ED1200">ا</FONT><FONT COLOR="#EB1400">خ</FONT><FONT COLOR="#E91600">و</FONT><FONT COLOR="#E71800">ي</FONT><FONT COLOR="#E51A00"> </FONT><FONT COLOR="#E31C00">ح</FONT><FONT COLOR="#E11E00">ف</FONT><FONT COLOR="#DF2000">ر</FONT><FONT COLOR="#DD2200">و</FONT><FONT COLOR="#DB2400">ل</FONT><FONT COLOR="#D92600">و</FONT><FONT COLOR="#D72800">ج</FONT><FONT COLOR="#D52A00">ي</FONT><FONT COLOR="#D32C00">ا</FONT><FONT COLOR="#D12E00"> </FONT><FONT COLOR="#CF3000">ا</FONT><FONT COLOR="#CD3200">ل</FONT><FONT COLOR="#CB3400">ل</FONT><FONT COLOR="#C93600">ه</FONT><FONT COLOR="#C73800"> </FONT><FONT COLOR="#C53A00">ي</FONT><FONT COLOR="#C33C00">ص</FONT><FONT COLOR="#C13E00">ل</FONT><FONT COLOR="#BF4000">ح</FONT><FONT COLOR="#BD4200">ك</FONT><FONT COLOR="#BB4400"> </FONT><FONT COLOR="#B94600">ق</FONT><FONT COLOR="#B74800">ل</FONT><FONT COLOR="#B54A00"> </FONT><FONT COLOR="#B34C00">ل</FONT><FONT COLOR="#B14E00">ا</FONT><FONT COLOR="#AF5000"> </FONT><FONT COLOR="#AD5200">ا</FONT><FONT COLOR="#AB5400">ل</FONT><FONT COLOR="#A95600">ه</FONT><FONT COLOR="#A75800"> </FONT><FONT COLOR="#A55A00">ا</FONT><FONT COLOR="#A35C00">ل</FONT><FONT COLOR="#A15E00">ا</FONT><FONT COLOR="#9F6000"> </FONT><FONT COLOR="#9D6200">ا</FONT><FONT COLOR="#9B6400">ل</FONT><FONT COLOR="#996600">ل</FONT><FONT COLOR="#976800">ه</FONT><FONT COLOR="#956A00"> </FONT><FONT COLOR="#936C00">ل</FONT><FONT COLOR="#916E00">ا</FONT><FONT COLOR="#8F7000"> </FONT><FONT COLOR="#8D7200">ا</FONT><FONT COLOR="#8B7400">ل</FONT><FONT COLOR="#897600">ل</FONT><FONT COLOR="#877800">ح</FONT><FONT COLOR="#857A00">ي</FONT><FONT COLOR="#837C00">ن</FONT><FONT COLOR="#817E00"> </FONT><FONT COLOR="#7F8000">ي</FONT><FONT COLOR="#7D8200">ن</FONT><FONT COLOR="#7B8400">ق</FONT><FONT COLOR="#798600">ط</FONT><FONT COLOR="#778800">ع</FONT><FONT COLOR="#758A00"> </FONT><FONT COLOR="#738C00">ع</FONT><FONT COLOR="#718E00">ن</FONT><FONT COLOR="#6F9000">ي</FONT><FONT COLOR="#6D9200"> </FONT><FONT COLOR="#6B9400">ا</FONT><FONT COLOR="#699600">ل</FONT><FONT COLOR="#679800">ا</FONT><FONT COLOR="#659A00">ن</FONT><FONT COLOR="#639C00">ت</FONT><FONT COLOR="#619E00">ر</FONT><FONT COLOR="#5FA000">ن</FONT><FONT COLOR="#5DA200">ـ</FONT><FONT COLOR="#5BA400">ـ</FONT><FONT COLOR="#59A600">ـ</FONT><FONT COLOR="#57A800">ـ</FONT><FONT COLOR="#55AA00">ـ</FONT><FONT COLOR="#53AC00">ت</FONT><FONT COLOR="#51AE00"> </FONT><FONT COLOR="#4FB000">و</FONT><FONT COLOR="#4DB200">ا</FONT><FONT COLOR="#4BB400">و</FONT><FONT COLOR="#49B600">ر</FONT><FONT COLOR="#47B800">ط</FONT><FONT COLOR="#45BA00"> </FONT><FONT COLOR="#43BC00">ب</FONT><FONT COLOR="#41BE00">س</FONT><FONT COLOR="#3FC000"> </FONT><FONT COLOR="#3DC200">ا</FONT><FONT COLOR="#3BC400">ل</FONT><FONT COLOR="#39C600">ل</FONT><FONT COLOR="#37C800">ه</FONT><FONT COLOR="#35CA00"> </FONT><FONT COLOR="#33CC00">ي</FONT><FONT COLOR="#31CE00">ع</FONT><FONT COLOR="#2FD000">ي</FONT><FONT COLOR="#2DD200">ن</FONT><FONT COLOR="#2BD400"> </FONT></FONT></FONT>

[الجوني]

الرسالة الأصلية كتبت بواسطة القناص
حفرولوجيا
رهيب والله رهيب
احلى خال في العالم
حفرولوجيا

