أسرع طبخة متداولة في الامارات

[اماراتي بطران]

السلام عليكم ... ولا ما يحتاج لان الموضوع سريع جدا :p

احم احم مدة التحضير خمس دقايق وعشر ثواني لربات البيوت


الموظفات والموظفين المستعجلين صباحا وظهرا ومساءا :confused:

اليوم حبيت اقدم لكم طبخة اماراتية سهلة وسريعة التحضير

المقادير:
2 روب يعني زبادي حجم كبير
1 لبن اب + 2 جبس عمان
4 فص ثوم مطحوونة ومدقوقة دق البلى
خمس : خبزات عربية ساخنة للخلط

زيت للقلي

الطريقة:

نسكب الروب في اناء كبير ونخلطه مع اللبن وبعدين انحمر الثوم في


المقلاة ونضيف جبس عمان = بطاطا مقلية للاطفال :cool:

وعقب نحطه فوق الورب ونخلطه مع الخبز هذا هو حليب وخبز مخلوط

وووبالعافية عليكم ,,, ها شو رايكم في السرعة

:j يفضل مع البصل عشان تفتيح الذهن طوال اليوم !

[ولد الدواسر]

تسلم على الطبخة وما قصرت

[ابوفهيدان]

هاذي مو طبخة هذا حوسة اطفال في المطبخ شبس مع روب لييييييييش
دق تلفون وبيجيلك المطعم
هههههههههههههه
مشكور علي الطبخه بس ياليت لو في صور يمكن نقتنع

[قلب الداهيه]

مشكور يالغالي
لكن ليتك صورت لنا الطبخة 00

[بو سعود الكتبي]

هذي ليست طبخة اهل الامارات :o :(

[واكس]

وش ذا طبخه غريبه صراحه
وبعدين وشو جبس عمان.؟

[الأبرق2008]

فعلا خبطة سريعه
وبعدين ما يصلح جبس السعودية مثلا

هه هه هه هه هه
حقيقه طبخه حلوة لكن نحتاج صور المقادير مشكورررررررررررر

[قناص الفيافي]

هذي طبخه من أختراعك !! أهل الأمارات مايعرفون هذه الطبخات !! من يفطر الصبح على جبس عمان و ثوم غيرك . إتقى الله أن كان هذا فطورك الصبح روح تزوج أحسن لك قبل لا تروح حياتك !!! جبس عمان وثووم وروب و خلاطه شو أنت تسوي قنبله !!!

[سلطان المغيري]

مشكووووووووووووووووووووووور

[_تذكار_]

وشو جبس عمان ذا

[واكس]

وشو جبس عمان

[الوحش الهادي]

وشو جبس عمان

[المزروعي]

الله يهديك أخوي !! في حد يبدأ يومه بجبس عمان وروب و ثوم. كيف تريد يتفتح ذهنك الصبح على هذه الاكله .. وبعدين هذي أكله خاصه بك ومن إختراعك مش أكله إماراتيه ! جبس عمان فيه أصباغ و مواد حافظه و الكثير من الناس يحذر منه . أبدأ يومك بحليب مع عسل حتى لو كان حليب طازج من السوبرماركت أفضل لك ألف مره من هذي الاكله الغريبه .

[كشاات]

اقول يوم تاكل الجبس الظاهر بطنك فيه كسر مضاعف

[السنع كله]

انت علامك مايستوي جبس وروب ثم كيف تقول متداوله بالامارات وانا من اهل الامارات اول مرة اسمع الطبخة

[أسامي]

:j يفضل مع البصل عشان تفتيح الذهن طوال اليوم !

اشم رائحة مكيدة

[اماراتي بطران]

http://www.x3x2.com/up/uploads/d35ac5f96f.jpg

يا كثركم ما ادري كيف ارد عليكم كلكم ولكن خير الكلام ما قل ودل جبس عمان يمدحونة لانة

ما فية مواد حافظة ويمكن استخدام جبس السعودية او الامارات اهي كلها بطاطا مقلية والسلام

وبالنسبة للاخوان من الامارات يمكن لانكم تسكنون في المدن وانا من قرية حتا في دبي وهي

بعيدة عن العمران نوعا ما ,, زعلانين على البطاطا المقلية وانا شفت سعودي ياكل ضب :no2:

