طيرحوران
04/04/2008, 03:30 PM
السلام عليكم ورحمة الله وبركاته
ومساكم الله بالخير جميعا
هذه أحد القصص اللي مرت علينا في هذا الموسم
بسم الله نبداء
في يوم 30/12/2007 وفي أرض المقناص وتحديدا وقت صلاة العصر بينما خويي يغتسل للصلاة ونحن في ارض وعر والجره صعب وجودها وحيث ااني اتمشى حتى يفرغ خويه من اغتساله إذ بعيني تطيح على هاك الجره يالله تميزها من وعورة الأرض
المهم يوم بدأت دقات القلب بالتزايد وبدات تضيع العلوم وبدات الخبه والله يعين
المهم جيت لم خويي وقلتله اقم الصلاة بسرعه عندنا جره ونصلي صلاة الله اعلم بقبولها
صلينا وركبنا ودقيت على واحد من الربع حولي ابغى يجي يهد معه طير بكر معلمينه على وحده ونبي نهد له من الروض والرجال ماصدق خبر جا يمشي الفين وتواست الرض قدامه
المهم استقطعت للجره والأرض وعر ومفرع بطيري صاهود ومركب الريشه وحجاره جديده توي مركبها ومفحوصه هذا الريشه سوف يكون لها عوده
المهم حاط في بالي ان هذه الحبارى تبي تتعبنا تعب مايعلم فيه إلا الله بسبب وعورة الأرض وحيث انه كان قبلها بأسبوعين وحده وعجزنا نلقاها
المهم مادريت الا يوم الطير طلع وتل والله وانا ابرق بطلعه لعلي اراها علشان اثبتها وانتظر خوينا اللي جاي
ولا نسيتوه هههه
المهم انا ابرق واناظر والله ماشوف شيء والطير مازال يكافخ وطلعه وكاد وصامل يوم اني خفت قلت لاتكون تطير وانا مااشوفها
قلت خلني اهد ولا تروح علينا الحبارى بعد من كثرها
المهم اني هديت وعيني على الطير قلت خلني اشوف طلعه اللي ماقدرت اشوفه
مادريت إلا والله يوم طلعت تكوبر له من هذيك العواشز ماشاءالله
وبسم الله يعطيها اول منش وياخذ منها ريش والثاني كذالك والثالث يدبسها
واجيك انا من الخبه مسرع يقالك ابعزل وهنا ينطبق المثل اللي يقول (القنص بالركاده والتسرع جهالهههههه)
لعلي بسرعتي اكرمك الله انفرطت الحبارى من الطير وطملته وانا لا اعلم بالطمل حتى هذه اللحظه
المهم طارت الحبارى وبدأت تداور الطير والطير معها ولكن اللاحظ جناح الطير متغير كليا
المهم اتجهن نحو الشمال الشرقي وانا معهن بالعين فقط لوعورة الأرض الين اخفيتهن قلنا تساهيل الحين نشغل الجهاز ونلقاه ان شاءالله متفرشه
شغلنا الجهاز ولا ماحولك شيء نضرب شمال جنوب شرق غرب على الحروه يعقل الله ماحصلنا لا طير ولا حبارى قلت الحمد لله على كل حال ونبداء نخمن هل الطير والحبارى ابعدن هل الريشه ماتشتغل هل هل هل
المهم الطير امرح بالخلا ومن بكره الصبح ندور والربع ماقصرو
ويجيبه الله في الضهيره يحوم بالنجوم طلع عليه طير واحد من الربع
المهم جذبوه وقضبو الطير واتصلو علي وجيت لمهم ولا هذا الطير ومفلس من صيدته وجناحه مطمول ويابس عليه طمله اكرمكم الله والريشه ماتشتغل ابد
سبحان الله بعد ماركبت البطارية بالريشه وشغلت الجهاز وترنع ماعندك ازين منها الظاهر انها بعد ماركبت بالطير تعطلت تعطل كليا
المهم قلنا الحمد لله على كل حال وبدينا ندور على حروةاتجاه الحبارى
ويجيبها الله من بعد بكره بعد صلاة العصر كذلك ولكن طلع عليها الطير طلع لا جره ولا شيء والصراحه ما ادري هل هي خويته ولا غيره
المهم هديت يوم نشها المنش الأول ونجم يوم طارت وسبحان الله يوم طارت ولا اشوف وحدها من رجليها تتدلى شكلها مصوبه والحقها وعلقها وجيت لمه وكأنه يقول لي إذا فيك خير اعزل حيث انها لم يتركها حتى تاكد انها ميته
وهذه صورته وهو مع خويته
الصوره تبي تصغير بس عطوني مهله وانزلها
