وشلون تحفظ مكعبات الإشعال لسنوات ؟؟

[عود رمث]

السلام عليكم

كلنا يعرف مكعبات الإشعال ( المكعبات البيض )

مكعبات مشبعة بمادة سريعة الإشتعال .. ومحفوظة بقوالب بلاستيك ومغطات بقصدير خفيف ..

الكلام إن هالمكعبات إذا انشق القصدير اللي عليهن ما يطولن تتبخر المادة سريعة الإشتعال ويصيرن مثل الفلين باينفعن ولا بقرش ..

طريقة حفظهن إنك من يوم تشريهن تفكهن من قرطاستهن وتحطهن بقارورة محكمة الغلق ( مثل قارورة مايونيز " أنا مجرب قودي وما أدري عن غيره :cool: " ولا قارورة " جبن بوك .. البقرة وكرفت ما أدري عنهن ما جربتهن :) :) :p )

بالطريقة ذي ممكن يقعد عندك لسنوات ............... وأنا مجرب قعدن أكثر من أربع سنين ..


وما تشوفون شر

[عروان]

صدقة يالغالي

أنا العام الماضي باخر الربيع أشتريت كمية

وعقب ما دخل الصيف خبرك مانشب الضو بقى عندي زود منهن

ويوم جاء البرد هالسنة جيب أبشبهن ولا هن ضامرات ولا لهن ريحة

وما شبن الا بالعزر.


فكرتك جيدة ولو اني اكره اشتخدم الزجاج في صندوق المعاميل معي لانه

سبق وانكسر معي غرشة وحاستني. بعدها غيرت الى بلاستيك ولا الحين بغير

الا علب الستينلس ستيل عاجبتي ياخوك


شكراً لك

[المسفهل]

فكرة جميلة أخي العزيز عود رمث ، وزيادة على أن القارورة تحفظ المادة

القابلة للاشتعال من أن تتسامى وتتبخر ، تحفظ لك المكعبات نفسها من الضياع

والتكسر .

[عاشق الصفاري]

فكرة رائعة..يابو رمث..

[قناص القرائن]

والله الطريقه حلوه وممتازه

[عود رمث]

كل عام وأنتم بخير

عروان
اهلا بك ... ويمكن البلاستيك ينفع ؟؟ بل حتى الأكياس الثقيلة ( حقت التمر ) ممكن تنفع .. والستيل وغيرها .. لكن أنا عرضت تجربتي ........ وبانتظار تجارب الحبايب .

المسفهل
يامرحبتين بك ومسيارك يسوى الدنيا ومابها أنت وباقي الربع ..

عاشق الصفاري
الله يسلمك ( يا ابو الصفاري والقدور :D وحدة بوحدة )


قناص القرائن
شكرا على المرور ومرحبا بك .

[ابو مساعد]

مششششششششششششكور على الفكره الممتازه يأخ عود رمث وجعلها الله في موازين اعمالك .

تحياتي .

[راعي عنيزة]

يعطيك العافيه عود رمث

وبالنسبه لي
عطي الله قواطي كويكر ما مثلهن :good:
تقفل زين وحديد لا تخاف تنكسر ولا شي :p

[شبوب]

بصراحه فكره 100%

[القناص]

مشكور يالقرم

[الأشهـــــب]

الأخ الفاضل : عود رمث
تسلم وانا أخوك على هذا الشغل ، وهذي الفكرة الجميلة والإقتصادية .
والشكر أيضاً موصول لبقية الإخوة الي شاركوا في الموضوع وأتحفونا .

لكن ألا ترون ياأخوة أن هذه العلب إذا أراد أن يضعها أحد منا في العزبة فهي ستأخذ حيزاً كبيراً ؟

وتقبلوا أطيب تحياتي ......................

[الحاتمي]

السلام عليكم.....................الأخ عود رمث بصراحه فكره جيده بس لازم تبدل العلبه من زجاج إلى حديد اوبلاستيك وشكرا لك ........ الحاااااااااااااااااااااااااااااااااتمي.

[عود رمث]

السلاام عليكم جميعا ...

ومن العايدينتقبل الله منا منكم صالح الأعمال



هلا بك أخيي أبو مساعد
ومشكور على المرور


واخيي الثاني راعي عنيزة
حياك مولاك
وتجربتك جميلة ( بس أخاف العجيز الله يطول بعمرها تكبه بالقدر تحسبه شربه .:cool:


واخيي الثالث شبوب
هلا بك وعساها تفيدك هالفكرة


واخيي الرابع القناص
ما عليك زود الله يعافيك


واخيي الخامس الأشهـــــب
الله يعافيك
ومثل ماقلت إنها تاخذ محل بالعزبة
وياليت نلقى طريقة أسهل ..


واخيي السادس الحاتمي ( كثروا اخواني )
يامرحبتين واقتراحك بمحله

[مفتش الريضان]

شكرا اخوي عود رمث على هذه المعلومة القيمة.

[نقا هشال]

اخوي عود رمث


الف شكـــــــــــــر

[عود رمث]

الاخوان

مفتش الريضان
نقا هشال

حفظهما الله شكر الله لكما مروركما ..

طريقة أخرى قد تنفع وإن كانت متعبة نوعا ما
وهي إنك تغلف كل وحدة لحالها بتغليفة الطعام ( الخفيفة ) تلف على المكعب كم لفة ... يمكن تصلح هالطريقة وبهذا مايضيقن على العفش ..

[عود رمث]

السلام عليكم جميعا

هذي شقعة للموضوع علشان مايجي أحد .. في يوم ما .. ويقول ما علمتن !!

فقد أُعذر من أنذر :no2:

وأبعلمكم بعد إني تنازلت عن قارورة جبن بوك لأني مقاطعه

وسلامتكم

[الكلاسك]

عروان حلوه كلمة غرشه هههههههههههه

[بن فيصل]

عود رمث........ فكره رهيبه وشكرا لرفع الموضوع


وشكرا للمقاطعه !!!هههههههههههههه