:( :( :( ترى امزح ويا هلا وغلا ومسهلا :eek: :eek: :eek:

[فل اوبشن]

اماراتي بطران انت كاتب جبس والشباب يحسبونه جبس مادة

تدخل ضمن مواد البناء .. بعدين اسمه شبس بالعافيه عليك

حياك الله اخوي

[سعيد1000]

ياشين البربسة والحوسة جتني حموضة من الكلام فقط

[مزنه مشعلاني]

ماحد يتكلم الا بعد مايجرب
عيب عليكم تقولو كذا عن الرجال
يقول اكله امارتيه
ومو ضروري ان كل اهل الامارات يعرفونها
فالامارات فيها قرى وباديه و عادات وتقاليد
كما ان هناك اكلات بالسعوديه مايعرفها الا اهل المنطقه الخاصه فيها
كذلك الامارت
مستعده اقول 3اكلات والله مايعرفها الا ناس خاصين
مثلا الخميعه اكله سعوديه مشهوره
الدويفه اكله سعوديه مشهوره
الخنفروش اكله كويتيه مشهوره
صب القفشه اكله كويتيه مشهوره
ليه تشكون
جربو اول وبعدين تكلمو
وللمعلموه الجبس يقصد الاخ فيه التشبس اي البطاطس المقلي
وصدق في تحديده العماني لان الانتاج العماني مضمون اكثر من غيره وعن نفسي ماخلي زوجي يشتري زيت الا زيت انتاج عماني
ارتاح له نفسيين
شكرا امراتي بطران

[الوحش أبويوسف]

ماشاء الله ..

الله يحفظك ..

[مخاوي الخير]

يعطيك العافيه اخوي

اسرع واللا ابطأ كلها رح تنأكل

[بيرتا]

ماحد يتكلم الا بعد مايجرب
عيب عليكم تقولو كذا عن الرجال
يقول اكله امارتيه
ومو ضروري ان كل اهل الامارات يعرفونها
فالامارات فيها قرى وباديه و عادات وتقاليد
كما ان هناك اكلات بالسعوديه مايعرفها الا اهل المنطقه الخاصه فيها
كذلك الامارت
مستعده اقول 3اكلات والله مايعرفها الا ناس خاصين
مثلا الخميعه اكله سعوديه مشهوره
الدويفه اكله سعوديه مشهوره
الخنفروش اكله كويتيه مشهوره
صب القفشه اكله كويتيه مشهوره
ليه تشكون
جربو اول وبعدين تكلمو
وللمعلموه الجبس يقصد الاخ فيه التشبس اي البطاطس المقلي
وصدق في تحديده العماني لان الانتاج العماني مضمون اكثر من غيره وعن نفسي ماخلي زوجي يشتري زيت الا زيت انتاج عماني
ارتاح له نفسيين
شكرا امراتي بطران

زش الاكلات المعروفه عساه الخنفروش

وياخي لو اتك ماكل الصامولي ساده ابرك

وبنطفي النور ما ودنا احد يزعل ولا فيه كم ذبه ورمعه :D

بس حلو ه روب وجبس والسراميك بالصاموليه الجايه

[القصبي]

يعطيك العافية بس ماعرفت من اكلات السعودية الا
الدويفه اكله سعوديه مشهوره
واسمها الدويف وكلمة قديمة معناها الظاهر الاكل الردئ بقايا دقيق وماادري ايش

[اماراتي بطران]

ماحد يتكلم الا بعد مايجرب
عيب عليكم تقولو كذا عن الرجال
يقول اكله امارتيه
ومو ضروري ان كل اهل الامارات يعرفونها
فالامارات فيها قرى وباديه و عادات وتقاليد
كما ان هناك اكلات بالسعوديه مايعرفها الا اهل المنطقه الخاصه فيها
كذلك الامارت
مستعده اقول 3اكلات والله مايعرفها الا ناس خاصين
مثلا الخميعه اكله سعوديه مشهوره
الدويفه اكله سعوديه مشهوره
الخنفروش اكله كويتيه مشهوره
صب القفشه اكله كويتيه مشهوره
ليه تشكون
جربو اول وبعدين تكلمو
وللمعلموه الجبس يقصد الاخ فيه التشبس اي البطاطس المقلي
وصدق في تحديده العماني لان الانتاج العماني مضمون اكثر من غيره وعن نفسي ماخلي زوجي يشتري زيت الا زيت انتاج عماني
ارتاح له نفسيين
شكرا امراتي بطران

يا حي بج الحي راعية الحي ,, انتي للجنة وغيرج للن:no2:

صح الله لسانج يا بنت العم . مالت على طوال الشوارب

ان ما فرقوا بين الجوتي والجوارب :D امزح ترى وجع

[عبّار]

هذا مب طبخ هل الامارات يا الطيب
الله اعلم من وين يا يبنها!!!!!!

