الطبيب
22/11/2003, 03:22 AM
لا.....لا....لا .... ياحفرلوجيا ما اتفقنا على كذا ! ! !
مره تخاويت انا وحفرلوجيا ( بخيالي فقط ) لحد يقول كذاب ترى المنتديات ملغمه 000000 وجاهزين لقصف أي واحد يــــخـــاوز
المهم تخاوينا لرحلة بر ( كشته للمتحدثين باللبناني )
او( سيران ) للمتحدثين بالاوغندي
المهم
قلت:- يا حفر لوجيا
( يمكن تلاحظون فيه مسافه بين جزئي الاسم يعني حفر لحال ثم لوجيا بعد السكوت لبرهه)
وترى كلمة برهه يوم طلعت معي بغا يغمى علي من الفرحه
(اثريني اتكلم عربي؟؟؟؟؟؟؟؟؟؟)
طبعا من شدة احترامي لاخي الاكبر من اكبر اخواني حفر لوجيا ما اقدر اقول اسمه بسرعه
وذلك لوقاره وسكونه و قلة كلامه وكذلك ملابسه اللي مفصلها ماادري وين
ولا شماغه اللي كنه قصعة ثلج من البياض ( ما ادري هو كذا اصلا ولا صار ابيض من كثر الغسيل )
طبعا انا من شدة احترامي له ما اقدر اراعي ( اطالع , اناظر ) لعيونه اسمحولي ما اقدر اوصفها
المهم قال لي بصوت حازم :- وين تبينا نتوجه ؟؟؟؟؟؟؟؟؟
قلت :- على هواك سم المكان وانا جاهز
قال :- على موتري ولا على موترك؟؟؟؟؟؟؟؟؟؟
قلت :- على موتري احسن ( ابي اصير سواق(ن) له)
التفت علي ثم قال :- انت من متى مشترك بمكشات ؟؟؟؟؟؟
ارتبكت وقلت :- من يوم لون المنتدى اخضر ( جواب دبلوماسي)
ابتسم ثم مشى معي لين موتري ويوم حط رجل بالسياره ورجل على الارض
قال :- يعني قريت موضوعي..........
وقبل لا يكمل رديت بسرعه :- اكيد تقصد
( صفات العله منكد البر على الشله )
او تقصد
( صفات النشمي اللي على ربعه احلى من الوسمي )
اكيد قريته وفهمته
قال طيب وموضوع انتدابي مع ( العلك الماطي )
اهووووووووووه
قريته وحفظته عن ظهر قلب
اسمعهلك؟؟؟؟؟؟؟
قال :- الله يستر شكلك كثير هذره !!!!!!
يالله توكلنا على الله
بسم الله مشينا
طبعا موترنا بليزر ( او تالي بليزر بالاصح )
موديل 80
ولاعب فيه الصدا
ولكن زي ما يقولون (المواتر مكينه ماهي بويبينه)
>مثل توه جديد ماطب السوق ( بس تكفون مشوه)<
المهم حركنا ولاني مستعد بكل شي
العزبه ( حتى ملاعق الشاي وعودان الاذان حاط(ن) فيها )
القارمن ( جايب(ن) معي دستة بطاريات واللابتوب علشان اذا احتجنا نبرمجه )
علب زيوت المكينه والقير والدفرنس ومكينة التشحيم للصليبات والمقصات ( بعد مشوها )
المعاميل طقم دلال بغدادي ( خواله رسلان ) وصانعه هندي امه بنغاليه يتيمه
البارود شوزن ( ام خمس ) جديده بزيته مع فشق من كل نوع دسته وخرازه عن الشكه
الجهاز ياسو اخر نوع ( اظنه 3000 ) او آيكوم 8000 مع انتل 100 ديبي يعني يراسل لو يبي المركبه اللي راحت قبل كم سنه للمريخ
الفلوس ما ادري هي خمسة آلاف او خمسين الف المراد ان معانا فلوس تكفي لو نبي نشري الموقع اللي حنا رايحينن له
قال :- حفر لوجيا يا طبيب سولف علي
هو قال او ما قال سولف
وانهدلك عليه بقصة حياتي من يوم وقعت على الارض الى يوم قاللي سولف علي
يوم اخذت الا هو يرفع عيونه ويرشقني بنظره ناريه فهمتها بعد ثلاث ساعات لان فهمي بطيء
