صورة مطلوب التعليق عليها بأبيات شعرية000

[راعي مرات]

الأخوة الأعزاء00جميعاً
إخترنا هذه الصورة الرائعة والتي تحكي عن نفسها000
من أختيارالغالي ( شباب الأمس من أحد المواقع) وفيها طلب التعليق عليها بأبيات شعرية
ونحن بدورنا نضعها للجميع للمشاركة عليها بأبيات شعرية حسب زاوية الرؤية لدى كلٌ منكــم نتمنى أن تتحفونا بروائعكم كما عودتمونا ( والجود دائماً من الموجود)
جميع القصائد والأبيات ستكون محل تقدير الجميع

ولكن نرجو أن تكون القصائد من إنتاج الشخص نفسه 000

والمعذرة إذا حذفنا أي رد يخالف ذالك000ولكم فيض تقديرينا

ليسهل التصفح نتمنى تعطيل التوقيع في هذه المشاركة




http://www.athagafy.com/somman/images1/Sommn3.jpg

[راعي مرات]

الأخوة الأفاضل000

يسعدني أن أضع بين أيديكــم التعليق الأول على هذه الصورة

أتمنى أن يروق لكـــم000أحبتي000




الصورة اللي حطها راعي الذوق=أنا أشهد إن ذوقه على الكل راقي
إختارها يبغي يجدد بي الشوق!!=وأنا بعيد وزاد00 شوقي00 إشتياقي
للخايع الي عله الوسم بحقوق=ذارف غديره كن يسقيه ساقي
زملوق زهره نايفٍ تقل غرنوق = والنفل00 والحوذان00 فيها متلاقي
مختلطتن 00 شيحٍ00 وبابونق 00 وذعلوق = متهاوشاتٍ 00بين زاحف وراقي
وفيها الخزامى مايقٍ تقل معشوق !!= لا عط ريحه فاع 00قلبي00 وفاقي
وإن شال فيها راعي الكيف طاروق = يزيح همٍ له زمانين باقي
وثوب الكلافة بيننا طاح مشقوق =مافيه من نكد علينا التلاقي
عندي يشادي ملك قيصر00 وفاروق = ما مثلها في مهجة القلب لاقي
*** راعي مرات***

[سامر]

<FONT FACE="Kufi Extended Outline"><FONT SIZE="22"><FONT COLOR="#FFFF00">خ</FONT><FONT COLOR="#F8FF00">ذ</FONT><FONT COLOR="#F1FF00">و</FONT><FONT COLOR="#EAFF00">ا</FONT><FONT COLOR="#E3FF00"> </FONT><FONT COLOR="#DCFF00">ه</FONT><FONT COLOR="#D5FF00">ذ</FONT><FONT COLOR="#CEFF00">ه</FONT><FONT COLOR="#C7FF00"> </FONT><FONT COLOR="#C0FF00">ا</FONT><FONT COLOR="#B9FF00">ل</FONT><FONT COLOR="#B2FF00">ا</FONT><FONT COLOR="#ABFF00">ب</FONT><FONT COLOR="#A4FF00">ي</FONT><FONT COLOR="#9DFF00">ا</FONT><FONT COLOR="#96FF00">ت</FONT><FONT COLOR="#8FFF00"> </FONT><FONT COLOR="#88FF00">م</FONT><FONT COLOR="#81FF00">ن</FONT><FONT COLOR="#7AFF00">ي</FONT><FONT COLOR="#73FF00"> </FONT><FONT COLOR="#6CFF00">ف</FONT><FONT COLOR="#65FF00">ي</FONT><FONT COLOR="#5EFF00"> </FONT><FONT COLOR="#57FF00">و</FONT><FONT COLOR="#50FF00">ص</FONT><FONT COLOR="#49FF00">ف</FONT><FONT COLOR="#42FF00"> </FONT><FONT COLOR="#3BFF00">ا</FONT><FONT COLOR="#34FF00">ل</FONT><FONT COLOR="#2DFF00">م</FONT><FONT COLOR="#26FF00">ن</FONT><FONT COLOR="#1FFF00">ظ</FONT><FONT COLOR="#18FF00">ر</FONT><FONT COLOR="#11FF00"> </FONT></FONT></FONT>




أطرب الى شفت الوجيه الجميلات=او الزهر لافاح في روضه له
أشم ريحه يارفيقي وساعات=اضم ورده ضمة الخل خله
لاجيت ابا امشي وين ابا امشي وماطات=رجلي فلا تاطا على غير زله
زل من الله تنسجه هالكريمات=سحايب الوسمي تهل وتعله
ذي زهرة فلت ورقها الخفيات=وذي استحت من شوفنا ماتفله
وذي تناديني وانا اقطف وريقات=عمري قليل لاتزيدوه قله
يافيضة لبست ثياب موشات=من النفل والروض والزين كله
منها الخزامى فاح مع سبع ريحات=مع كل لون ريحةٍ مستهله
طيور الضحى غنت وغنيت بابيات=جيتك عليل ورحت مافي عله
قالوا ترى البران عنها وسيعات=فيها الفياض الزاهره قلت لِلِه