[قناص الفيافي]

يا بوالشباب أحنا عارفين أنك تقصد بطاطس عمان لكن أنت قلت جبس و حنا ردينا عليك بنفس الكلمه !! و عارفين أن ما حد ياكل جبس الذي هو للبناء الله يهديك !!!
إحنا نصحناك بأكل صحي تبدا فيه يومك !! مش بطاطس و فلفل و ثوم !! والاخت التي أعترضت على هذا الكلام هل هي بتسمح لأولادها أو أخوانها بأكل البطاطس الصبح مع فلفل و ثوم قبل الذهاب للمدرسه !! أشك في ذلك . فالرجاء بلا مجاملات و قول الحق لا يزعل !! و سواء كنت في حتا أو أبوظبي أو دبي أو العين كلمة جبس معروفه أنها بطاطس يعني هذي كلمه هب جديده علينا .

[mutleb]

هذي اكلة اخوي والا خلطة ........هههههههههه

أكلة مشهورة بالسعودية خبز مع جبن (( انتبه لايصير دنمركي )) مع كاس شويهي

وكل لين يطلع مع خشمك

الله لايهنك على الطبخة الغريبة لا وثوم بعد

[اماراتي بطران]

السلام عليكم ورحمة الله وبركاتة

اولا يا قناص الفيافي انت شاعر وشو عرفك في الطبخ الله يهديك ويخلي الدجاجة للديك

و انت يا mutleb مدري وشو اسمك مشكور الله يعطيك العافية ومثل ما قال الشاعر :

في اول مشاركاتي حطمتوا ...كل ابداعي وامكانياتي

لقد طبخت لكم جبساً وبطاطا ... فماذا لو طبخت برياني

جزاكم الله خيرا وشكرا لكم :no2:

[اماراتي بطران]

ما أدري شو تقصد بكلامك يوم تقول الله يخلي الديك للدجاجه !!!

لكن أنا بقولك شي هذي الاكلات إحنا أهل بوظبي ما نعرفها !!! في حد يا كل شبس و فلفل وثوم الصبح !! ليش ما عندك طباخ و لا عايش في الشارع (حذف من اماراتي بطران)!!!:cool:

أنا قلت هذي مش أكلة أهل الإمارات و أهل الأمارات في غنى عن هذي الاكله إللي ما يعرفها إلا أنت و أشكالك !! :no2:
و أنا صحيح ما أعرف أطبخ تدري ليش !! لأن عندي عشره مثلك يشتغلون في المطبخ يعني مش بحاجه أطبخ يا (حذف):no2:
وتراني عازمنك على عرسي بعد شهر لازم تشرفنا حتى أشوف كيف شكلك .:confused:

أخوك قناص الفيافي .

اخي الفاضل : جزاك الله خير على هذة السنفونية الرائعة يا بتهوفن بني ياس وما جاورها من القرى

انا قلت الله يخلي الدجاجة للديك موب الديك للدجاجة مالت على اللي تاحذك ما قدرت ارد عليك فالخاص

لانة ما عندي 150 مشاركة يوم انك ما تعرف تطبخ ليش تفتي فالموضوع وتشارك فية وانت يا اخي لو

عندك طباخ واحد كان ما شفناك ميت من الجوع :D وادري اني بهالموضوع جرحت كرامتك :j واعتذر لابناء قبيلتك :D :D

وبالنسبة للدعوة / تراها مقبولة وبالمبارك :D

[F J]

والله يا ويلك من اهل المارات
ط

بياكلونك بدل الجبس

[دهران]

الأخ الغالي / اماراتي بطران

يعطيك العافية على الموضوع (( الغريب ))

وترى الشباب زعلانين من كلمة (( متداولة )) فقط وإن قالو عكس ذلك .