وصلنا للموقع وكاني قرأت او سمعت او جيت ها الموقع
واتذكر واتذكر واتذكر
بس لقيته
هذا وصف الموقع اللي تقابل معه براعي كلفورنيا ( اللي به وردة جبنة بوك ) بالدبدبه
وصلنا قاللي :- رح جيبلنا ماء من الحماطيات لان ماء الحماطيات زين لفياض الصمان اللي ببيتنا
قلت :- ابشر لكن بعد ما نبني الخيمه
قال :- لا ياشيخ رح انا امير الرحله وآمرك
قلت :- ابشر على خشمي
( نصب نفسه امير على طول من غير مايجاملني ولا ياخذ رايي بصغيره ولاكبيره )
رحت واخذت حول الساعتين
ويوم رجعت للموقع واذا بالمفاجأه
النار شابه
الخيمه منصوبه
القهوه والشاهي زاهبه
طبعا القهوه نوعين والشاهي سبعة انواع وبعد حليب زنجبيل
وسيارتي مغير زيته
ومغسله ومشحمه
والمكينه موظبه
والغدا زاهب
والخروف مذبوح ومقطع ومحطوط بالثلاجه
والمناعير مسيرين علينا ومالين الخيمه ( عزمهم بالجهاز )
وجايب(ن) لي معه فروه عن البرد احتياط
وخذ من هاالسوالف اللي يحبه قلبك
ويوم عشيناهم وحصلنا قولة (ونعم , وبيض الله وجيهكم حيشا عيونكم , وانعم الله عليكم )
وفظوا رحت ابي اجيب فراشي من السياره
ويوم رجعت ولا حفر لوجيا جايبن لي سرير مع ونصبه وقال نم عليه عن الهوايش وبرودة الارض
المهم نمت
وكل ما طق شي او حسيت بحركه قمت ولا حفر لوجيا قايم وبيده السلاح ويقول ما عليك خلاف نم بس
اخر شيء
حزنت على نفسي وهانت علي وحسيت اني ما اسوى شيء قدام عمالقة الكشتات والمقانيص ولكن تعلمت الكثير الكثير منهم
لكن ترى يا حفر لوجيا ما قدرت الا اني احترم كل كلمه تخطها على صفحات منتديات مكشات
واصدق انها من قلب صادق
يعرف ما له وما عليه
عذرا للاطاله
والسلام ختام
مره تخاويت انا وحفرلوجيا ( بخيالي فقط ) لحد يقول كذاب ترى المنتديات ملغمه 000000 وجاهزين لقصف أي واحد يــــخـــاوز
المهم تخاوينا لرحلة بر ( كشته للمتحدثين باللبناني )
او( سيران ) للمتحدثين بالاوغندي
المهم
قلت:- يا حفر لوجيا
( يمكن تلاحظون فيه مسافه بين جزئي الاسم يعني حفر لحال ثم لوجيا بعد السكوت لبرهه)
وترى كلمة برهه يوم طلعت معي بغا يغمى علي من الفرحه
(اثريني اتكلم عربي؟؟؟؟؟؟؟؟؟؟)
طبعا من شدة احترامي لاخي الاكبر من اكبر اخواني حفر لوجيا ما اقدر اقول اسمه بسرعه
وذلك لوقاره وسكونه و قلة كلامه وكذلك ملابسه اللي مفصلها ماادري وين
ولا شماغه اللي كنه قصعة ثلج من البياض ( ما ادري هو كذا اصلا ولا صار ابيض من كثر الغسيل )
طبعا انا من شدة احترامي له ما اقدر اراعي ( اطالع , اناظر ) لعيونه اسمحولي ما اقدر اوصفها
المهم قال لي بصوت حازم :- وين تبينا نتوجه ؟؟؟؟؟؟؟؟؟
قلت :- على هواك سم المكان وانا جاهز
قال :- على موتري ولا على موترك؟؟؟؟؟؟؟؟؟؟
قلت :- على موتري احسن ( ابي اصير سواق(ن) له)
التفت علي ثم قال :- انت من متى مشترك بمكشات ؟؟؟؟؟؟
ارتبكت وقلت :- من يوم لون المنتدى اخضر ( جواب دبلوماسي)
ابتسم ثم مشى معي لين موتري ويوم حط رجل بالسياره ورجل على الارض
قال :- يعني قريت موضوعي..........
