الحبارى موجوده اذا طيرك موب موجود

[محمد الفهيد]

السلام عليكم

عدة مواقف تصادفني وخاصه هالسنه
اشوف الحباري والطير موب معي
سبحان الله
قبل 3 شهور خمس حباري 4 في يوم ووحده بعدهم بيومين والطيور موب موجوده

ويوم السبت22- 3 مرت فوق موتري وانا راجع من الرياض متوجه للأمارات
قبل حرض بكم كيلو
قاع مقطعه والمستغرب منه انها مع الهوا رايحه جنوب وتغرف على راحتها
الصراحه يوم شفتها هيضتني والا انا داعس بريك وحاذف الموتر يمين والله ستر علي من السيارات

الله يرزقنا ويرزق اخوانا

[501]

الخيره يا الخوي فيما اختاره الله
ما تدري ويش الخيره
الله يرزقك انشاء الله الموسم الجاي با الصيد

501

[][ الأصيل ][]

يابو فهيد ماتجي القمرا على هوى الساري

والسنة القادمة بحول الله وقوته فال خير عليك

[راعي البرقا]

الله يعوضنا بخير السنه الجايه. وتقبل مروري

[واكس]

ههههههههههههه اجل خل معك نبيطه على طول

تقبل مروري

[شبراق]

ههههههههه دايم الشي اذا ماصار معك تالقاء مرادك دايم الواحد اذا قنص حباري يالقاء حجل ويالقاء قطاء وذا ربطة الطير ورايح ادور على القميري ولى على القطاء تالقاء كراوين ولا بعد تالقاء حباري والله يرزقنا وياك انشاءالله وفالك انشاءالله خير وهذي ابشارة اذا شاف الصيد يقول الحمدلله انشاءالله اسنه الجايه تهد عليه هي وفروخه

[جارح العين]

الله يعوظك انشاء الله
..

[وبل نجد]

ماتدري ويش الخيره فيه أخوي

أخوكـ:وبل نجد

[ذهال]

الخيره بما اختره الله


وتقول الله يرزقنا ويرزق أخوانا

الله هما امين
الله هما امين
الله هما امين

وتقبل مرور اخوك/ ذهــــــــــــــــــــــــــــــــــــــــــا ل

[نايف الخالدي]

بوجاسم تلفوني عندك
كان هديت عليها الفرخ نجربه
ولا بومعيض قريب منك
وماتروح باذن الله
بس خيرها بغيرها

[ابو عايد]

السلام عليكم ورحمة الله وبركاته
يابو فهيد ماتجي القمرا على هوى الساري

والسنة القادمة بحول الله وقوته فال خير عليك

[محمد الفهيد]

501 ، الاصيل ، راعي البرقا ، ذهال ، شبراق ، جارع العين
اشكركم على المرور

نايف الخالدي : مرحبا ميون جيت في بالي لاكن بيني وبينك أميال وقتنا عصير
وأبشر بالعوض يا بو أحمد وترى انتظر خوتك
مشكورين على المرور الربع كلكم
يالربع الي يشوف الحبارى ترى يفرح مايتضايق حتى لو هد عليها وماصاد

وبالنسبه للحبر الي اول الوقت السلاح موجود وحلفت على الربع مايرمونها ( وكانت في ايران ) ، عشان تعبر ويصيدها غيرنا بطيره

وابشركم صدنا اول الوقت واستانسنا
الحمدالله والله يرزق الجميع

[حب الوطن]

السلام عليكم ورحمة الله وبركاته ......

اخوي ( محمد الفهيد ) الحمد الله على كل شي ومعوض خير وهذ الصيد دوم

سبحان الله ومثل ماقالو الاولين الصيد غرات ماتدري الى وهو قدامك

وحصلت معي اكثر من مره ولكن بختلاف الطريده

الف شكر لك وتقبل مروري

اخوك / حب الوطن

[محمد الفهيد]

حب الوطن
شاكر مرورك الكريم

والصيد غرات

تحياتي

[قلب شاهين]

خيرها بغيرها ،،

والله يرزقك بالصيد ،،

تحياتي / قلب شاهين ،،