هل صحيح ان الباترول يتفكك بسرعه؟

[يا من يراعيني]

السلام عليكم و رحمه الله و بركاته
صباح \ مساء الخير
ودي استفسر من اهل الخبره في النيسان.....
هل الباترول الجديد يعني من 2007 و 2008 يتفكك بسرعه ولا لا
والله يعطيكم العافيه

[escape_man]

المجرب والي اشوفه مع العيال انه من 2002 والباترول غييير

مكينة نشيطة واقل قربعة .. ماقول مافيه قربعة ولكن مهيب القربعة الي تعودنا عليها بالموديلات الي قبل

وعلى العموم نيسان كما يظهرلي اخف وزن بالبدي وهذا الي يؤثر سلبا على متانتها من ناحية البدي ودخول الهواء وقربعة الاثاث الداخلي والله اعلم

[طحنون]

الموديل القديم صحيح يتفكك
والموديلات الجديده اقل تفكك
ماجبت شي جديد

[مسايف الطعس]

أخوي

الباترول الجديد

بس الباب الخلفي وتحط عليه شطرطون كهرب ويروح

والموتر بعد الكرف والتكسير ماعليه الي موسوس يسمع أصوات خفيفة والي عادي مايسمع شي

تحياتي

[عاشق السيل]

وعليكم السلام ورحمة الله وبركاته ،،

أخوي ،، من واقع تجارب كثيرة الموديلات من 97 وتحت ماتحمل الجلد والتكسير بشكل مستمر لذلك تتفكك وهذي الموديلات خلت الباترول مشهور بالتفكك !!

أما من موديل 98 وفوق فهي جامدة جدا ،، ( ويمكن تقول إني مبالغ ) لكن تراها اجمد من التويوتا طبعاً من 98 وفوق !!

باستثناء الربع والشاص فلا يعلى عليها بالمتانة مهما كسرتها !!

أما الباترول من موديل 2002 وفوق أفضل من ناحية النشاط وإلا البدي نفسه تقريبا ،،

ولو قلت أنا ناوي أجلد الموتر على مطناج وأرض وعرة وتكسير ومطارد ورى الصيد ،، أقولك أي موتر يتفكك ويهرقل من هالشغل سواءً الباترول أو غيره !!!

وزي ماقلت لك تراها من تجارب كثيرة والله يوفق الجميع وتقبل مروري يالغالي ....

[gsb]

ترى بعد الجكسار والفكسار وجيب الكزس لو بغيت تمشي بها صحاري تتفكك بعد وذا تفككت تستطيع اخذها للوكيل ويربطها لك 7000 ريال

[مقلع الرمث]

وعليكم السلام ورحمة الله وبركاته ،،

أخوي ،، من واقع تجارب كثيرة الموديلات من 97 وتحت ماتحمل الجلد والتكسير بشكل مستمر لذلك تتفكك وهذي الموديلات خلت الباترول مشهور بالتفكك !!

أما من موديل 98 وفوق فهي جامدة جدا ،، ( ويمكن تقول إني مبالغ ) لكن تراها اجمد من التويوتا طبعاً من 98 وفوق !!

باستثناء الربع والشاص فلا يعلى عليها بالمتانة مهما كسرتها !!

أما الباترول من موديل 2002 وفوق أفضل من ناحية النشاط وإلا البدي نفسه تقريبا ،،

ولو قلت أنا ناوي أجلد الموتر على مطناج وأرض وعرة وتكسير ومطارد ورى الصيد ،، أقولك أي موتر يتفكك ويهرقل من هالشغل سواءً الباترول أو غيره !!!

وزي ماقلت لك تراها من تجارب كثيرة والله يوفق الجميع وتقبل مروري يالغالي ....
اوافق اخوي عاشق السيل بكلامه خلال تجربتي

[دسم الشوارب]

النيسان الجدد ممدوحة وخاصة الفتك ... وقيمتنها مناسبة

حبيت اصلح للاخ جي اس بي يقول التربيط 7000 ريال ..
عسى قصده 700 سبعمية

[دفاش]

تقصد سبعمائة

[gsb]

مساء الخير أولا ً

الأخوة الكرام دسوم الشوارب ودفاش انا قصدت المبلغ هذا و ما سويت تخفيض ابدا والموتر والوكيل سوقه ماشي ههههههه.هه

وبعدين اي وكالةتبي تدخل عندهم موترك يوم اويومين وبياخذون من هالمبلغ 700 ريال والله فضيحة عليهم انت مدخلها عند بنقالي في ورشة خرابه ومكانيكي يسمع بالمكانيكا كان قبل خباز ممكن انه يتنازل زيا خذ عليك المبلغ هذا

الابوكالات لاكان بالهند ولا باكستان مدري يمكن وكالة تاتا لسيارتها نانو الجديدة

واحد من اقربائي كان معه جي اكس ار مديل 2001 والرجال مايعرف بصحراء شيء ولا يقربهارجال راعي خطوط مايجلس ابد دخل موتره الوكالة وجلس عندهم تقريبا اربع ايام وما خذو عليه شئ ابد ابد بس سبعة ألاف ريال 7000 ريال سعودي حق تربيط بس بس ربلات وجلد ومساعدات ويايات (تربيط كامل) وهو رجالٍ كل ما قالوله هذا يبي تغيير قالهم غيروه.بس ترى الكلام هذا قديم قبل 3 سنوات يمكن القطع وشغل الوكالة كان غالي وموديل الموتر كان احدث من ها لحين.

