كيف أشيل قاعدة القارمن من على الطبلون؟؟

[عروان]

السلام عليكم ورحمة الله وبركاتة

تخبرون الواحد اول ما يشري الشي يكون فرحان و منتشي ما يفكر زين.

الزبدة اول ما شريت القارمن لزقت القاعدة اللي تجي معه على الطبلون. أستخدمت اللزاق الاسود اللي يجي مع القاعدة. ولكن حطيتة في وسط الطبلون والان ابي اقربه مني ابي انقل القاعدة و احطها قدامي اقرب لي.

كيف انزع القاعده بدون لا أخربها او اخرب الطبلون.؟؟


تحياتي لكم.

[almohtrif60]

السلام عليكم ورحمة الله وبركاته
اولاً كل عام وانت بخير اعادة الله علينا وعلى الامة الاسلاميه بخير


بخصوص نقل القاعدة سهل فيمكن شلعها بس بحذر من دون الامساك بالقفل الثابت بالقاعدة صحيح انها ثابته جداً ولكن راح تطلع معاك

وثانياً قم بتنضيف القاعدة بعد اخراجها والطبلون ايضاً

اما بخصوص اعادة تريكيبها فيوجد شريط لاصق من الجهتين شبيه بالموجود مع القاعدة الجديدة يوجد عند محلات زينه السيارات اعتقد طوله حوالى اكثر من 5 متر فيمكن قصه بحجم القاعدة وتثبيته وراح تشوف بأذن الله
هذا عن تجربه واقعيه حدثت معاى واما بخصوص التيب فقد اخذته من معرض رامز بـ 10 ريال اتمني البحث عنة هناك لئني بحثت مرة اخري ولم اجدة فربما ان شاء الله تحصله .





والله الموفق

[عروان]

بارك الله فيك المحترف ماقصرت

أن شاء الله بحاول اشلعه. صراحة انا جربت بالاول بس خفت لا ينشلع صطع الطبلون معي لان السيارة قديمة والطبلون ضاربتة الشمس لين شبع.


كل عام وانت بخير


شكراً لك

[مسكلنيmiscall]

ممكن تسال عن مذيب خاص يباع في مراكز ساكو مجرد ما ترشه على القاعدة راح تشوفها تنزل معك

[القماري]

إذا كنت خائف من إستعمال الطريقة المذكورة ، فأستعمل لك سلك ضعيف ( مثل سلك البنيان أو أي سلك ضعيف لكن قوي وضعه خلف القاعدة وأسحب طرفيه للأمام ( راح يصير مثل الموس ويقطع اللازق. (لم أجربها مع قاعدةالـ gps من قبل بس ممكن تنفع وأضمن للقاعدة

[اعقاب]

الاخ عروان

عيدك مبارك

تقبل الله منا ومنكم

انا سمعت عن الماده اللي ذكر اخونا

واذا مانفعت جرب الموس اللي يستخدمونه اهل المفروشات

وفقك اللة

[عروان]

أخواني :

مسكلني

القماري

اعقاب


كل عام وانتم بخير وعساكم من عواده


شكرا لكم نصيحتكم


تحياتي لكم

[راكان616]

:p
احسن شي حرحربه بالمفك لين تنقز ويطلع معه الطبلون




والا بالمطرقه عليك به :flog:

[wso]

لزق مضمون والتجارية جربتها مع الزمن تنفك اويذوب الصمغ

[عروان]

جزاكم الله خير يا شباب

القاعده شلتها. شلعتها بسكروب عادي. دخلت السكروب تحت القاعده وثم رفعته بشويش حتى نقزت القاعده من محلها ولكن بقى اللزاق على الطبلون.

اللزاق هو اللي جا مع القاعده اول ما شريتها. تراه مثل المعجون تقريباً. قدرت اشيله بيدي من سطح الطبلون ولا بقى له أثر.





شكرا لكم جميعا

[صقر]

يا جماعة الرجال يسأل عن ازالة قاعدة مثبتة بصمغ والصمع تيبس ولزق علىالطبلون وسؤاله واضح : كيف ازيل القاعدة من دون ان أضر بالديكور..

نبغى طريقة مجربة أو مادة مذيبة..

أنا عندي نفس المشكلة

[أبوعبدالرحمن الأسعدي]

افضل شي هواء حار (استشوار) ينقشع معك بسهوله