اسئله عن الربطه

[Qatar.qa]

بسم الله الرحمن الرحيم



عندي أسأله بغيت أعرف أجوبتها :



1- كم مره أعطي الطير فري في اليوم , وشنو هي الأوقات المناسبه ؟


2 - كم درجة الحراره المناسبه للغرف الي فيها الطير ؟


3 - هل أشعة الشمس ضروريه للطير . أذا الجواب نعم , شنو أسوي أذا أشعة الشمس ما تجي عند الطير ؟


4 - كل كم يوم أبدل الماي للطير ؟


5 - كم عدد ريش الطير الي يحذفها ؟


6 - هل من الضروري أن غرفة الطير أتكون كلها رمل ؟


7 - شنو أحسن نوع رمل حق الغرفه الي فيها الطير ؟


8 - أعطي الطير فيتامينات . أذا الجواب نعم , كل كم يوم أعطيه ؟


{{ملاحظه : نوع الطير حر}}




وانا في أنتظار أجوبتكم


ويعطيكم الله ألف عافيه




أخوكم "مبتدئ"

[أبو رداد]

الله يحيك اخوي
بين ربعك واخوانك في مكشات
قبل ان اجاوب على اسئلتك ...
انت مقيظ الطير هدد ولا ربط ؟؟

[جارح العين]

هلابك اخوي
اولا: تعطي الطير فريه باليوم وافضل وقت المغرب .
اشعت الشمس ضروريه لطير الان فيها فيتامينات
مو لازم تجيه الاشعه مباشره يعني ضو الشمس او انك تطلعه كل صبح بالشمس
تبدل المويه يوميا عشان يكون نظيف
افضل شي الرمل وتجيب رمل النفوذ الثقيل عشان اذا كفخ مايطير غبار
وباقي لاساله انشاء الله الاخوان مايقصرون.....
واتمنا لك الفائده..

[Qatar.qa]

تسلم أخوي جارح العين ويعطيك الله ألف عافيه
وما قصرت معاي


أما أخوي ابو رداد

فانا رابط طيري مب هدد

ومشكورين على المرور

[Qatar.qa]

أشدعوا 88 مشاهده وبس ردين

[راكان 11]

اخي الكريم

هذا الرابط يفيدك ان شاء اللة

http://www.mekshat.com/vb/showthread.php?t=88445&page=1&pp=15

[Qatar.qa]

يعطيك الله ألف عافيه أخوي راكان 11

[أبو رداد]

الله يحيك اخوي

وهذه الاجابة على اسئلتك
وقد يتفق معي بعض الاخوه وقد يخالفوني
وللاستزاده في مواضيع المقيظ
تفضل الى هذا الموضوع
مواضيع متعلقه في المقيظ ... (http://www.mekshat.com/vb/showthread.php?t=82615)


1- كم مره أعطي الطير فري في اليوم , وشنو هي الأوقات المناسبه ؟
الافضل ان تعطيه في البدايه وجبتين حتى يعتد ويرتفع وزنه الى الاخر
والمفروض يكون بين الوجبتين12 ساعه
وافضل وقتين هما الفجر والعصر يعني افتراضا تعطيه وجبه ساعه 6 صباحا والوجبه الثانيه ساعه 6 عصرا
وبعد ان يعتد (ويفضل من الوجبه)
تبدأ تعطيه وجبه واحده فقط
ومافي فرق سواء العصر او الفجر
لكن المهم هو ان يكون موعد الوجبه منتظم
واذا شفت الطير محتاج علف رجعه على نظام الوجبتين
,,,
2 - كم درجة الحراره المناسبه للغرف الي فيها الطير ؟
درجة الحرار المناسبه للطير هي درجة الحراره الي يرتاح فيها الانسان
(يعني عشرينيات بالدرجه المؤيه)
,,,

3 - هل أشعة الشمس ضروريه للطير . أذا الجواب نعم , شنو أسوي أذا أشعة الشمس ما تجي عند الطير ؟
اشعة الشمس مهمه للطير تطهره وتزوده بفيتامين D
قدر امكانك سويله حل واذا تعسر ذلك
فالطير يقيض بدون اشعة الشمس
,,,

4 - كل كم يوم أبدل الماي للطير ؟
يوميا مع تنظيف الصحن وتعقيمه
,,,
5 - كم عدد ريش الطير الي يحذفها ؟
فالمقيض الطير يبدل كل ريشه حتى الصغير
,,,

6 - هل من الضروري أن غرفة الطير أتكون كلها رمل ؟
الرمل مهم لان يسل تنظيفه ويحافظ على كف الطير
,,,

7 - شنو أحسن نوع رمل حق الغرفه الي فيها الطير ؟
الرمل الاحمر
,,,

8 - أعطي الطير فيتامينات . أذا الجواب نعم , كل كم يوم أعطيه ؟
اذا كنت تنوع العلف ماهي مهمه
واذا كنت تعطي نوع واحد من العلف
فاعطي كل اسبوع مره


{{ملاحظه : نوع الطير حر}}
الحر من اسرع الطيور بالقرنسه

[Qatar.qa]

كثر الله خيرك ياخوي ابو رداد

ويعطيك الله ألف عافيه على هذه المعلومات الطيبه

ومشكووووور على المرور