العشير
04/04/2008, 01:55 PM
الله على الربطة يعين الصقاقير
اللي تعد الريش وتعـد الأيـام
يقطعـون اوقـا تـهـم بالتسايـيـر
وشوف المقانيص القديمـة بالأفـلام
تشوف راعي الطير عاف المظاهيـر
ومن شوفت القمرا وعدً لهـا صـام
قعد مابين أهـل البنـاء والنجاجيـر
وفي دورته ماهتم في فـرق الاقيـام
يبغي مقيظه مايجـي فيـه تقصيـر
من خوف لوم اللي إلـى شافهـا لام
ويجيب لطيـوره حليـب العصافيـر
إلى تباطـى حذفـه لريشـة العـام
يويق صبح وظهر والعصر وعصير
ويظهر عشاها عقب ماجا من الـزام
يقسـم علفهـا بالتسـاوي بتقـديـر
وقدامها كنـي بـه يكسـر عظـام
كنهـا تزيـده لاتعـشـت دنانـيـر
والى أدرجت مايفتكر في هل الشـام
تمسي وهو مامسى روابـع وتفكيـر
يرمي به الهاجس على جال الأحـلام
ويذكر مكـان داجـه العـام بالخيـر
ويطري علية أزين مقانيصه أعـوام
وذيك الوناسه والقنـص والمشاويـر
وخوة رجال هل مقانيص وحشـام
الله جمعهـم كلهـم فــي سيـايـر
وقدامها فرقهـم ظـروف وأحكـام
على الوعد (ف)أول محطة طوابيـر
وفي كل موتر عزبـة فـوق قسـام
فلان ينطر له رفيـقً علـى السيـر
وفلان خذ للربع مـن كـل الأنعـام
وفلان عند البنشري يركـب اسبيـر
وفلان قدامـه يركـب لـه اسيـام
وفلان عجـل ولايبـي زود تأخيـر
شغـل وراح وواعـد الربـع قـدام
فـي شفهـم ماحسبـوا للمخاسـيـر
لو زادت أصفـار مياسيـره أرقـام
في حلها (ف) الطيب ماهـو بتبذيـر
يراقبـون الله وأحـكـام الإســلام
وراعي القنص عمن يسب القنص غير
شف ذا إلى ذهّن وشف ذا إلـى نـام
يغط غطة ذيـب وان ذهّـن يطيـر
ويقوم عاد اللـي معـه مابعـد قـام
ويشب في اللي قبل يحتـاج تكسيـر
فـي ليلـة مافـاد فيهـا التلـطـام
وفي ماهي تفـوح الـدلال المباهيـر
خـذ ركعتيـن بالخـفـا لله قـيـام
والى قضى ركـد دلالـه مساطيـر
وأذن ولا يحتـاج للـربـع قــوام
تمالـوا وركبـوا وراحـوا مداويـر
للي يـروّع زولهـا كـل ضرغـام
برقا الجناح اللي إلـى قامـت تسيـر
أول مايطـري للربـوع التشـيـام
تشاوروا وصلـوا لخيـر الاشاويـر
وهدوا غرام الشـارده عقـب لـزام
هدوا معيـدً عوقهـا عقـب تذييـر
أصله وحش مطروح في ديرة ألغـام
مغتـر ولا طبعـه بطبـع المغاتيـر
من يوم رب ووالف الـدس ماحـام
مطلق عمد صافي وسيـع المناخيـر
كن دق صدره دقـة شمـاغ بسـام
عود ويخالى به على الفرخ والجيـر
جسر وعلى المدخال في الجول عزام
أعطاهم الصيده بعـد ماخـذ السيـر
وعلم فـروخ كـان تحتـاج عـلام
هدوا وصادوا والهدف هـدة الطيـر
ماهمـهـم لـدهـام ولا لـعــزام
تبدلوا (ف)الزرع شـوف النواويـر
وتبدلوا في الزحمة فيـاض وخيـام
على لحم صيد وحليـب المصاغيـر
تبدلـوا بالسيـر والقيـد درهــام
وسجوا من همـوم البلـد والفواتيـر
وهموم الأسهم ذاك عارض وذا سام
وتريحوا مـن قولـة صـار تفجيـر
ومن شوفة الفتنة ومن كذب الإعـلام
نشوف تفجيـرات ونشـوف تعزيـر
ولاجهلنـا ماحصـل بعـد صـدام
لكن شوف وحـر جـوف ومقاديـر
وش الجهد غير الدعـاء والتهشـام
الزبـدة ان البرمـن غيـرة اخـيـر
لاصار مع ربع صقاقيـر وحشـام
وبعض الرجال اللي يلوم الصقاقيـر
ماهو يعـد الريـش ويعـد الأيـام
تراه مربـوطً مثـل ربطـة الطيـر
