المساعد الشخصي الرقمي

مشاهدة النسخة كاملة : ودي اسوي فيضه ببيتي ... وشلون ؟ ساعدوني


عاشق حسناء
13/04/2008, 10:00 AM
السلام عليكم

تحية للجميع

جنب بيتي ارض صغيره لي ومسورها افكر ما ازرعها
فكرتي اجيب تراب من فيضه واسقيها بس
هل هذا ممكن عمليا ؟
وهل فيه فياض مسموح اقدر اخذ منها تراب ؟

ساعدوني بافكاركم تكفون

لكم شكري مقدما
ولد الدواسر
13/04/2008, 02:02 PM
هههههههه والله فكرة
أتمنى الاخوان يفيدونك
ابو عمر النوح
13/04/2008, 03:28 PM
مساك الله بالخير أخوي عاشق حسناء
أنا أقدر أفيدك بهالموضوع بأني أدلك على كتاب اسمه " رحلات برية " من تأليف / محمد بن سليمان اليوسفي و تحديدا الصفحات " 157 ـ 162" و بتلقى اللي يفيدك بإذن الله تعالى و أنا ودي أصور الصفحات الخاصة بذلك و أنقلها لك و لكن أخشى إنه ممنوع ، و ترى الرجال المؤلف مفصل تفصيل و واضح جدا .

تمنياتي لك بأجمل الفياض في بيتك .
ملاحظة : إذا ما حصلت على الكتاب بلغني أختصر لك الطريقة ، و لكن من الكتاب أفضل .
عاشق حسناء
14/04/2008, 09:31 AM
تسلم ابوعمر ماقصرت

ابطمر ادوره وان ما لقيته علمتك

مشكور مره اخرى على الفزعه
ابو عمر النوح
16/04/2008, 10:49 PM
مساك الله بالخير أخوي عاشق حسناء ، بشر عساك لقيت الكتاب و استفدت منه أرجو إخباري إذا فيه فرصة لك . و تقبل مروري .
عاشق حسناء
19/04/2008, 12:55 PM
مساك الله بالخير أخوي عاشق حسناء ، بشر عساك لقيت الكتاب و استفدت منه أرجو إخباري إذا فيه فرصة لك . و تقبل مروري .

هلا ابوعمر

الكتاب لقيته عند صديق واطلعت على الصفحات المذكوره
اثر الشغله يبي له تعب لجمع البذور من الشجيرات ونحوها

والحقيقه تجاوزت ذلك واتصلت بالمؤلف وتجربته ولعلي فهمت نقطتين مهمه :

1 - قد يكون جلب تربه من الفياض وخلطها اسهل
2 - النبات سيكون موسمي فقط

لك تحياتي وتقديري على تجاوبك
جمعان 22
19/04/2008, 02:13 PM
اكيد يبيلها بحث عن البذور ... ورشها على الارض

وبتكون موسمية لانها فيضة ( منزلية ) :d

بس تدري .... ليه ما تخلط مع النباتات البرية نباتات اخرى .... يعني تزرع لك كم شجرة تثبت الارض ..بحيث يكون الشجر من النوع الجيد الذي يفيد التربة والزراعة -- طبعا التنوع مطلوب

والله اعلم