[الدحبول]

سلمات تربيط ب 7 الاف واجد
السعر يختلف على حسب نوع السيارة والقطع أصلي أو ياباني او تجاري
في اغلب السيارات مايتجاوز الاف
اقصد ياباني امريكي فقط

[الوتر الحزين]

الناس كلامها واجد
والله لو انه يتفكك كان ما طاحو الناس فيه

[د ك م 586]

انا في السابق قبل 6سنوات وقبل كنت ماارى النيسان شي وكنت ادافع عن التويوتا وامدحها وكاني انا اللي صانعها واسب في النيسان والبذات الباترول وانا ماجربته مثل العالم الان لاجربو ولا شي ويوم جربت الموتر (بعد ماشريته عن غير قناعه)ايقنت انه موتر صحيح ولي الان 6سنوات استخدم الباترول وجربت جميع الموديلات وعرفتها كلها

الموديلات قبل 97 عيبها قربعة الابواب اذاكان السواق مايحن الموتر ولها حل (التربيط عند النويصر او بن مرضاح) اما المحركات جباره جدا واقوى من التيوتا ثلاث مرات لدرجة انك تلقا موديل 91 ماشي 800 الف مكينته زي الساعه ولا تنقص وباقي المحركات من دفرنسات وقير ودبل ميه بالميه
من98 وفوق لاقربعه ولاشي ومحركات كما في الموديلات القديمه كان معي 98 سوبر سفاري يوم اشريه كان ماشي 270 الف وكديته سنتين وبعته ماشي 400الف ماحطيت فيه غير طرمبة بنزين بس علما ان الموتر كان ماشي واجد يوم اشريه وكذلك انا رجلي حاره وراعي مكاشيت اسبوعيا ونفود والله انه اهدى من جكسار مع واحد من الشباب موديل 99 مامشى الا 200الف ولا يعرف الا المزفلت لاطب بر ولا شي اتمنى ان اللي يبي يحكم على موترين او يبي يقارن بينهم انه يكون مجرب الاثنين واتمنى التوفيق للجميع

[أبو_خالد]

يالله صباح خير

اللهم صل وسلم على نبيك محمد



مثل ما قال حدا الإخوان بهالمنتدى

باترول للأبد

[باترول للأبد]

أنا مش معلق أسمي والصوره اللي في توقيعي يتكلمون

[بدون مقدمات]

والله ماجربتها (كأستخدام)
لاكن ركبتها وكلام أصحابها أنها ممتازة
محد يسبها

[أبوخطاب]

الصراحة ما جربت الباترل أبد لكن أشوفه مع الشباب
القديم ماينفع ولا بريال لا مكينة ولا بدي
أما الجديد وخاصة الفتك الصراحة إنه قوي

[(مواصل)]

مابعد جاه جلد وصحاري وانا اخوك
توهم قالو بسم الله عليه
الله يهنيك اذا انك شاري واحد

[مطر سهيل]

مع احترامي لكل الاعضاء الاعزاء يبقى الباترول هو السيارة الشعبية الاولى بالمملكة على الرغم من ذكركم لهذه السلبية الا انه يبقى الاقوى الاجرا الاحسن

[gsb]

الفتك منتشر بشكل هائل جدا في الديار الي حولها نفود

[ford]

مساء الخير أولا ً

الأخوة الكرام دسوم الشوارب ودفاش انا قصدت المبلغ هذا و ما سويت تخفيض ابدا والموتر والوكيل سوقه ماشي ههههههه.هه

وبعدين اي وكالةتبي تدخل عندهم موترك يوم اويومين وبياخذون من هالمبلغ 700 ريال والله فضيحة عليهم انت مدخلها عند بنقالي في ورشة خرابه ومكانيكي يسمع بالمكانيكا كان قبل خباز ممكن انه يتنازل زيا خذ عليك المبلغ هذا

الابوكالات لاكان بالهند ولا باكستان مدري يمكن وكالة تاتا لسيارتها نانو الجديدة

واحد من اقربائي كان معه جي اكس ار مديل 2001 والرجال مايعرف بصحراء شيء ولا يقربهارجال راعي خطوط مايجلس ابد دخل موتره الوكالة وجلس عندهم تقريبا اربع ايام وما خذو عليه شئ ابد ابد بس سبعة ألاف ريال 7000 ريال سعودي حق تربيط بس بس ربلات وجلد ومساعدات ويايات (تربيط كامل) وهو رجالٍ كل ما قالوله هذا يبي تغيير قالهم غيروه.بس ترى الكلام هذا قديم قبل 3 سنوات يمكن القطع وشغل الوكالة كان غالي وموديل الموتر كان احدث من ها لحين.


كلام سليم انا كنت عند وكالة تويوتا عام 2000 كان تذكرون الشبك اللي يجي مع الجي اكس ار اللي فوق التنده

واالا ذاك الشايب يسدد فاتورة تركيب الشبك 500 ريال والله العظيم اني احسبه شاريه قلته ياعم ليه تشري من عندهم الوكاله غالين بعدين الشبك كبير ويخرب شكل الموتر قال ياولدي ماشريته هو جاي مع الموتر والخمسميه
حق التركيب بس .

قسم بالله قهر قلتله ترى برا تاخذ شبك مع التركيب بثلاث ميه بس .

المشكله ان فيه ناس تحسب ان الوكاله احسن من غيرها ثقه زايده في غير محلها