وينكم يا أهل الخبره با الشوازن

[رامي القميري]

السلام عليكم ورحمة الله وبركاته


يا أهل الخبره بالشوازن
شوزن أم روحين جفت بلجيكيـــه مصرحه
معروضه على للبيع وبصراحه مالقيت الا هي قدامي
ومتردد أخذها ولا لا
وانا مستعجل


والسؤال : كم تصل قيمتها اذا كانت نظيفه ومصرحه
وهل تنصحوني فيها
وهل ترمي ضغوط وكم الضغوط اللي ترمي بها
لأني بصراحه لم يسبق لي أن أستخدمت مثلها


أرجو من عنده معلومات لايبخل فيها
ويرزقه ربي بكبه
تطيب خاطره

[ابوفهيدان]

اذا نظيفه ورخيصة خذها بس الله يعين كتفك
وبالنسبة للضغوطات لاتحاتي دام الفشقة ركبت بترمي
وبالنسبة للسعر ماعرف والله اقيامها

[رامي القميري]

ابو فهيدان
شاكر لك مرورك ويعطيك العافيه
ترى كتفي مهوب ناقص

أشكرك على الأفاده
وماقصرت

[ابو سفيان]

اقلك شي يخوي البلجيكي صناعتها زينه لكن انا افيدك علىالماصورتين جنب بعض فوق بعض ما ابيها ولا ابي اشوفها ولا اعرف فيها شي ان كانت جنب بعض تران ما يمجدك إلا هي وان كانت تنفض اهم شي ما تفشلك قدام الناس
واقلك شي السواجن ام طلقه وحدة وام طلقتين ما تقبل الضغط العالي سواء ركبت ولا لا
اكثرشي ضغط 36 وتقبل مروري

[رامي القميري]

يعطيك العافيه أخوي ابو سفيان
عز الله أنك ماقصرت
وبيض الله وجهك
وبصراحه المعلومات اللي أعرفها عنها
أن الماصورتين وحده تسوق والثانيه تفرش أي تنثر الحلبي
وهذي ميزه ممكن تكون زينه وممكن تكون شينه في نفس الوقت
لانك ماتتحكم بالرميه الثانيه اذا كنت مستعجل وتبي البعيد
يعني لازم تنقل الفشقه
يعني سالفتها طويله والمعروف أن البلجيكيه جيده
وغنيه عن التعريف
ولكن لم يسبق لي أن جربت هذا النوع من البلجيك


أشكرك على المعلومه

[فاقدخوي]

نصيحتي لك خذ ام خمس وريح راسك ولوكانت فلوسك قليله خذ بيكال بحدود 4000تقريبا



اما بالنسبه لام روحين عند واحد من الشباب بلجيك شكل وزين فيها بس مامدح رميها يقول ام حبه افضل منها

[جندي ساده 0]

كم قالك سعرها ؟

[رامي القميري]

أخوي جندي ساده
أخوي فاقد خوي
لاهنتو
البيكال حليله وانا عجل وابي المصرح
واللي فلوسه قليله
ويبي أم خمس ماله الا البيكــال الروسيه
بس مالقيت شي طارف حولي


وانتم تعرفون هالوقت كل العالم طالعه
أنا عندي أم سيلان
ام وحده
من طول ماصورتها مسميها العنقا
ومدسمه شاربي
بس بالكبه ودك تكسرها من القهر


أم روحين معروضه علي ب3000 ومصرحه
ونقلها سهل وهذا اللي مغليها
وانا أشوف أنها غاليه
وفوق كذا ماعمري رميت فيها وأجهلها
بصراحه


علشان كذا نزلت هذا الموضوع أستفسر فيه
كما عودتونا بالنصيحه
في مكشات
لكي نفيد ونستفيد


واذا عندكم رأي بالنسبه للبيكـــال
مانستغني
شاكر لكم هذا المرور الكريم
واهتمامكم بالموضوع


ويعطيكم الف عافيه

[رامي القميري]

أخوي فاقد خوي
جعلك ماتفقد غالي قل أمين
أشكرك على النصيحه ويعطيك العافيه
شاكر لك مرورك

[رامي القميري]

حياك أخوي
واشكرك على المعلومات

اما البيع اذا تقصد ام سيلان لا ماهي للبيع
هذي مكانها على المرتبه حقت الراكب
وخويتي بحلي وترحالي



شاكر لك مرورك