المساعد الشخصي الرقمي

مشاهدة النسخة كاملة : يالله انك تقلب ديار الجزيره 00000 مثل جو جنيف مع نسمة باريس


يوسف الخليفة1
06/04/2008, 03:30 PM
يالله انك تقلب ديار الجزيره=مثل جو جنيف مع نسمة باريس
تجعله بالصيف مرباعن مطيره=تشبع البل وغنم قفره وتيس
تمسي حزومه حدايق مستديره=نقدع المنقا عقب شقرا ويبيس
نقطف المشمش والاثمار الكثيره=نشرب من الجوز من عقب المريس
يجري نهرن من حقل اليا عسيره=واخرن من طيبه اليا ديار قيس
يمسي فيها الشاوي مرتاحن ضميره=لا يحيل وما يبي فيها عسيس
ما عليه ان يسكن الخالي بديره=او ذرا اللولاح ما فيه الانيس
والجمل بافياضها تسمع هديره=خلفه الراعي يغني بيت قيس
هذي نجدن يا عرب حايس مريره=الغضا والطلح فيها دردبيس
رمثها مغبر لونه كالشعيره=اصفرن ما داجه طروش وحسيس
له ثلاث سنين من كير لسميره=ما غشاها السيل غير اللي بخيس
يالله الوالي عسى اللي جانا خيره=الخزاين في مدا ملكك تريس
يالله انك تجلب خيال بمسيره=يمة اديار الكرام النباريس
المداغيش اللي وافين السريره=من قعد معهم وجد خير الجليس
واطلبك يالله يا ميسر عسيره=تسقي القفرا غدا المبرض حميس




يوسف الخليفة ( أبو عبد الله )
ذيب طي
06/04/2008, 08:35 PM
صـح لـسانـك - وعلمك غانم يابوعبدالله دائما في القمه ماشاء الله والقصيدة صراحه جت في وقتها بما اننا ان شاء الله متفائلين با الامطار هاالايام
والله يسمع منك ويجيب دعآئك :rolleyes: آآمين
AhMaD
06/04/2008, 08:42 PM
اللهم آميين

صح لسانك
جزاء الشمري
06/04/2008, 09:15 PM
شاعرنا المميز بقصائده المميزة والرائعة صح لسااااااااانك مليوووون .
تقبل تحيااااااااتي ........ برق الوسم
جبل راف
07/04/2008, 01:29 AM
الله الله

صح لسانك يالطيب ابو عبدالله

قصيدة مناجاة الله يسمع منك
يوسف الخليفة1
07/04/2008, 05:49 AM
صـح لـسانـك - وعلمك غانم يابوعبدالله دائما في القمه ماشاء الله والقصيدة صراحه جت في وقتها بما اننا ان شاء الله متفائلين با الامطار هاالايام
والله يسمع منك ويجيب دعآئك :rolleyes: آآمين


حياك الله يا ذئبنا الغالي وجعلك الله من أهل الخير والذكر الحسن وصح بدنك وسلمك ربي على حسن القول

والمنطوق الجميل وحياك الله أخي العزيز
عوق الخريش
07/04/2008, 06:24 AM
صح السانك ياالمبدع ابوعبدالله وهذابيتين مني هديه
ياالله يامعبود خيرن يفيدي=يمطرعلى نجدمن اعلاه لدناه
ونسمع ابروق الخيرترعدرعيدي=ويسيل وادي منحدرللحفرماه
عشرين يوم اتصب وعشرن مديدي=وعقبه تلاطم كل سدن شهدناه
يملاالخباري والوعروالجليدي=حتى النفودايزين لامن مشيناه
يفرح به البدوان وهل الجريدي=امن البحر لين البحر شيف مشهاه
عقبه نشوف الشمس شال النشيدي=راع الهواوالطيروالذودوالشاه
حتى الحباري جمعت له رصيدي=كبرت ثنديهامن العشب مرعاه
تجاولت والصيد كلن يصيدي=حتى الكداري والقطازان مرماه
والبل عطاياالله دربه شديدي=يسوقهاكيفه على العشب ممشاه
ااااخخخخخخخ القصيده وسلمتكم
يوسف الخليفة1
07/04/2008, 11:10 AM
اللهم آميين

صح لسانك


حياك ربي يا عزيزي وصح بدنك واستجاب الله دعائك وشكرا لك
يوسف الخليفة1
07/04/2008, 11:12 AM
شاعرنا المميز بقصائده المميزة والرائعة صح لسااااااااانك مليوووون .


تقبل تحيااااااااتي ........ برق الوسم



برق الوسم ميزك الله بالحجلة والجبين الأغر يوم القيامة وصح بدنك أخي ولك مني تحية وشكرا لك
يوسف الخليفة1
07/04/2008, 11:13 AM
الله الله

صح لسانك يالطيب ابو عبدالله

قصيدة مناجاة الله يسمع منك


نشو الشمال وأنت طيب وسالم وصح بدنك وتقبل الله دعائك وحفظك ربي والشكر لك
يوسف الخليفة1
08/04/2008, 05:54 AM
صح السانك ياالمبدع ابوعبدالله وهذابيتين مني هديه
ياالله يامعبود خيرن يفيدي=يمطرعلى نجدمن اعلاه لدناه
ونسمع ابروق الخيرترعدرعيدي=ويسيل وادي منحدرللحفرماه
عشرين يوم اتصب وعشرن مديدي=وعقبه تلاطم كل سدن شهدناه
يملاالخباري والوعروالجليدي=حتى النفودايزين لامن مشيناه
يفرح به البدوان وهل الجريدي=امن البحر لين البحر شيف مشهاه
عقبه نشوف الشمس شال النشيدي=راع الهواوالطيروالذودوالشاه
حتى الحباري جمعت له رصيدي=كبرت ثنديهامن العشب مرعاه
تجاولت والصيد كلن يصيدي=حتى الكداري والقطازان مرماه
والبل عطاياالله دربه شديدي=يسوقهاكيفه على العشب ممشاه
ااااخخخخخخخ القصيده وسلمتكم


الأخ عوق الخريش صح بدنك وصح لسانك على الأبيات الجميلة ونريد أن تتحفنا بالمزيد وحياك ربي


حي الجواب اللي قراره سديدي=من واحدن سند لنا ما عرفناه
من واحدن عطر علينا بقصيدي=عوق الخريش اللي يلوح بيمناه
له تسعة ابياتن عساها تزيدي=ما يبخل بشعره كتبنا وطلبناه
نبي الوصوف اللي على ما نريدي=وصف الفياض اللي كشتنا ونصيناه
فيها البختري والنفل والزبيدي=جنوب شقرا لين ابا القور مجناه