تكفون ...ابريق الشاهي الستيل الكوري10-18.... وين احصله؟؟؟

[البّري]

اخواني في مكشات

السلام عليكم ورحمة الله وبركانه

ابريق للشاهي ستيل10-18 (مثل اللي بالصورة المرفقة)

http://www.mekshat.com/pix/upload02/images65/mk40042_fotka_640.jpg

تعبت وانا أبحث عنه في الاسواق ولم أجده

كل ما سألت راعي محل قال انقطع ولا يوجد الا الصيني

وسبق ان طرح الموضوع هنا واعياني البحث عنه ولم أجده أيضاً

ولمن يجد الإبريق أو الموضوع الذي يتكلم عنه حياً أو ميتاً ..ههه جائزة لا تقدر بثمن

فمن هو راعيها

تكفون لا تبخلون على اخوكم بالارشاد والتوجيه


محبكم البرّي

[ALBDRANE]

عندي مثله مستعمل أستعمال حشمة كانك بتشريه مني تراني ببيعه وأذا تبيني أرفق الصورة ما عندك مشكلة

[أبومنصور]

هلا بالبّري
كان عندي 10/18
ودرباه الشعيب يوم من الأيام يالله لحقنا نطلع السيارات
المهم اني دورته ودخت مالقيت الأ 8/18 ( 1) لتر
شريته قبل شهر
وما ليقت اكبر منه الأ حق التفويح اظنه 4 لتر
واللي شريته يختلف شوي
الأول الممسك والبلاستيكه اللي على الغطى لونها اسود
والجديد بلاستيك لونه خشبي


اذا تبي مثله ابشر مالك الأ من يجيبه لك
وشف هالرابط راح يفيدك بعد
http://mekshat.awalnet.net.sa/vb/showthread.php?t=73760

[عرق رملان]

هلا بالبّري

كان عندي 10/18
ودرباه الشعيب يوم من الأيام يالله لحقنا نطلع السيارات
المهم اني دورته ودخت مالقيت الأ 8/18 ( 1) لتر
شريته قبل شهر
وما ليقت اكبر منه الأ حق التفويح اظنه 4 لتر
واللي شريته يختلف شوي
الأول الممسك والبلاستيكه اللي على الغطى لونها اسود
والجديد بلاستيك لونه خشبي


اذا تبي مثله ابشر مالك الأ من يجيبه لك
وشف هالرابط راح يفيدك بعد

http://mekshat.awalnet.net.sa/vb/showthread.php?t=73760


بعد إذن صاحب الموضوع

احب اقولك يا فيصل بيض الله وجهك يالذيب
والله يعلمك غانم

[القيادي]

عندي مثله مستعمل أستعمال حشمة كانك بتشريه مني تراني ببيعه وأذا تبيني أرفق الصورة ما عندك مشكلة
اللهم لك الحمد ،اللهم لك الحمد

[الناب]

في محل شايف عنده
بس أبي أتأكد هو كوري ولا صيني

وبأرد عليك أذا رحت له طبعا بعد أربع أيام

لأنه مو في نفس المدينه ألي أنا فيها

بس عندي سؤال وش الميزه ألي فيه؟؟؟؟؟؟؟

[سرهيد]

للآسف فعلا هو منقطع

ولو هو عندي والله يفداك وببلاش طال عمرك

بس العين بصيرة واليد قصيرة

[ابو عمار000]

اخوي ALBDRANE (http://mekshat.com/vb/member.php?u=34504)
ترى راس ماله بريق ومع ذلك تبي تبيعه على الرجال لا ومستعمل بعد الظاهر لو اقول لك تبيع علي ثيابك الي انت لابس كان بعتهن علي لكن مااقول الا الله لايبلانا واقول لباقي الشباب جزاكم الله خير على ردودكم الطيبه واخص اخوي سرهيد وشكرا

[قاطع الفياض]

أمسي على أعضاء منتدى مكشات بالخير وأقول للبري على حدعلمي أن البراد منقطع من السوق ولكن أحتمال تلقاة بالأسواق القديمة الموجودة باهجر وبانسبة ALBDRANE (http://mekshat.com/vb/member.php?u=34504) أقول حسايف تراة براد سعره من 15-30 ريال لا ومستعمل بعد أقول والله مألوم أخوي أبو عمار يومة يشب عليك ........

[الحقنة]

اذا انت في الرياض مر على محل البرية مخرج 14 يمكن تحصله عندهم

انا لقيت عندهم بريق كوري ستيل القديم بس شكله غير اللي انت مصوره وسعره عندهم بــ(50) ريـــال

وعندهم حجمين كبير + وسط

واي شي تبيه آمر....... وأجيك اطامر..!!

[مسامرالليل]

الاخ الكريم : البّري
ابشر بسعدك ياالطيب , انا شريت ابريق استيل كوري منذو فترة وهذه صورته لكن مقاس صغير 1 لتر
وهو مقاس 8-18 , ماهو مقاس 10-18
يعنى حق جمر , ان جازلك مريت راع المحل واذا باقى عنده من هالنوعية ارسلتلك واحد , بانتظار ردك
ولاتضيعنا من الجائزة هههههههه

هذه علبة البراد

http://www.mekshat.com/pix/upload02/images56/mk27877_pic001.jpg

وهذا المحروس المطلوب القبض عليه

http://www.mekshat.com/pix/upload02/images56/mk27877_pic002.jpg

[ابـ معزي ـو]

اذا انت بالرياض
مر محلات الهزازي
راح تلاقي عنـدهم بأذن الله
.
ومحلات الهزازي غنيه عن التعريف

[هدد688]

اخوي البري جرب بريق العدن

والله انه ممتاز حق شبة ضويه وشاهي خادر

[بارود برنو]

هالبرادي عندي صناعه كوريه له 18 سنه

لا وصيك فيه

[عشانا]

اعتقد عند محلات يوسف المحيميد ببريدة شارع الصناعة تجد عنده كل شي لاتجده عند غيره

[البضيع]

تكفون يجماعة الخير اللي يلقى الابريق هذا لو بالصدفة عند اية محل يكوش عليها كلها يشتريها ويعرضها بس على اعضاء مكشات حتى لو يبيعها علينا باضعاف القيمة

[abdulrhmank]

للآسف فعلا هو منقطع

ولو هو عندي والله يفداك وببلاش طال عمرك

بس العين بصيرة واليد قصيرة

[دغيم1]

السلام عليكم ورحمة الله وبركاته
أسعد الله أوقاتكم بكل خير
نعيش في هذا الوقت بأدوات تجارية لاتساعد على إستخدامها في الرحلات البرية ، وذلك يعود لرداءة الصناعة وعدم تحملها الأعمال الشاقة .
ولكن ... يبقى للجودة عنوان . وهي أن بعض الصناعات تنقطع ويكون لها وجود عند بعض المحلات في المستودعات ، وتعلمون أن المستودعات كبيرة والبحث عن قطع صغيرة صعب .
فمثلا قبل فترة وجدت الإبريق المعدن الهندي الأصلي ابو تاج ودلة الملقمة ( التفويح )هو موجود منه شكل ثاني ولكن أخف .
وكذلك بعض الدلال الرسلان ، لذلك يجب عليك البحث عن الأصلي والأفضل من الآن والاحتفاظ به ، لأنه بعد فترة لن تجد الأصلي ولو دفعت فيه ضعف مبلغه .
وكرر زيارتك لمحلات الأواني المنزلية بالجملة بشكل دائم حسب اوقاتك وستجد مطلوبك .
تقبلوا تحياتي