مساعده بخصوص الشبوك

[الباهي]

مساكم الله بالخير

يالربع ابي نصايحكم من ناحيه الشبوك او الغزول من ناحيه افضل الانواع
والمقاسات والعرض وماهي افضل المواد المصنعه منها الغزول
واين اجده في الشرقيه حيث اني ليست لدي خبره فأرجوا منكم نصحي ومساعدتي
وشكرا لكم

[شاهين2007]

مساك الله بالخير...
انتهى المقناص وقلبناها بحري
اول شي تحدد نوع الغزل او الشبك نوع السمكه اللي تبي تصيدها...
عندك السبيطي يبيلي غزل ثلاث طبقات على قولتهم اسرائيلي..وترفعه نص متر فوق الماي واتحرى المكان اللي فيه سبيطي او عريضي...وسبب الرفع لان السبيطي يشوف الغزل حتى لو ليل ويطمر من فوقهبعض الاحيان الفجر ينعمي وممكن يضر على طوول
اذا كنت تبي سمكه تسبح في نص الماي زي الصافي البياح فعليك بغزل كامل يكون الفلين طالع برى اوالرصاص صاك في الارض..وهذي الطريقه لها مساوئها وهي ان العزل بيجمع شجر وبيكون عباره عن فلتر للبحر لكل ماهب ودب
والعيب الثاني انه راح يكون مكشوف والكل يشوفه خصوصا القنازع!!
النوع الثالث راح يكون للسمكه اللي تسبح مع الارض...فسكر ينم بدح قرقفان نيسر..فيكون العزل ارتفاعه بسيط والفلين مهب مبين يعني اذا كان المكان اللي بتنصب فيه ارتفاع الماي مترين يكون الغزل بارتفاع متر..اما كن ناحية الانواع فعندك اللي خامته ياباني والله ناسي اسم الماركات بس انشاء الله الشباب مايقصرون..الربطه تجي 90 متر تقدر تقسمها على غزلينويفضل حبل الرصاص افضل من الحبل العادي واذا كنت ناوي على ثلاث طبقات غانصحك بان تكون مقاس العين فوق الانش ونص وصدقني راح تصيدالسمكه اللي تبيها لان اصغر من كذا راح تصيد سمك صغير راح يكون مصيره الرمي واتوقع هذا سبب منع الغزول لانها تصيد الاولي والتالي وماتقدر تحدد لها حجم او نوعه الصيد بعكس الطير :)
والمحلات اكثرها في صفوى
وسلامتك

[قلبي يحب البر]

الله حيه يا الباهي
1.أسمحلي ماقدر أقولك عن أماكن المحلات بالشرقية لاكن تبي فقطر حاظرين
2.ان أفظل البريسم لأأنه أفظل من البلاستك .
البلاستك إذا طلعته ف الشمس فتره طويله وهو عليه من ماي البحر يتكسر ويصير يتقطع واجد
3.نصيحه لا تاخذ أسراإلي ترا أن صادوك بيصادرونه ويكتبونك تعهد.
وترا أسأل مجرب الاسراإلي عله فتفكيك السمك ما ينفك السمك بسهوله

[( ابو تركي )]

أفضل مكان لبيع الغزول منطقة صفوى أمام محل العصفور للمفروشات فيه واحد مصري تقدر تعطيه نوع الغزل ( الطول -العرض -الطبقات - مقاس الفتحة - الثقل - الفلين - الخيط ) ويصنعه خلال أيام
بالتوفيق