<FONT FACE="Traditional Arabic"><FONT SIZE="10"><FONT COLOR="#FF0000">ا</FONT><FONT COLOR="#F90600">ل</FONT><FONT COLOR="#F30C00">ق</FONT><FONT COLOR="#ED1200">ن</FONT><FONT COLOR="#E71800">ا</FONT><FONT COLOR="#E11E00">ص</FONT><FONT COLOR="#DB2400"> </FONT><FONT COLOR="#D52A00">ا</FONT><FONT COLOR="#CF3000">ي</FONT><FONT COLOR="#C93600">ش</FONT><FONT COLOR="#C33C00"> </FONT><FONT COLOR="#BD4200">ا</FONT><FONT COLOR="#B74800">ل</FONT><FONT COLOR="#B14E00">ح</FONT><FONT COLOR="#AB5400">ر</FONT><FONT COLOR="#A55A00">ك</FONT><FONT COLOR="#9F6000">ا</FONT><FONT COLOR="#996600">ت</FONT><FONT COLOR="#936C00"> </FONT><FONT COLOR="#8D7200">ه</FONT><FONT COLOR="#877800">ذ</FONT><FONT COLOR="#817E00">ي</FONT><FONT COLOR="#7B8400"> </FONT><FONT COLOR="#758A00">ك</FONT><FONT COLOR="#6F9000">ي</FONT><FONT COLOR="#699600">ف</FONT><FONT COLOR="#639C00"> </FONT><FONT COLOR="#5DA200">س</FONT><FONT COLOR="#57A800">و</FONT><FONT COLOR="#51AE00">ي</FONT><FONT COLOR="#4BB400">ت</FONT><FONT COLOR="#45BA00">ه</FONT><FONT COLOR="#3FC000">ا</FONT><FONT COLOR="#39C600"> </FONT><FONT COLOR="#33CC00">ع</FONT><FONT COLOR="#2DD200">ل</FONT><FONT COLOR="#27D800">م</FONT><FONT COLOR="#21DE00">ن</FONT><FONT COLOR="#1BE400">ا</FONT><FONT COLOR="#15EA00"> </FONT><FONT COLOR="#0FF000">؟</FONT><FONT COLOR="#09F600">؟</FONT><FONT COLOR="#03FC00">؟</FONT></FONT></FONT>

[مراكي الذيب]

رائع اخوي حفرلوجيا الله يحفظك.


و الله خوفي اذا زوجونا يكون اخر علمنا بمكشات من يوم نوقع :D ونقلب ياالله من فضلك,, تيته طنط ونينه (عاد لاتسألوني وش معناها) ويصير اخر علمنا بالمطازيز والقرع


لكن هين والله ان نخليهم هم والبعارين عيال عم .:D

[المترو]

حبيب قلبي حفرلوجيا
الله يوفقك ابداع بأبداع كل ما تكتب
بس عندي مشكله مع الولد انا كل ما اجلس على الكمبيوتر الا وينط ولدي الله يصلحه ويقول شف وش كتب جديد اليوم المبدع حفرلوجيا قلت له هاه وش عرفك له قال صراحه كلامه يفطس من الضحك وفيه كلمات ما عرف معناها بس اذا هو من خوياك اللي تطلع معهم البر تكفا انا طالبك ابي اخاويك بس عشان حفرلوجيا وعلومه الزينه ورجال فيه خير ولا تمل من مجلس هو فيه المهم وخذ من ذا المدح من ذا الولد(وماهو كثير عليك) قلت له طيب طيب ابي اصرفه لانه ما ينعطا وجه بطاري الروحات يمسك عليك الكلمه وما تدري الا هو ناط لك يوم المشيه هاه اجيب اغراضي انت مواعدن
فا يا حفرلوجينا
اولا ماشاالله عليك وعلى مواضيك واساليبك بالطرح
ثانيا لب طلب الولد وابوه ولنا الشرف ؟؟؟؟
ثالثا انتبه من بعض الختات ترى قرأئك من كل الاعمار والجنسين
رابعا سلم الله يد تكتب لك من النار والعثار

وتحياتي
الرحـــــــــال2003

[حفرلوجيا]

اخوي مراكي الذيب :
شكرا .. يعني اللي هامك ومشغلك انك تبي تترك مكشات ؟؟!! ;) ( وفي ) :p لكن .. أقول سلملي على البعير اللي تقول تبي تخليه ( لهم ) ولد عم :good:
أخوي الرحال 2003:
شكرا .. مانت بعيد عن أيمن والمسفهل وبقية الأخوان اللي يعقدون لسانك بردودهم ( الشهد ) ..وتدوده بعدها ..
لكن . ولدك اذا هو يتردد على مكشات ويبيه.. فأبشر باللي تبي تشد به ظهرك الله يحفظه .. واللي يبينا شبر نمد له متر .. وتعبيرا لمعزتي لهالولد .. ودي أهديه ( دباب ) من الغاليات .. بس أنا غشيم :( .. ولا أشوف أوفق من شخصكم .. ;) فوضتك بالنيابة عني ( بكل شي ) :D ... والله يسلمك .. وتشوف بقرة عينك مايسرك ويرفع راسك ان شاء الله

[المربد]

والله انك فتحت ذهني لشيء ما كنت مفكر فيه بخصوص البنات وتعليمهم التصرف والطبخ، خوف انها تطيح بواحد مثل ما تفضلت من هالشباب اللي كل يوم جايب لها شيء تنتفه او تسلخه وتطبخه وهي الى الحين ما تعرف تقطع دجاجة.
الله ينور عليك ويصلح لك ذريتك ويجعلهم قرة عين لك

[حفرلوجيا]

أخوي المربد .. شكرا .. جزاك الله خير .. وأمين لنا ولك ياعزيز

[المترو]

تسلم الله يقبل منك ويكون فيه خير امين
بس موضوع الدباب كنك تسمع طلباته من ظمنها هالدباب اللي انا ما اواطنه ولا اللي يركبونه
وكل سنه نأجله تجي الله يهديك وطبلها مرتن وحده علي وتسوي فيها دبلماسي بأجابتك بس معصي ولوان طلبك عندنا غالي
عموما كل عام وانت بخير ومن العايدين قبل الزحمه وكل عام وناجل الدباب
وسلامتكم