يوسف الخليفة1
31/03/2008, 09:20 PM
مريت انا قفرن بعيد المراميس=بين الجبال المشرفات العلاوي
في لايذن ما فيه ضوضا وتحاسيس=الا يا كود الصوت من ذيب عاوي
يسري وحيف الريح جاله تهاميس=بين الغصون المبرضات الحناوي
في عازلن قفره حسين التضاريس=الارض عثعث والمحاجر ملاوي
شعبانها بطحا ونيسة مجاليس =يجري مسيلن بالبعيد المداوي
قاعد تحت طلحه بذيك المداعيس=ظلالها زاين كما الليل داوي
ترابها عقب المراهيش ما ديس=ولا وطا فيها من الناس شاوي
موقفن جيبي كما جيش تتريس=اليا مشوا للحرب والقوم ضاوي
ولا طرا بالقلب جور الهواجيس=مستانسن بالي بذيك النحاوي
منثوره العده سواة القراطيس=لابعثر اوراقه نسيمن رخاوي
معي قرومن حازمينن نواميس=ناسن لهم بالبال عشبن عذاوي
اسقيتهم كيفن بليا مطاريس=بنن هراري بالدلال الحلاوي
واعليت قدري بالعيون المقابيس=نوعه سويدي في مصيف وشتاوي
دنيت يم النار مابي مواهيس=ما غير اونس خاطري باللضاوي
النار تطرد طاريات التعابيس=عن بال منعورن مولع خلاوي
وحطيت لحم الزاد بالجمر تحميس=ارنب فرنسيه ظهرها طراوي
وارخيت من بالي جميع الحواسيس=انا اشهد اني بالطبيعه سلاوي
بالليل نوحي به حسوس الهجاريس=والا الضحى طير المحاجر غناوي
هذا وتم القاف من خاطري قيس=واعوذ بالله من زلال الخطاوي
يوسف الخليفة ( أبو عبد الله )
في لايذن ما فيه ضوضا وتحاسيس=الا يا كود الصوت من ذيب عاوي
يسري وحيف الريح جاله تهاميس=بين الغصون المبرضات الحناوي
في عازلن قفره حسين التضاريس=الارض عثعث والمحاجر ملاوي
شعبانها بطحا ونيسة مجاليس =يجري مسيلن بالبعيد المداوي
قاعد تحت طلحه بذيك المداعيس=ظلالها زاين كما الليل داوي
ترابها عقب المراهيش ما ديس=ولا وطا فيها من الناس شاوي
موقفن جيبي كما جيش تتريس=اليا مشوا للحرب والقوم ضاوي
ولا طرا بالقلب جور الهواجيس=مستانسن بالي بذيك النحاوي
منثوره العده سواة القراطيس=لابعثر اوراقه نسيمن رخاوي
معي قرومن حازمينن نواميس=ناسن لهم بالبال عشبن عذاوي
اسقيتهم كيفن بليا مطاريس=بنن هراري بالدلال الحلاوي
واعليت قدري بالعيون المقابيس=نوعه سويدي في مصيف وشتاوي
دنيت يم النار مابي مواهيس=ما غير اونس خاطري باللضاوي
النار تطرد طاريات التعابيس=عن بال منعورن مولع خلاوي
وحطيت لحم الزاد بالجمر تحميس=ارنب فرنسيه ظهرها طراوي
وارخيت من بالي جميع الحواسيس=انا اشهد اني بالطبيعه سلاوي
بالليل نوحي به حسوس الهجاريس=والا الضحى طير المحاجر غناوي
هذا وتم القاف من خاطري قيس=واعوذ بالله من زلال الخطاوي
يوسف الخليفة ( أبو عبد الله )