تكفون يا أهل الخبره......

[الحر النداوي2]

السلام عليكم ورحمة الله وبركاته


مساكم الله بالخير جميعا حبيت اسألكم لقيت لي طير بس مادري وش نوعه لأن الخبره قليله وودي أطرحه وحاولت معه لي أسبوع بطريقة شبكة الحمامه ولكن ما ادري وش المشكله ما جابته نزل عليها مره وحده وشطفها مرتين وراح وتركها ابي تفيدوني بالطريقة هل اذا شفته ارمي له الحمامه وأنا فالسياره والا كيف علما بان الطير له وكر يروح ويجي له
والا فيه طريقة أنفع من الحمامه ومتى اغلب وقت يكون جائع الصباح أو العصر
و في النهايه اذا عجزت اطرحه ابرميه
أفيدوني الله يفيدكم..........

[ابوفارس 5350]

انتبه لاترميه ماريح تستفيد شي الصقر مايوكل حط اله حمام فري قمري قطه صوص دجاج احسن فتره الصباح اوبعد العصر وحذ فله الزريق ونت ماشي بسياره ولا تاقف حاول انك تشوف الطير وهو مايشوفك وجلس دربل عليه في سيارتك وضع ثقل في حبل طويل وربطه في الشبكه وتوقع لوتطلب من اي واحد من الي بل منتدا وتبيه يساعدك اويكون قريب من المنطقه ماريح يقصرون وذ انت قريب من ابشر بس لالالالالا ترميه تكفى اذ كان صقراوغيره او يكون ضايع من احد وتبشره فيه ويعطيك البشاره

[عبدالله هدد]

السلام عليكم
اخوي افضل وقت لشبك الطير الصبح يكون توه مصرف علف البارح وبحاجه للعلف
جرب الحمام بس لا تهدله حمامه ريشه كامل انتف منه خل طيره ضعيف شوي
وذا ما نفع معه الحمام حطله سمانه في ارضية جربوع بس الارضيه خفيفه حطله ثقالة ولا اي شي علشان ما يقواء يطيربه وذا ما نفع معه الحمام ولا السمان عليك بم خمس تنخله نخل
والله يوفقك وتصيده


اخوك عبدالله هدد

[ابو سفيان]

ليش ترمية ذنب تاخذه في رقبتك وانت تقول لطير ماكر يرحلة يمكن الطير مفرج تاكد ان كان مفرخ الله يعينك كل يوم تعطية حمامه ولا قمرية طلق إلى ما تطير فروخها يسير اغريت امهم من الحمام والقماري الي اعطيتها قبل لا تكبر الفروخ شبك الحمام والقماري والسمان وطشها يسير تمسك امهم والفروخ معها احسن من انك تمسك الحين الطير ويكون عندها فروخ وتموت برضه اخت ذنب ثاني اتركها عندي حاليا ماكرين لشواهين وانا استني الفروخ تطير وامسكها

[جارح العين]

اذا تعرف وكره حطله فريه بقرشعه قدام وكره واربطها بخيط عشان مايطيربه
والله يرزقك انشاء الله...

[طير الهقاوي]

صبحك الله بالخير انا عندي الطرق كثير بس والله العضيم اني ناقد على قولتك بترميه الطير نفس ونت بتذبحلك نفس على غير فود لك الله يهديك بس

[خشف.]

ان شاء الله يفيدونك اعضاء الخيمه اكثر

[الحر النداوي2]

يالربع الله لايهينكم على المعلومات الطيبه واليوم حطيت له جربوع قبل الفجر
وجيته الصبح ونزل عليه بس كالعادة شطفه مرتين وراح وتركه.........

[واكس]

يالربع الرجال مهوب ذابحه يمزح وانتم ابلشتووووه

[واكس]

النداوي شد حيلك لا تخليه تكفى ترى اسمك الحر النداوي

[واكس]

وليتك تصوره لنا

[القرناس المهاجر]

الحر النداوي .. الله يسعد ايامك :) منهوا طال عمرك إللي يتشرّه في ســميه :D من رأيي ونا اخوك إنه في مثل هذه الأيام صيد الطيور مامنه فايده:no2: خصوصاً القرانيس سواءً شيهان أو حـر .. وطيرك هذا حذر بالحيل لأنه متلوع من الشبة :D ويمكن عنده ماكر ومعه ونيس ويفكرون بالتكاثر .. وانت الله يهديك ابلشته بحمامك وجرابيعك اللي تذري بها من حولة :D وانصحك بتطبيق المثل القائل .. كل شي في وقته حلوا :good: .. تمنياتي لك بالتوفيق

اخوك .. القرناس المهاجر :good:

[راعي البرقا]

الحر النداوي .. الله يسعد ايامك :) منهوا طال عمرك إللي يتشرّه في ســميه :D من رأيي ونا اخوك إنه في مثل هذه الأيام صيد الطيور مامنه فايده:no2: خصوصاً القرانيس سواءً شيهان أو حـر .. وطيرك هذا حذر بالحيل لأنه متلوع من الشبة :D ويمكن عنده ماكر ومعه ونيس ويفكرون بالتكاثر .. وانت الله يهديك ابلشته بحمامك وجرابيعك اللي تذري بها من حولة :D وانصحك بتطبيق المثل القائل .. كل شي في وقته حلوا :good: .. تمنياتي لك بالتوفيق

اخوك .. القرناس المهاجر :good:
ماأزيد على كلام أخوي شي . والله يوفقك

[واكس]

ما قصرو الشباب معك

[الحر النداوي2]

والله من ناحيت ما قصروا اكيد ما قصروا

والله يرزق الجميع....

[الطبشي]

حاول يالنداوي ويقول المثل من صبر ظفر

[شبراق]

ياخوي الله يرحم والديك لالالالالالالاترميه انتبه ترى مايجوز قتل الجوارح من دون فائدة
شف انا مستعد اساعدك بالي تبي لوجه الله ولا ابي منك الا الدعاء ارسلي رقمك ابشر بالي يشبكه لك انشاءالله بس اهم شي انك تكون قريب من
وترى الوقت ماهو وقت شبك افضل شي اول الوقت قيمته تظاعف وانت ابخص من والله يرزقنا وياك انشاءالله