بالنسبة لي أسميها وجبة (( خاصة )) وأسلم من الكلام والتحطيم :D
وتراني مثلك عندي وجبة (( خاصة )) بالشيبس :confused:

في ما مضى كنّا مولعين بهالسيبس الله لا يجزى عدو من يصنعه بالخير ...

إلى درجة إننا كنّا نخلطة مع (( قرص الجمر )) :j هوس غريب


وهذي صور من وجبتنا الخاصة :


http://www.mekshat.com/pix/upload02/images71/mk17809_chipssss (1).jpg

http://www.mekshat.com/pix/upload02/images71/mk17809_chipssss (2).jpg

http://www.mekshat.com/pix/upload02/images71/mk17809_chipssss (3).jpg

http://www.mekshat.com/pix/upload02/images71/mk17809_chipssss (4).jpg


يا أخوان هدوا الوضع شوي الرجال نزل موضوع وما يستاهل إلا إننا نقوله (( شكراً ))

وأنا من ناحيتي أقول لك يا (( اماراتي بطران ))

شكراً والله يعطيك العافية.

[الخادم]

الغالي
اول مرة نسمع الجبس يحط مع الاكل مثل
1 لبن اب + 2 جبس عمان
لكن وش جبس عمان يالغالي
مامثل اللحم ابد مايمسك البطن الا هو ;) :o ;)
تراني امزح

[اماراتي بطران]

الصراحه أنا حبيت أعتذر لك عن الكلام إللي قلته !! لأنك استفزيتني كثير و أنت لا تعرفني و أنا ما أعرفك . و الشغله كلها ما تستاهل الموضوع كله عن الطبيخ !! و جبس عمان !!!!!!!!!

أرجوا تقبل إعتذاري مره أخرى.

ما عليك مسموح يا ابن العم ترى انا اسخن بالغاز وابرد بالهواء الطبيعي :D وانا مسامحك يا ابني :)

وانت يا fj مشكور ع المرور وانا ما اخاف من اكبر شنب :no2:

والاكل موب عيب ولا حرام حتى لو كان جيبس عمان ولا الامارات

[اماراتي بطران]

الغالي

اول مرة نسمع الجبس يحط مع الاكل مثل
1 لبن اب + 2 جبس عمان




في بداية الموضوع حصل خطأ فني تسبب في ازمة خطيرة على

مستوى المطابخ الشعبية وكان
قصدي أسرع وجبة افطار متداولة في الامارات :j

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

وعلشان تعرفون إني موب غلطان وعلى حق أكيد شفتوا

عمكم دهران يسوي مثلي انا بالضبط ويخلط بطاطا وثوم على

لحم مفروم على فقع . اشكرك يا دهران انصفتني يا اخي

:director: :dance: :director: :dance: :director: :dance: :hot: :hot:

[F J]

[
وعلشان تعرفون إني موب غلطان وعلى حق أكيد شفتوا

عمكم دهران يسوي مثلي انا بالضبط ويخلط بطاطا وثوم على

لحم مفروم على فقع . اشكرك يا دهران انصفتني يا اخي



دهران اكبر شيف بمكشات


ولا احد يقدر يعيب طبخه ابد


بس مو فطووور... الناس تقول اصبحنا واصبح الملك للله ويالله تمرتين وفنجال وانت تقول بصل
حرام عليك

[أبو بندر 2005]

مشكور على الطبخة ذكرتني ايام الأبتدائي كان بعظهم يسويها ههههههه يعني سبقوك البزران عليها

[حيمور]

اولا احب احيي الاخ بطران الامارات على روحه المرحه ولو اني اضن انه حب يلاعب الشباب ويضحكهم طره ما عمري ضحكت اكثر من اليوم من الاخ البطران ومن التعليقات الي ردت عليه بس انا احس انه الموضوع مو غريب عليك فانت بطران يعني مو اي اكله تعجبك لازم يكون فيها غرابه وفن الله يعطيك العافيه .

[عين الداب]

مشكوووووووووور وموفق

[يحيي بن حمد]

مشكووووووووووووووور





































والله ياهم استقعدوله

[قشاع الرمث]

السلام عليكم ورحمة الله وبركاته

غريبه هالطبخه ...

[الساخن]

http://www.bawasel.com/forums/images/smilies/3D%20Smiles%20%28313%29.jpgمشكور

[ذيب السمار]

يا مصيختك !؟؟!

