علم طيرك الأرتفاع عطه لياقه بواسطة تلزيق الحمام أو تقطيبه

[سفتور]

اليوم أنشاءالله عندي موضوع مفيد جدا جدا لأصحاب الطيور اللي ما ترتفع
وهو عباره عن تلزيق أو تقطيب الحمام
الخطوه الأولى ... هات كم حمامه من حمام الدحول أو الحمام اللي يعيش فالأبار شرط أن يكون أحدى هالنوعين الخطوه الثانيه ... هات قطعه من اللزق (اللي يلزقون فيه الكهربه) وقم بعمل فتحه صغيره فالمنتصف
الخطوه الثالثه ... هات ورق كلينكس وضعه على أطراف اللزق حتى لا يلتصق بأعين الحمامه ولكن خل في أخر اللزق جزء بسيط لتلزقها من وراء رأس الحمامه
الخطوه الرابعه ... أدخل منقار الحمامه فالفتحه الصغيره اللي عملتها فاللزق مع مراعاة التنفس (تعطي الحمامه المجال للتنفس) بعدين لف اللزق من وراء راس الحمامه ولزقها من خلف الراس
الخطوه الخامسه ... جهز طيرك وخله مري لأن الحمامه ما بتعطيك مجال أن تمري الطير لأنها بترتفع مثل الهليو كابتر
الخطوه السادسه والأخيره ... فك الحمامه وأنتظر ثواني وأنت وطيرك وقدر
المسافه اللازمه التي يستطيع الطير الأرتفاع أن يرتفعها وكل يوم زيد المسافه وأنا أظمن لك والظمان على الله أنه بعد أسبوع يكون طيرك أرتفاع ولياقه 100%
وأسوحولي طولت عليكم.:D

[راكان 11]

طريقة أشوف الشباب طاحوا فيها من سنتين
لآكن فيها ذنب على الصقار
لأن فية بعض الحمام يروح على الطيور أو الطيور ماتنتبة لة
والمشكلة الحمامة لآصارت ملزقة ماعاد هيب عارفة لآ تآكل ولآتشرب حتى تموت

[قرناس ارامكو]

أخي سفتر ، السلام عليكم ورحمة اللة وبركاتة ،،،،،،، أنا سمعت عن الطريقة لكن ماكنت واضحة لي لكنك وضحت الصورة . وأنا راح اجربها السنة الجاية أنشاللة .

[عتيج الصوف]

علمة على الطيارة اسرع وافضل

[فلان المنصوري]

مشكووور على الموضوع والله يوفقك

[سنجااار]

طريقه حلوه بس لاتخلي الحمامه سلم انتف منها وان شاء الله بيكون طياره ممتاز ماتفلس الطير ماقصرت ويعطيك العافيه
تقبل مروري

[ابوعزيز]

لية تعذب الحمامه وتعذب طيرك خل معك 10حمام سوادي أوحمام قليب اين كان وخذ من الدواغر (لاتاخذ من السبق) الى ما يبدا يرتفع وبد فك له سلم أصلن حمام الدحول أو القلبان جن ماهو حمام وانتم أبخص

[حجاج]

والله ياخوان الطريقه حلوه لكن تعذب الحمامه وتوقع ماتخلاء من الذنب لان بعض الحمام يروح على الطير بعدين الحمامه تبي تهلك وهذا ذنب عليك

[جارح العين]

طريقه رائعه
والله يعطيك العافيه

[أبو ممدوح]

الطريقه حلوة وكنا نستخدمها وفعلا تعلم الطير على الإرتفاع
لكن يما راح علينا حمام بس طريقتنا تختلف عن طريقتك
نلف شطرطون الكهربه على عين الحمامه بحيث ان اللصق ما يلمس عين الحمامه وبكذا ما تشوف الا قدام وعشان اذا راحت ما تموت ولا نأخذ ذنبها
ويعطيك العافيه على الفكره

[سفتور]

مساكم الله بالخير وبيض الله وجيهكم جميع ..... بخصوص تعذيب الحمامه يوم تفك الحمامه لا تعطيها مجال للأرتفاع اكثر من طاقة الطير وانشالله بعد اسبوع الطير لياقته 100% وانشالله ما تروح عنه الحمامه وبالله التوفيق ....:) وشكـــــــــــــــــــرن