وقبل لا يكمل رديت بسرعه :- اكيد تقصد
( صفات العله منكد البر على الشله )
او تقصد
( صفات النشمي اللي على ربعه احلى من الوسمي )
اكيد قريته وفهمته
قال طيب وموضوع انتدابي مع ( العلك الماطي )
اهووووووووووه
قريته وحفظته عن ظهر قلب
اسمعهلك؟؟؟؟؟؟؟
قال :- الله يستر شكلك كثير هذره !!!!!!
يالله توكلنا على الله
بسم الله مشينا
طبعا موترنا بليزر ( او تالي بليزر بالاصح )
موديل 80
ولاعب فيه الصدا
ولكن زي ما يقولون (المواتر مكينه ماهي بويبينه)
>مثل توه جديد ماطب السوق ( بس تكفون مشوه)<
المهم حركنا ولاني مستعد بكل شي
العزبه ( حتى ملاعق الشاي وعودان الاذان حاط(ن) فيها )
القارمن ( جايب(ن) معي دستة بطاريات واللابتوب علشان اذا احتجنا نبرمجه )
علب زيوت المكينه والقير والدفرنس ومكينة التشحيم للصليبات والمقصات ( بعد مشوها )
المعاميل طقم دلال بغدادي ( خواله رسلان ) وصانعه هندي امه بنغاليه يتيمه
البارود شوزن ( ام خمس ) جديده بزيته مع فشق من كل نوع دسته وخرازه عن الشكه
الجهاز ياسو اخر نوع ( اظنه 3000 ) او آيكوم 8000 مع انتل 100 ديبي يعني يراسل لو يبي المركبه اللي راحت قبل كم سنه للمريخ
الفلوس ما ادري هي خمسة آلاف او خمسين الف المراد ان معانا فلوس تكفي لو نبي نشري الموقع اللي حنا رايحينن له
قال :- حفر لوجيا يا طبيب سولف علي
هو قال او ما قال سولف
وانهدلك عليه بقصة حياتي من يوم وقعت على الارض الى يوم قاللي سولف علي
يوم اخذت الا هو يرفع عيونه ويرشقني بنظره ناريه فهمتها بعد ثلاث ساعات لان فهمي بطيء
وصلنا للموقع وكاني قرأت او سمعت او جيت ها الموقع
واتذكر واتذكر واتذكر
بس لقيته
هذا وصف الموقع اللي تقابل معه براعي كلفورنيا ( اللي به وردة جبنة بوك ) بالدبدبه
وصلنا قاللي :- رح جيبلنا ماء من الحماطيات لان ماء الحماطيات زين لفياض الصمان اللي ببيتنا
قلت :- ابشر لكن بعد ما نبني الخيمه
قال :- لا ياشيخ رح انا امير الرحله وآمرك
قلت :- ابشر على خشمي
( نصب نفسه امير على طول من غير مايجاملني ولا ياخذ رايي بصغيره ولاكبيره )
رحت واخذت حول الساعتين
ويوم رجعت للموقع واذا بالمفاجأه
النار شابه
الخيمه منصوبه
القهوه والشاهي زاهبه
طبعا القهوه نوعين والشاهي سبعة انواع وبعد حليب زنجبيل
وسيارتي مغير زيته
ومغسله ومشحمه
والمكينه موظبه
والغدا زاهب
والخروف مذبوح ومقطع ومحطوط بالثلاجه
والمناعير مسيرين علينا ومالين الخيمه ( عزمهم بالجهاز )
وجايب(ن) لي معه فروه عن البرد احتياط
وخذ من هاالسوالف اللي يحبه قلبك
ويوم عشيناهم وحصلنا قولة (ونعم , وبيض الله وجيهكم حيشا عيونكم , وانعم الله عليكم )
وفظوا رحت ابي اجيب فراشي من السياره
ويوم رجعت ولا حفر لوجيا جايبن لي سرير مع ونصبه وقال نم عليه عن الهوايش وبرودة الارض
المهم نمت
وكل ما طق شي او حسيت بحركه قمت ولا حفر لوجيا قايم وبيده السلاح ويقول ما عليك خلاف نم بس
اخر شيء
حزنت على نفسي وهانت علي وحسيت اني ما اسوى شيء قدام عمالقة الكشتات والمقانيص ولكن تعلمت الكثير الكثير منهم
لكن ترى يا حفر لوجيا ما قدرت الا اني احترم كل كلمه تخطها على صفحات منتديات مكشات
واصدق انها من قلب صادق
يعرف ما له وما عليه
عذرا للاطاله
والسلام ختام