[اماراتي بطران]

هههههههههه مشكور يا حيمور :p جزاكم الله خيرا

واضحك الله سنكم :D يا جماعة الخير

اقول يا ذيب السمار :confused: :confused: شايف البعير الابيض اللي في توقيع الاخ عين الداب : تراه

يشبهك وفوق هذا قاعد يبتسم لك :j وجزاك الله خير :)

اتمنى الاكلة عجبتكم وحبيتوها وبالرفاه والبنين وصحة وعافية واعتبر الموضوع انتهى :D :D

[المزروعي]

هههههههههه مشكور يا حيمور :p جزاكم الله خيرا

واضحك الله سنكم :D يا جماعة الخير

اقول يا ذيب السمار :confused: :confused: شايف البعير الابيض اللي في توقيع الاخ عين الداب : تراه

يشبهك وفوق هذا قاعد يبتسم لك :j وجزاك الله خير :)

اتمنى الاكلة عجبتكم وحبيتوها وبالرفاه والبنين وصحة وعافية واعتبر الموضوع انتهى :D :D


والله أنك ضحكتني يا إماراتي بطران على ردودك المرحه !!! لك مني ألف تحيه

[ريح الرمث]

اماراتي بطران ، سبحان الله أجبرت الجميع على الاعتذار بسبب رد الاساءه بالاحسان :)

[موتي]

الله لا يهينك اخوي اماراتي بطران

نبي منك اسرع غداء اماراتي واسرع عشاء اماراتي

اذا كان ما عندك مانع

[no fear 78]

يعطيك العافيه ما في صور

[طحنون]

ههههههههههههه
يازين القدوع الصبح
تمروقهوه مهيله مظبوط
ون حصل حليب وبعد ساعه او اكثر
كبده الحاشي او فول من عند فواله الهلال اطلب منه فول اسمه صلاحي الله يصلحهم بس خلوني ادمن عليه اوحمص بالكبده او على وشووووووووو(فول بالحمص)
او سبع تمرات وحليب السعوديه وبيضه مسلوقه افضل من اللي قلته كله

[محمد6655]

هالطبخه خلطه ولا تصلح فطورواسرع من هالطبخه الواحد يقلي له بيضتين وبس 0000

[بردوق صندقان]

الصراحه وجبه مسكته

[كلكلي]

اتوقغ الي ياكل هذي الطبخه على الفطور لازم مايداوم لان الغازات ما بتوقف ...
مشكووور على الطبخة ونبغي صور لها

[manfromjubail]

مشكور أخوي إمراتي بطران

بصراحة وبدون زعل ولا عتب أول ما قريت الموضوع مغصني (عورني) بطني


لكن بعد ما قريت ردك وتعقيبك الثاني إرتحت إشوي وخف الصوت والألم من بطني

وبعد ما قريت رد الأخت مزنه مشعلاني قررت إني أجرب هذه الطبخة إذا عزبت (بعيده شوي ) بس راح أجربها أوعدك بذلك

ومره ثانية أشكرك إنت والأخت مزنه

تقبلوا مروري

[ALBDRANE]

مقادير ورشة سيارات .......الظاهر ان الموت اسرع مع طبختك العجيبة

[اخت الشقرديه]

وش فيكم على البطران تراه ماسوى جريمه سوى طبخه
الي تعجبه يسويها والي ماتعجبه يقول ماقصرت
تراه مجتهد ولو هي ماعجبته طبخته مانزلها لعيونكم
بس انتم الله يهديكم علشان تعرفون مندي ومضبي ومدفون وحنيذ وغيره
شفتو نفسكم عليه
صراحه انا ماني راعية ندي ومشتقاته وبغيت انزل لكم كم طبخه قريبه من طبخة بطران
بس الحمدلله ماتوهقت وتهورت وجيتكم بالطعات قصدي الطبخات
بطران اذا عندك غيرها اتحفنا تراني سويت طبختك طلعة رووووووووعه جربوها را ح تحبوها
بخصوص الثوم والبصل على الفطور ترى فيه اعظم فايده للجسم وهي تنقية الدم من السموم
شوفو خوانا المصاريه وش يفطرون عليه مع الفول(فحل بصل)
ومافيه انظف من مخهم