سؤال لأهل الشوازن....نبي فزعتكم

[واثق الخطوة]

يالربع لقيت لي عند واحد شوزن أم خمس
طبعاً ما شفتها أنا بالرياض وهي بديرة ثانية
يقول من القديمات ونظيفة
وش نوعها؟ يقول أم شجرة ولا يعرف شي ثاني عنها لأنها الظاهر ماهيب له بس موصى يبيعها

سؤالي:
أم شجرة بلجيكية ولاإنجليزية؟
إن كانت بلجيكية فما يحتاج معروفة
بس إذا طلعت إنجليزية وش هي من لحية
ومشكورين مسبقاً على إجابة استفساري
وجزاكم الله خير

[بارود برنو]

لو عندي معلومات عنها ما قصر معك ........

ان شاء الله الاخوان مايقصرون معك

والله يكتب لك الي فيه الخير

[جزاء الشمري]

أم شجرة نوع بلجيكي وهي من النوع الطيب .
تقبل تحيااااااااتي ياواثق الخطوه

[شطه]

اخوي واثق الخطوة تحياتي........ انت جاوبت بنفسك ام شجرة هذي ياخوي البلجكية القديمة تراه ازين الانواع خذها وتوكل على الله... وتراء اليابنية المونتريال المقلدة على البلجكية عليها رسمت الشجرة وايضا هذه طيبة باالحيل ............ ولك تحياتي

[سناف اللحم]

السلام عليكم
اخوي اذا كانت اليبانية خذها ولا تشاور ترى ماهنا اطيب من سوقها؛؛؛؛؛؛؛؛؛
؛؛؛؛؛؛؛؛؛؛بس ماكلن يعرفلها؛؛؛؛؛؛؛؛؛؛
دمتم

[بن عيد1]

المسألة مهيب أم شجرة والا غيرها ... لأن فيه أنواع لأم شجرة :
أربع درجات من ناحية الضوق ( من الوسيعه الى الضيقه ) وكذلك هناك انواع وأطوال للماصورة وسوف أهديكم رموز قد تفيدكم مستقبلا ..
هذه الرموز موجوده في بداية الماصورة فوق الاخشاب الامامي ..
(*) وهذة العلامة تبين ان الماصوره لديها أضوق فوهة
(-*) أوسع قليلا
(**)
(-**)
(-s-**)
(***) وهذة تبين أن للماصوره أوسع شوك .. في موديلها
وهذه الرموز تعبر عن نوع التشوك أو درجة التضويق ...
لكن هناك موديلات جديده ( بنلي - براونق - برتا - رمنقتون .. وكلها تستحق الاقتناء ويبقى الاختيار لجمال البندق وقلة الاعطال ( النظرة نصف البضاعه )
وتقبلوا مروري ..

[واثق الخطوة]

الله يجزاكم خير جميعاً

كفيتوا ووفيتوا
وأنا ما سألت إلا لعلمي أن أم شجرة تطلق على أكثر من نوع مو بس البلجيكية
وأخوي المنجور المسألة مو بس تحكمها الجماليات والسعر بعد
البنلي والبرتا ما تتكلم الا من 9000 وفوق
وهذي حاده علي بثلاثة آلف وإن شاء الله الاسبوع القادم إن الله أعطانا عمر في طاعته أروح أشوفها
وأشوف نوعها ونظافتها وإن كانت مقسمومة لي فإبشروا بالصور للبندق ولصيدها
ودمتم سالمين غانمين

[الجمرة]

بلجيك من القديمات وام شجرة والله اشتريها وانا مغمض عيوني تكفي قيمة الماصوره بس
اتوكل على الله بس وخذها تراهم يمدحونها

[الشاقي]

أم شجرة تعني Browning
والبراوننق فيه انواع كثيرة منها بلجيك و كندية و يابانية هذا حد معرفتي
البراوننق ممتازة وتخدم معي من 30 سنه
ترجو اني افدتك

[بن عيد1]

البلجيك القديمه طيبه بس أحرص على نظافتها ومافيها تلحيم وترهيم ... وبالنسبه لماصورتها طيبه واللي يجحد فعلها نقوله جاهل ...
لكن :
خرابات البلجيك والله كثيره (تكسير النواتيش _ كثرة الخوابير والمسامير _ ضغوط 36 وتحت _ ثقل الوزن _ صعوبة الفك والتركيب _ ...)
والناس متعلقه فيها لأن مافيه الى هي أم خمس في وقتها والناس منهبلين عليها وكان يملكها شيبان يلحفونها في الدواليب . وجا هالجيل التالي ونشأ مثل تفكير الشيبان الله يطول في أعمارهم .
أنصح كل هاوي للشوزل أن يطلع على الشوازل التماتيك الجديدة ..ويجرب أكثر من نوع .. صدقوني راح يحس بالفرق ..
بعض الشباب لازال يحب فشق أبو غزال وإذا مالقاه ماطلع للبر , ولايعترف بـ آر سي و البراونق و السبيد ....) ليه ؟
عموما لولا اختلاف الاراء لبارت السلع .. وأجمل ذكريات صيدنا ومقانيصنا كان بالبلجيك ولا أجحد فعلها أبدا لكن... لكل زمان شوازل ..

[واثق الخطوة]

أخوي الجمرة والشاقي والمنجور
الله يجزاكم خير أثريتوا الموضوع بردودكم وآرائكم الجميلة
والمنجور شكلك من الرعيل الأول راعين الصيد الأولين
أنا لحقت على صيد الشيبان الأولين
يازينهم ويازين صيدهم وكشتاتهم
جزاكم الله خير مرة ثانية

[بن عيد1]

شكرا ياواثق الخطوة ..
واللي ترتاح له وأنا أخوك سوه ولا تشاور خاصة سلاح الصيد ..
ما أخفيك سمت بلجيك لواحد من ربعي كانت موزعه على أخويا الملك فيصل ونظيفه وأنا خابر البلجيك وفعلها الطيب لكن بالمواصفات اللي ذكرناها سابقا وسمتها بــ 7 الاف وماباعني .. وبعدها شريت ( رافيلو من بنلي وعوضتنا عنها .....
ولاتشتري شي الا وأنت مقتنع وما عليك من أحد ومشورتك في المنتدى طيبه وتستفيد من كلام أخوانا الاعضاء .. والله يكتب لك الخير كله ..

[عبدالرحمن 11]

السلام عليكم
اخوي واثق الخطوة بصراحه الشباب ماقصرو واخص بذكر اخوي <المنجور> معلومه
جديده بالنسبه لي طريقه ضوق ووسع المصوره

مشكووووووووووووووووووووووووووووورين