والسلام عليكم
ومساكم الله بالخير جميعا
هذه أحد القصص اللي مرت علينا في هذا الموسم
بسم الله نبداء
في يوم 30/12/2007 وفي أرض المقناص وتحديدا وقت صلاة العصر بينما خويي يغتسل للصلاة ونحن في ارض وعر والجره صعب وجودها وحيث ااني اتمشى حتى يفرغ خويه من اغتساله إذ بعيني تطيح على هاك الجره يالله تميزها من وعورة الأرض
المهم يوم بدأت دقات القلب بالتزايد وبدات تضيع العلوم وبدات الخبه والله يعين
المهم جيت لم خويي وقلتله اقم الصلاة بسرعه عندنا جره ونصلي صلاة الله اعلم بقبولها
صلينا وركبنا ودقيت على واحد من الربع حولي ابغى يجي يهد معه طير بكر معلمينه على وحده ونبي نهد له من الروض والرجال ماصدق خبر جا يمشي الفين وتواست الرض قدامه
المهم استقطعت للجره والأرض وعر ومفرع بطيري صاهود ومركب الريشه وحجاره جديده توي مركبها ومفحوصه هذا الريشه سوف يكون لها عوده
المهم حاط في بالي ان هذه الحبارى تبي تتعبنا تعب مايعلم فيه إلا الله بسبب وعورة الأرض وحيث انه كان قبلها بأسبوعين وحده وعجزنا نلقاها
المهم مادريت الا يوم الطير طلع وتل والله وانا ابرق بطلعه لعلي اراها علشان اثبتها وانتظر خوينا اللي جاي
ولا نسيتوه هههه
المهم انا ابرق واناظر والله ماشوف شيء والطير مازال يكافخ وطلعه وكاد وصامل يوم اني خفت قلت لاتكون تطير وانا مااشوفها
قلت خلني اهد ولا تروح علينا الحبارى بعد من كثرها
المهم اني هديت وعيني على الطير قلت خلني اشوف طلعه اللي ماقدرت اشوفه
مادريت إلا والله يوم طلعت تكوبر له من هذيك العواشز ماشاءالله
وبسم الله يعطيها اول منش وياخذ منها ريش والثاني كذالك والثالث يدبسها
واجيك انا من الخبه مسرع يقالك ابعزل وهنا ينطبق المثل اللي يقول (القنص بالركاده والتسرع جهالهههههه)
لعلي بسرعتي اكرمك الله انفرطت الحبارى من الطير وطملته وانا لا اعلم بالطمل حتى هذه اللحظه
المهم طارت الحبارى وبدأت تداور الطير والطير معها ولكن اللاحظ جناح الطير متغير كليا
المهم اتجهن نحو الشمال الشرقي وانا معهن بالعين فقط لوعورة الأرض الين اخفيتهن قلنا تساهيل الحين نشغل الجهاز ونلقاه ان شاءالله متفرشه
شغلنا الجهاز ولا ماحولك شيء نضرب شمال جنوب شرق غرب على الحروه يعقل الله ماحصلنا لا طير ولا حبارى قلت الحمد لله على كل حال ونبداء نخمن هل الطير والحبارى ابعدن هل الريشه ماتشتغل هل هل هل
المهم الطير امرح بالخلا ومن بكره الصبح ندور والربع ماقصرو
ويجيبه الله في الضهيره يحوم بالنجوم طلع عليه طير واحد من الربع
المهم جذبوه وقضبو الطير واتصلو علي وجيت لمهم ولا هذا الطير ومفلس من صيدته وجناحه مطمول ويابس عليه طمله اكرمكم الله والريشه ماتشتغل ابد
سبحان الله بعد ماركبت البطارية بالريشه وشغلت الجهاز وترنع ماعندك ازين منها الظاهر انها بعد ماركبت بالطير تعطلت تعطل كليا
المهم قلنا الحمد لله على كل حال وبدينا ندور على حروةاتجاه الحبارى
ويجيبها الله من بعد بكره بعد صلاة العصر كذلك ولكن طلع عليها الطير طلع لا جره ولا شيء والصراحه ما ادري هل هي خويته ولا غيره
المهم هديت يوم نشها المنش الأول ونجم يوم طارت وسبحان الله يوم طارت ولا اشوف وحدها من رجليها تتدلى شكلها مصوبه والحقها وعلقها وجيت لمه وكأنه يقول لي إذا فيك خير اعزل حيث انها لم يتركها حتى تاكد انها ميته
وهذه صورته وهو مع خويته
الصوره تبي تصغير بس عطوني مهله وانزلها
والسلام عليكم