[راعي مرات]

الغالي000 سامر000

جزل وما تجيب إلا جزل أيها الشامخ000


لاهنت مليون0000

أبيات أكثر من رائعة أجمل من ورد هذا الربيع000

شممنا زاهر أبياتك فأنسانا هذا الجدب الذي نعيشه000

نسأل الله أن يغيث البلاد والعباد000


دائماً أراك في القمة000

لاهنت

ــــــــــــــــــ

حتى يحقق الموضوع أهدافه فإنني أقدم/
أسفي وإعتذاري على حذف المواضيع التي ليست من إنتاج الشخص نفسه
أكرر أسفي للجميع0000

[ابو بسام]

أحلى مكان

أحب أنا الصمان وأعشق اراضيه=بالفيضه والروضات سحره خذاني
في الشرق وياالغرب نلقى النفل فيه=من وين ماوجهةحبه دعاني
بالله بارحمان تسقي مراعيه=يالله عسى غيثك يعم المكاني
في ام الحصن ودغيم واللي حواليه=وحسنا السبق ويا الجميلي حساني
يالله بنا ياربع الزين نشريه=احل مكان اليوم واطيب زماني

ونبس البرق

[الوهيداني]

ياالله ياعالي على الخلق من فوق=ياواحد(ن) لوهو فنا الخلق باقي

بامرك يكون اللي تريده ولا يعوق=ولاردة شئ ماتعسر وعاقي

من البحر تسوق غر المزن سوق=ومنين ماتأمره وجه وساقي

كونه بخار وسطه المى مرفوق=ومن الرعد والبرق فيه أصتفاقي

ويسوق لارض(ن) برها دهر محروق=يحيي بها عود(ن) قفاه أحتراقي

واليا جلست بخايع(ن) فيه رقروق=وصدع زبيديه بقاع(ن) رقاقي

تجمع منه وتبيع زوده هل السوق=ومنين ماتمشي لطلعه تلاقي

ونوير عشبه صف ماهو بمفروق=تشهاه لو منته براعي نياقي

ومن السهل لارحت يم الجبل فوق=لقابه الحميض حلو المذاقي

يارب غثنا غيث ماهو بمفهوق=أرضك وغثها من اليمن للعراقي

ياصورة(ن) خلتني أبدا ء بطاروق=صورة ربيع(ن) مابقاله بواقي

الوهيداني

التنسيق بواسطة راعي مرات

[منصور]

يا ليتني ماشفت زين الفياض = شبت عليا جروح ضامر كدرها
شفت ربيع وزهر ورياض = وذكرت الحطب والنار وشهبها
واطيب رجال مخوتهم قياض = ودلال واردالرسلان جمر تحتها
وبراد وفراش وخيام بياض = وقدر كاتم ولحمة الحاشي وسطها
وكل زين بكم السعد فاض = والحمد للي ابدع الارض و صورها

[راعي مرات]

الغالي ابو بسام 00

تسلم أبيات رائعة وأحلى قصيدة

لاهنت


دام عزك000

[راعي مرات]

الرائع00الوهيداني

ياعسى عمرك طويل ويسعدك على ها الأبيات الرائعة00

تسلم أيها الغالي000

لاهنت

[راعي مرات]

الغالي000 منصور


تسلم ياراعي جده على هالهطول العذب


لاهنت أيها الشامخ

أبيات رائعة

[الوهيداني]

راعي مرات.. و من قال يسلم



وهاذي تلبيه لطلبك يا ابو عبدالله وتستاهل قصيده

لك يا الطيب ماهي لصوره تحياتي العطره


تقبل تحيات


الوهيداني

[راعي مرات]

سلمت وغنمت أيها الغالي


تسلم ويسلم رأسك يالوهيداني00

والطيب لك ولشرواك حيثك طيب


دام عزك00

[العاس]

هذا قصيدة بس أعذرونا ترى الوزن لك عليه والقاف
بس اعذرونا :D



أقول انا لمكشات ولراعي مرات=أحلى معاني الشكر تستاهلونه

الشكر مصحوبٍ بجزلات الأبيات=من مبتدي عيا يلاقي مرونه

المنظر اللي حط بالقلب حسرات=ذكر حبيب البر منوة عيونه

ريح النفل ريح البكار الخوندات= لاشمه المشتاق طابت طعونه

يالله ياخلاق سبع السموات= تهل غيثك صافيٍ من مزونه



نسقت بواسطة راعي مرات