ويقصر جريره حده البيـت والـزام
منقوله وشكرًا
اللي تعد الريش وتعـد الأيـام
يقطعـون اوقـا تـهـم بالتسايـيـر
وشوف المقانيص القديمـة بالأفـلام
تشوف راعي الطير عاف المظاهيـر
ومن شوفت القمرا وعدً لهـا صـام
قعد مابين أهـل البنـاء والنجاجيـر
وفي دورته ماهتم في فـرق الاقيـام
يبغي مقيظه مايجـي فيـه تقصيـر
من خوف لوم اللي إلـى شافهـا لام
ويجيب لطيـوره حليـب العصافيـر
إلى تباطـى حذفـه لريشـة العـام
يويق صبح وظهر والعصر وعصير
ويظهر عشاها عقب ماجا من الـزام
يقسـم علفهـا بالتسـاوي بتقـديـر
وقدامها كنـي بـه يكسـر عظـام
كنهـا تزيـده لاتعـشـت دنانـيـر
والى أدرجت مايفتكر في هل الشـام
تمسي وهو مامسى روابـع وتفكيـر
يرمي به الهاجس على جال الأحـلام
ويذكر مكـان داجـه العـام بالخيـر
ويطري علية أزين مقانيصه أعـوام
وذيك الوناسه والقنـص والمشاويـر
وخوة رجال هل مقانيص وحشـام
الله جمعهـم كلهـم فــي سيـايـر
وقدامها فرقهـم ظـروف وأحكـام
على الوعد (ف)أول محطة طوابيـر
وفي كل موتر عزبـة فـوق قسـام
فلان ينطر له رفيـقً علـى السيـر
وفلان خذ للربع مـن كـل الأنعـام
وفلان عند البنشري يركـب اسبيـر
وفلان قدامـه يركـب لـه اسيـام
وفلان عجـل ولايبـي زود تأخيـر
شغـل وراح وواعـد الربـع قـدام
فـي شفهـم ماحسبـوا للمخاسـيـر
لو زادت أصفـار مياسيـره أرقـام
في حلها (ف) الطيب ماهـو بتبذيـر
يراقبـون الله وأحـكـام الإســلام
وراعي القنص عمن يسب القنص غير
شف ذا إلى ذهّن وشف ذا إلـى نـام
يغط غطة ذيـب وان ذهّـن يطيـر
ويقوم عاد اللـي معـه مابعـد قـام
ويشب في اللي قبل يحتـاج تكسيـر
فـي ليلـة مافـاد فيهـا التلـطـام
وفي ماهي تفـوح الـدلال المباهيـر
خـذ ركعتيـن بالخـفـا لله قـيـام
والى قضى ركـد دلالـه مساطيـر
وأذن ولا يحتـاج للـربـع قــوام
تمالـوا وركبـوا وراحـوا مداويـر
للي يـروّع زولهـا كـل ضرغـام
برقا الجناح اللي إلـى قامـت تسيـر
أول مايطـري للربـوع التشـيـام
تشاوروا وصلـوا لخيـر الاشاويـر
وهدوا غرام الشـارده عقـب لـزام
هدوا معيـدً عوقهـا عقـب تذييـر
أصله وحش مطروح في ديرة ألغـام
مغتـر ولا طبعـه بطبـع المغاتيـر
من يوم رب ووالف الـدس ماحـام
مطلق عمد صافي وسيـع المناخيـر
كن دق صدره دقـة شمـاغ بسـام
عود ويخالى به على الفرخ والجيـر
جسر وعلى المدخال في الجول عزام
أعطاهم الصيده بعـد ماخـذ السيـر
وعلم فـروخ كـان تحتـاج عـلام
هدوا وصادوا والهدف هـدة الطيـر
ماهمـهـم لـدهـام ولا لـعــزام
تبدلوا (ف)الزرع شـوف النواويـر
وتبدلوا في الزحمة فيـاض وخيـام
على لحم صيد وحليـب المصاغيـر
تبدلـوا بالسيـر والقيـد درهــام
وسجوا من همـوم البلـد والفواتيـر
وهموم الأسهم ذاك عارض وذا سام
وتريحوا مـن قولـة صـار تفجيـر
ومن شوفة الفتنة ومن كذب الإعـلام
نشوف تفجيـرات ونشـوف تعزيـر
ولاجهلنـا ماحصـل بعـد صـدام
لكن شوف وحـر جـوف ومقاديـر
وش الجهد غير الدعـاء والتهشـام
الزبـدة ان البرمـن غيـرة اخـيـر
لاصار مع ربع صقاقيـر وحشـام
وبعض الرجال اللي يلوم الصقاقيـر
ماهو يعـد الريـش ويعـد الأيـام
تراه مربـوطً مثـل ربطـة الطيـر
ويقصر جريره حده البيـت والـزام
منقوله وشكرًا